Hlynur og Erna Sif

Pökkun og þrif

2008-11-24T13:58:00.002-05:00

Nú er bara verið að pakka niður og þrífa íbúðina, ganga frá öllum málum og undirbúa sig fyrir heimkomu.

Gærdagurinn fór semsagt mestallur í þrif, gríðarlega skemmtilegt!
EFtir mikla vinnu ákváðum við að enda á steikhúsi, Capital Grill, og fegnum okkur síðustu steikina hér í Ameríkunni, alveg eðalgóð steik (er einhver að blóta mér hljóðlega núna...)

Í dag er ég búinn að hanga í símanum að segja upp hinum ýmsu hlutum eins og símanum, cable tv og rafmagninu. Það tók mig klukkutíma að segja upp símanum en í byrjun lenti ég á sjálfvirkum símsvara sem maður þarf að tala við. Símsvarinn vildi endilega vita af hverju við værum að segja upp þjónustunni. Ég sagði náttúrulega að við værum að flytja og þá vildi hann vita í hvaða fylki við værum að flytja. Ég sagði bara Ísland og þá hélt símsvarinn að við værum að flytja til Utah. Á endanum var ég settur á bið í hálftíma til þess að tala við alvöru manneskju og þá fóru hjólin að rúlla.

Við erum að vinna í að senda dótið okkar heim og svo er bara New York yfir Thanksgiving.

Hlökkum svo til að koma heim á laugardaginn og hitta ykkur öll...

Kveðja

Hlynur og Erna Sif

Fréttir frá Philly!

2008-11-17T20:15:00.003-05:00

Hæ

Jæja þá er farið að líða að lokum dvalarinnar okkar hérna í Philadelphiu.
Á miðvikudaginn síðasta var haldið kveðjupartý fyrir mig í vinnunni og hefur ekki verið haldið partý í fyrirtækinu fyrir starfsmann í mörg ár.
Það var boðið upp á bjór og hoagies (phillysub) og skemmtum við okkur vel fram á kvöld. Hér er ég með Joe, eiganda fyrirtækisins.

Það er búin að vera aðeins meiri rigning undanfarna daga heldur en við eigum að venjast hérna og svo er farið að kólna svoldið. En það er bara ágætisundirbúningur fyrir íslenskt veðurfar sem er framundan hjá okkur eftir aðeins 12 daga! Já niðurtalningin er hafin, byrjuð að fara í gegnum dótið okkar og komin með kassa heim fyrir það sem ætlum að senda (ótrúlegt hvað maður safnar miklu dóti á einu ári...)

En já, allt að gerast í Philly semsagt, Erna fer á Madonnutónleika á fimmtudaginn, svo er bara að pakka og þrífa um helgina og skilum íbúðinni af okkur á miðvikudagsmorgun í næstu viku. Svo New York í 2 nætur og halló Ísland:)

Kveðja

Hlynur og Erna Sif

2008-11-10T21:30:00.002-05:00

Hæ allir saman!

Hér er allt í góðu standi og helgin var skemmtileg hjá okkur.
Á föstudaginn fórum við með Þórarni og Þór á New Deck Tavern og fengum okkur góðan mat og bjór.
Á laugardaginn var rigning og við skelltum okkur í mollið og gerðum jólainnkaup. Kláruðum ekki allt en komumst ansi langt með jólagjafir ofl.

Á sunnudaginn fórum við svo í sunnudagsbíltúr með Útlögunum eins og við köllum okkur (við, Þórarinn og Þór). Skelltum okkur í Tinicum í fugla- og náttúruskoðun. Fórum svo í Bartram´s Garden sem er einn elsti grasagarður í Bandaríkjunum.
Enduðum svo á Reading Terminal Market þar sem við fengum alvöru kalkúnamáltíð.

Í gærkvöldi komu svo Geir og Valla frá Princeton í mat og spjall svo sunnudagurinn var ansi fjörugur.

Annars gengur bara vinnan fyrir sig eins og venjulega en það er mikið að gera hjá Ernu þessa dagana enda er hún að skila inn nokkrum greinum til birtinga á næstunni og klára hluti fyrir heimkomu.

Biðjum að heilsa í bili

Kveðja

Hlynur og Erna Sif

Phillies, Delaware Water Gap og kosningar..

2008-11-03T21:02:00.004-05:00

Góðan daginn gott fólk!

Já Phillies hafnarboltalið borgarinnar vann meistaratitil í síðustu viku og borgin gekk af göflunum í kjölfarið. Það var skrúðganga á föstudaginn þar sem mættu 2,5 milljón manna og hylltu liðið. Því miður komumst við ekki enda hefði þetta verið einum of mikið af fólki fyrir okkur.

Við skruppum til Chestnut Hill með Þórarni og Þór á laugardaginn, gengum í Wissahickon Creek og fengum okkur að borða. Eftir það kíktum við heim til Þórarins, hofðum á Spaugstofuna og spjölluðum fram á kvöld.

Í gær fórum við með útivistarklúbbi úr háskólanum í gönguferð í Delaware Water Gap. Þetta er ótrúlega fallegur staður en svolítið sorglegt að þarna fer hraðbraut, I-80, beint í gegn um skarðið. Við keyrðum frá hraðbrautinni og gengum í ótrúlega fallegri náttúru upp að vatni á toppi fjallsins.

Hér erum við með Rainu við Sunfish Pond

Fallegir haustlitir við Sunfish Pond

Á morgun eru svo loksins kosningar hér í landi. Ég get varla beðið eftir að þetta verði búið en það er allt að verða vitlaust hér yfir þessu og spennan mikil. Við ætlum að skreppa til vina okkar og horfa á kosningasjónvarp, stuð og fjör.

Jæja nóg í bili

Kveðja

Hlynur og Erna sif

Rigning og kuldi

2008-10-28T14:53:00.006-04:00

Við erum bara búin að gleyma því að það getur verið kalt og rigning...
Haustið er greinilega komið en það er leiðindaveður að ganga yfir í dag. Það var mikil spenna í borginni í gær en Phillies eru að spila í úrslitum hafnarboltans gegn Tampa Rays. Það lið sem vinnur fjóra leiki af sjö vinnur "The World Series"! Já kaninn er ekki með neina minnimáttarkennd, þeir kalla úrslitakeppni innan Bandaríkjanna "World Series"! Anyways þá var leikur í gær og Phillies hefðu getað klárað þetta með fjórða sigrinum en það þurfti að aflýsa leiknum vegna rigningar. Þá er bara að vona að þeir klári þetta annað kvöld!

Hér er ein góð haustlitamynd frá Hawk Mountain:

Það er aðeins að breytast vinnan en nú erum við að klippa niður fjölæringa, skipta út í kerjum, setja niður lauka og planta stjúpum fyrir veturinn.

Við fórum í afmæli til Rainu á laugardagskvöldið en við fórum út að borða á kúbverskan veitingastað. Maturinn var nú ekkert sérstakur en við erum ekki miklir aðdáendur kúbverkskrar matarmenningar eftir að hafa verið þar um árið. Eftir það kíktum við aðeins út á lífið. Það er fyndið að við hittum Rainu og Darshan nákvæmlega fyrir ári síðan á afmælinu hennar og þau eru orðin mjög góðir vinir okkar.

Á sunnudeginum fórum við með Þórarni leiðbeinanda Ernu og Þór lífeðlisfræðingi sem er í sabbatical hérna hjá UPenn, í sunnudagsbíltúr til Gettysburg. Þar var mikill bardagi milli Suðurríkjanna og Norðurríkjanna 1-3 júlí 1863. Það var mjög dramatískt að sjá þennan stað þar sem tugþúsundir Ameríkana börðust. Þarna er allt hlaðið í minninmerkjum og maður sér völlinn ansi vel fyrir sér og hvernig herfræðin skipti miklu máli þarna.

Hér eru Erna, Þór og Þórarinn á röltinu innan um minnismerkin:

Við fengum mjög fallegt haustveður og þetta var bara mjög skemmtilegur sunnudagsbíltúr!

Hér eru Íslendingarnir sem eru staddir í Philly þessa dagana:

Á sunnudaginn næsta förum við svo til Delaware Water Gap í göngu með útivistarklúbbi háskólans. Vonandi verða haustlitirnir ennþá í gangi.

Jæja nóg í bili

Bestu kveðjur frá Philly

Hlynur og Erna Sif

Vikurnar fljúga hjá þessa dagana

2008-10-19T21:54:00.003-04:00

Hæ allir saman!

Já tíminn líður hratt hjá okkur þessa dagana. Í gær skruppum við með Rainu og Darshan í göngu í Susquehanna State Park í Maryland. Veðrið var ótrúlega fallegt og haustlitirnir að ná hámarki. Gangan var skemmtileg blanda af skógi og stundum með fallegt útsýni yfir Susquehanna ánna rétt áður en hún endar í Chesapeak flóann. Frábær ganga í skemmtilegum félagsskap.

Dagurinn í dag var letidagur. Við vorum hálfan daginn á Penn bóksölunni að lesa bækur og svo fórum við í verslunarferð fyrir vikuna.

Ég var svo tilraunadýr hjá Ernu þegar hún var að æfa sig að mæla blóðþrýsting í ósæð eða sem næst hjartanu, spennandi...

Þórarinn, leiðbeinandinn hennar Ernu, kemur svo á morgun og verður í nokkrar vikur í Philly að vinna að rannsóknum. Svo það ætti að vera fjör næstu vikurnar hjá okkur:)

Annars er bara allt í góðu hérna, farið að kólna aðeins sérstaklega á kvöldin og snemma á morgnanna en það er kannski bara ágætis undirbúningur fyrir flutninginn heim!!!

Haustlitir

2008-10-14T20:51:00.005-04:00

Jæja þá er komið að vikulega blogginu okkar!
Það er allt gott að frétta héðan, við fylgjumst með ástandinu heima úr fjarlægð og reynum að láta það ekki á okkur fá.

Við fórum í mat til Rainu og Darshan á laugardagskvöldið í ekta indverskt með rosagóðum kjúkling í karrý, nan brauð, hrísgrjón og alles.

Á sunnudaginn skelltum við okkur til Hawk Mountain en við fórum í göngu þar fyrir tæpu ári síðan. Við fórum í mjög skemmtilega göngu og sáum m.a. Bald Eagle, Sharp-shinned Hawk og Red Tailed Hawk svífandi yfir. Ránfuglar eru semsagt á farflugi núna og svífa yfir svona staði þar sem uppstreymi er mikið. Þarna var mikið af fuglaskoðurum og fór kliður um hópinn þegar við sáum Skallaörninn fræga sem er þjóðartákn Bandaríkjanna.
Haustlitirnir voru mjög fallegir og veðrið frábært og varla hægt að njóta lífsins betur en úti í náttúrunni.
Hér er Erna í þessu fallega umhverfi:

Það er nóg að gera í vinnunni eins og venjulega. Nú er kominn tími á haustskreytingar í görðunum og höfum við m.a. sett upp nokkrar þannig með graskerjum ofl skemmtilegu. Hér er ein slík:

Já það er skrítið að skreyta svona að hausti til og planta stjúpum þegar það er kominn vetur heima...

Annars er bara allt í gúddí hérna, skrýtið að hugsa til þess að séum búin að vera í meira en ár hérna og að styttist í heimkomu en okkur hlakkar til að koma heim til ykkar!

Bestu kveðjur
Hlynur og Erna

Til hamingju Ísland!

2008-10-10T18:23:00.004-04:00

Það var hressandi að lesa Metro blaðið í lestinni í morgun og sjá þessa grein um Ísland.

Ég segi bara til hamingju Ísland!

Bjartsýniskveðjur

Hlynur

Gönguferðir og listasöfn

2008-10-05T20:48:00.005-04:00

Hæ allir saman

Það er mikið líf og fjör hér í Philly þessa dagana. Það er hver hátíðin á fætur annarri. Á föstudagskvöldið fórum við í Old city hverfið þar sem gallerý og búðir voru opnar fram eftir kvöldi. Fórum á veitingastað og loksins fékk ég mér þennan fræga Maine Lobster, algjör snilld.

Í gær fórum við í göngu út fyrir borgina. Keyrðum norður fyrir borgina og gengum um Skippack Creek. Þetta var mjög fallegur staður í litlum State Park sem varla nokkur maður veit hvar er, enda var frekar erfitt að finna hann.
Það var dásamlegt að ganga um laufskóginn og sjá haustlitina rétt að byrja. Hitastigið núna er líka alveg fullkomið fyrir göngu og veðrið mjög fallegt. Við sáum nokkra fugla og dádýr en það sem bar hæst var þegar ég sá fiskiörn, Osprey, fljúga þarna í þessu þrönga gili og krákurnar alveg brjálaðar að reyna að fæla hann í burtu.

Þegar við komum heim þá skelltum við okkur í bæinn á Midtown Festival. Það var margt um manninn, góður matur og allt í gangi.

Í dag fórum við á safn sem heitir Barnes Foundation. Þetta er safn í einkaeigu með miklu safni listaverka m.a. eftir Renoir, Cézanne, Matisse, Chirico, Gauguin, El Greco, Goya, Manet, Monet, Picasso, Van Gogh, Rousseau, Miro ofl.
Safnið er staðsett í fallegu úthverfi og garðurinn og húsið er mjög flott.

Skruppum svo í Whole Foods þar sem íslenskt lambakjöt var aðalmálið, en það fyrsta sem við sáum þegar við keyrðum að búðinni var stór auglýsing með íslensku Free Range lambakjöti.

Þegar ég var svo að skoða kjötið í búðinni þá kom einn kjötvinnslumaðurinn og sagði mér að íslenska lambakjötið væri mun vinsælla en nýsjálenska kjötið og seldist bara mjög vel. Það er skemmst frá því að segja að ég keypti mér nokkra bita og get varla beðið eftir að matreiða þá.

Vikurnar líða hratt núna og við erum eiginlega með plan fyrir allar helgar þangað til að við komum heim. Við eigum m.a. eftir að fara í Delaware Water Gap, ganga hluta Appalachian Trail ofl, ofl...

Biðjum að heilsa í bili

Kveðja

Hlynur og Erna Sif

Haustið á næstu grösum

2008-09-28T21:15:00.002-04:00

Jæja þá er veðrið aðeins farið að breytast hérna hjá okkur. Það er búið að rigna svoldið síðustu daga en það er ennþá rúmlega 20°C hiti.
Í gær skruppum við á Sædýrasafnið í Baltimore en það er víst það flottasta hér í landi.
Það var alveg frábært en það var mikið af fólki á köflum. Við sáum endalaust af sjávardýrum, sérstaka froskasýningu og svo var ótrúleg endurgerð á árgljúfri frá norður Ástralíu en við höfum einmitt farið kajakferð um þannig svæði.

Annars höfum við bara verið í chilli í dag og notið þess að vera rólegheitunum. Tíminn flýgur ótrúlega hratt áfram og við trúum því varla að það séu bara 2 mánuðir í heimkomu!

Knús Hlynur og Erna

Fréttir frá Philly

2008-09-23T22:11:00.004-04:00

Hæ öllsömul.

Helgin var ansi skemmtileg hjá okkur. Við fórum í göngu á laugardeginum í White Clay Creek State Park í Delaware. Veðrið var alveg fullkomið fyrir göngutúr, þægilegt hitastig og sól. Loksins komið gönguveður aftur og nú er bara að fara í göngur um hverja helgi...

Hér erum við á POD í góðu stuði:

Á sunnudaginn komu Valla og Geir í heimsókn og við fórum á ansi sérstakt safn, Mütter museum, en það er læknisfræðilegt safn með líkamsleifum og sögu m.a af síamstvíburum. Það var mjög athyglisvert að lesa um nokkra fræga síamstvíbura eins og Chang og Eng. Annar var alltaf hress og í góðu skapi en hinn var þunglyndur og drykkfelldur. Svo feðraði annar 10 börn og hinn 11 en þeir giftust systrum, sem áttu heima hlið við hlið. Svo bjuggu þeir viku og viku á hvorum stað! Skrítið...
Enduðum svo daginn á bjór á Pod og mat á Pizza Rustica en það er uppáhaldsstaður Geirs og Völlu í Philly.

Svo fréttum við óvænt af því að Mugison yrði með tónleika hérna í borginni og við skelltum okkur í gær. Þar hittum við Davíð Þór píanista og músíker en hann er að spila með Mugison á þessum túr um Bandaríkin. Það var ansi skemmtilegt að hitta hann og spjalla um gamla tíma frá því í Big bandinu í gamle dage...
Tónleikarnir voru algjör snilld, þvílík spilamennska og stuð hjá drengjunum.

Hér eru þeir á útopnu

En já kominn tími á háttinn...

Áfram Phillies!

2008-09-14T20:36:00.005-04:00

Þá er Raggi farinn heim eftir skemmtilega viku í NY og Philly og Erna komin heim frá Maine.

Ég og Raggi höfðum það gott hérna í Philly, skoðuðum borgina og krárnar, fórum í spilavíti í Atlantic City, lentum í fangelsi og fleira skemmtilegt!
Reyndar fórum við í gamalt fangelsi sem er safn núna og hýsti meðal annars Al Capone hér forðum daga.
Hér erum við félagarnir á boardwalkinu í Atlantic City.

Það var voða gott að fá Ernu svo aftur heim, alltaf eitthvað flakk á henni...
Þetta var reyndar ansi strembið námskeið sem hún var á en hún náði þó að sjá eitthvað af náttúrunni þarna og kynnast skemmtilegu fólki. Það eru komnar myndir á flickr síðuna okkar frá þessu ferðalagi hennar.

Í gær var okkur boðið í útskriftarveislu hjá Dawn sem vinnur með mér. Hún var að útskrifast sem garðyrkjufræðingur og hélt grillveislu í garðinum. Það var frábært að fá grillaða hamborgara og pulsur... Söknum svo grillsins okkar.
Hér er Dawn að grilla.

Í dag fór ég svo á hafnarboltaleik ásamt 44.000 öðrum Phillies stuðningsmönnum með Rainu og Darshan. Erna komst því miður ekki vegna flensugleði.
Þetta var alveg frábær skemmtun, leikurinn var skemmtilegur, Phillies voru í stuði og unnu leikinn og svo var maturinn alveg geggjaður á leikvanginum.
Það er víst alveg jafn stór hluti af því að fara á leik að borða sveittar pulsur, Kielbasa eða Italian Sausage með alls konar gumsi og að horfa á sjálfan leikinn.
Svo fengum við okkur franskar með krabbakryddi og bráðnum osti.
Þvílík snilld!

Nú bíðum við bara eftir haustinu með aðeins mildara veðri og gönguferðum.

Biðjum að heilsa í bili

Kveðja

Hlynur og Erna Sif

Raggi í heimsókn

2008-09-07T09:03:00.002-04:00

Hæ

Raggi er í heimsókn þessa dagana og Erna er á námskeiði upp í Maine þannig að það er allt í gangi hér eins og venjulega.

Við félagarnir vorum í NY í nokkra daga og gerðum margt skemmtilegt. Á miðvikudaginn fórum við á Village Vanguard jazzklúbbinn sem er einn af þeim frægari í heiminum. Sáum Joe Lovano og einhverja dúdda spila sem var mjög skemmtilegt. Okkur fannst þetta þó óþarflega súrt á köflum en upplifunin var frábær!
Á fimmtudaginn fórum við svo í Staten Island Ferry og sáum útsýni yfir Manhattan og hverfin í kring og svo auðvitað Frelsisstyttuna. Svo röltum við bara um borgina, skoðuðum hin ýmsu hverfi og tókum því rólega.

Fórum svo á Comedy Cellar um kvöldið og vorum gjörsamlega teknir í gegn af grínurunum enda sátum við á fremsta borði! Var mikið grín gert að Íslandi, hversu hvítir við vorum og hvort við hefðum aldrei séð aðra kynþætti áður... Svo reyndi einn að segja nafnið mitt og notaði það í svona fimm mínútur og salurinn lá í krampa og ég gat varla andað fyrir hlátri.
Þegar síðasti grínarinn fór upp á svið þá var hann með mjög grófan húmor sem ekki er hægt að hafa eftir hérna og það var einhver sem henti skeið í hann. Við héldum að það ætlaði allt að sjóða upp úr en gæjanum var kastað út og showið hélt áfram.

Föstudagurinn var að mestu leiti bara chill og svo tókum við lestina til Philly.
Í gær ætluðum við að skoða borgina en það varð ekki mikið úr því vegna Hönnu sem var að fara yfir svæðið. Skruppum aðeins í mollið og keyrðum um Main Line hverfið og chilluðum svo heima meðan óveðrið gekk yfir.
Við vorum svo að horfa á sjónvarpið þegar útsendingin var allt í einu rofin og gefin út aðvörun um hugsanlegan hvirfilbyl (tornado) í nokkrum sýslum þ.á.m í Philadelphia. Við vorum náttúrulega frekar skelkaðir en svo leið tíminn og ekkert gerðist og svo var veðrið farið yfir. Við fórum svo aðeins út um kvöldið og sáum að það var eitt tré sem hafði fallið á götu hérna rétt hjá okkur.

En í dag er stefnan tekin á Atlantic City með boardwalki og spilavítum.

Bið að heilsa í bili

Kveðja

Hlynur

Þriðja sæti í ljósmyndakeppni!

2008-09-02T21:02:00.004-04:00

Hæ snúllurnar okkar

Við getum ekki annað en montað okkur af hinu ótrúlega afreki að vinna verðlaun í ljósmyndasamkeppni í dag!!!!

Hin ótrúlega merkilega samkeppni var ljósmyndasamkeppni skiptinema við HÍ og við lentum í hinu ógurlega virðulega 3.sæti:)
En já bara gaman af þessu, hin risastóru 10 þúsund króna peningaverðlaun fara í út að borða fyrir ljósmyndasnillingana!

Myndin merkilega er semsé hérna fyrir ofan og ef þið viljið sjá bæklinginn sem myndin birtist í (heilsíðumynd nota bene:) þá má finna hann hér í pdf:
http://ask.hi.is/Apps/WebObjects/HI.woa/swdocument/1013983/Skiptin%C3%A1m.pdf

Hér er tilkynningin um verðlaunin:
http://ask.hi.is/page/myndasamkeppni

Annars er bara allt gott að frétta af okkur héðan úr sumrinu í Philly, Hlynur fer og hittir Ragga í New York á morgun og minns fer á 8 daga námskeið í Acadia þjóðgarði í Maine...

Knús Erna og Hlynski

Kominn tími á smá blogg

2008-08-27T22:12:00.004-04:00

Jæja það er varla tími fyrir blogg þessa dagana enda mikið fjör í gangi í Philly.

Sigga er búin að vera hjá okkur síðustu vikuna og búið að vera frábært að hafa hana í heimsókn. Erna hitti hana í New York síðasta fimmtudag og þær voru í tvo daga að dandalast um borgina.

Svo tók ég lestina á laugardeginum og við fórum saman á Lion King show á Broadway. Það var alveg mögnuð upplifun!
Á sunnudaginn fórum við á ströndina í Cape May eins og venjulega. Sjórinn er loksins orðinn þolanlega volgur og við fórum alveg útí í fyrsta skipti í sumar.
Erna og Sigga hafa svo verið að skoða borgina og mollin síðustu daga.
Í gær hittum við Svan, sem er að stúdera í Rutgers University í New Jersey en hann átti leið um Philly og hafði frétt af okkur hérna. Við fórum auðvitað á uppáhaldsstaðinn okkar, New Deck Tavern. Hér erum við á góðri stund.

Sigga fer á morgun og framundan er löng helgi þar sem það er Labor Day á mánudaginn.

Svo já, allt í gangi en skulum vera duglegri að skrifa núna!

Knús
Hlynur og Erna

Princeton og ströndin

2008-08-17T21:33:00.005-04:00

Þá er kominn tími á smá blogg.

Það var gott að endurheimta konuna í síðustu viku og fá íslenskt góðgæti eins og flatkökur, hangikjöt, pulsur, harðfisk og fullt af íslensku nammi!

Á föstudagskvöldið fórum við í bíó á Batman myndina. Við vorum ekkert mjög hrifin, allt í lagi mynd en óþarflega langdregin.

Í gær skelltum við okkur í heimsókn til Völlu og Geirs í Princeton í New Jersey. Við kynntumst þeim fyrir algjöra tilviljun þegar Valla sá tvo hávaxna ljóshærða með Cintamani bakpoka í lestinni og dró réttar ályktanir. Geir er semsagt í Princeton háskólanum og Valla er í Drexel sem er hérna rétt hjá okkur.
Princeton er mjög skemmtilegur bær, við fórum í göngu um bæinn, sáum campus, miðbæinn og canal sem rennur þarna í gegn. Hérna erum við upp í klukkuturni með gott útsýni yfir bæinn.

Princeton er mjög fallegur bær og gæti varla verið ólíkari Philly en í Princeton búa ekki nema 30.000 manns og allt er mjög lítið og vinalegt. Enduðum svo daginn á því að fara út að borða á mjög góðan ítalskan stað sem er í uppáhaldi hjá þeim.
Hér er svo mynd af kagganum sem var leigður fyrir daginn.

Í dag fórum við svo á ströndina í Cape May. Það er víst óvenju "svalt" þessa dagana en okkur fannst hitinn fullkominn í dag, um 28°C.
Það var fínt að chilla á ströndinni, lesa og njóta veðursins.
Framundan er svo næsta hrina af heimsóknum. Sigga systir Ernu kemur á fimmtudaginn í þessarri viku og svo kemur Raggi í byrjun september.

Þannig að það er áfram stuð og fjör í Philly:)

Kveðja

Hlynur og Erna Sif

Grasekkillinn skrifar

2008-08-05T08:08:00.004-04:00

Hæ

Já kallinn er einn heima þessa dagana meðan Erna spókar sig um á Íslandi. Ég hef það nú bara fínt, tók mér frí í dag í vinnunni og fór á kanó á Pine Barrens svæðinu í New Jersey. Það var magnað hvað var hægt að komast langt frá allri byggð þarna og njóta náttúrunnar í þéttbýlasta fylki Bandaríkjanna. Ég sá nokkur dádýr, skjaldbökur og svo sá ég nokkra fugla sem ég hafði ekki séð áður. Þar var American Redstart flottastur en svo voru nokkrir aðrir flottir eins og Common Yellowthroat en hann er eins og með grímu yfir andlitinu.
Kíkið á myndir hér: http://en.wikipedia.org/wiki/American_Redstart
http://en.wikipedia.org/wiki/Common_Yellowthroat

Annars var þetta frábær ferð, ótrúleg kyrrð og náttúran mjög falleg þarna.
Það var bara í kaldara lagi í dag, undir 30 gráðunum sem er víst bara treat hérna í ágúst.

Jæja hef ekki mikið meira að segja í bili

Kveðja

Hlynur

Allt að gerast í Philly!

2008-07-26T14:52:00.003-04:00

Já það er mikið búið að brasa síðustu vikurnar og höfum við varla haft tíma í blogg eða að setja inn myndir á flickrið en það kemur allt saman.

Við fórum á frábæra tónleika með Coldplay í gær og erum varla komin á jörðina ennþá! Það var brjáluð stemming en Wachovia Center var pökkuð þúsundum manna.

Þeir spiluðu nýju plötuna sem við erum búin að hlusta á síðasta mánuðinn og er alveg frábær plata. Svo komu nokkur gömul og hef ég aldrei heyrt jafn miklar undirtekir hjá áhorfendum þegar þeir tóku Fix you en gjörsamlega allir sungu með og höllin titraði!
Chris Martin var algjörlega magnaður, þvílík orka í manninum, hljóp, dansaði (ef dans mætti kalla) og trylltist á píanóinu inn á milli allan tímann.
Svo var mjög flott þegar öll hljómsveitin hljóp í gegnum áhorfendur og fór alveg aftast í salinn þar sem var míkrafónn og tóku eitt lag þar innan um áhorfendur sem ætluðu alveg að ganga af göflunum.
Já þetta var þvílík upplifun og þið getið upplifað smá með því að kíkja á þennan link:
http://www.coldplay.com/newsdetail.php?id=83
En þar er brot af einu lagi þar sem allir sungu hástöfum með.

Hér er svo myndband af Fix You, nær ekki alveg söngnum hjá áhorfendunum en það er brill að sjá Chris Martins dansa!

Jæja nóg í bili

Kveðja

Hlynur og Erna Sif

Stuð og fjör í Philly

2008-07-20T09:51:00.003-04:00

Hæ allir saman.

Hér er búið að vera mikið stuð og fjör síðustu daga. Þorri hefur leikið á alls oddi og segir reglulega við mann: Ertu að meina þetta! og hlær!
Það er búið að skoða mikið hér í kring og t.d. í gær fórum við í sveitina að hitta Amish fólkið sem var mjög skemmtilegt. Fórum í hestakerruferð, versluðum á skemmtilegum markaði í Intercourse PA, skoðuðum yfirbyggða brú og keyrðum svo um litla sveitavegi þar sem maður sá fólkið vinnandi á ökrunum með múlasna á plógi. Svo var ótrúlega mikið af maískorni á ökrunum en þeir ná víst að uppskera 5 sinnum á ári.

Hér er Þorri á ströndinni í Cape May í New Jersey

Annars höfum við haft nóg að gera, farið á brasilískt steikhús, skoðað Chanticleer (uppáhalds garðinn okkar), farið í King of Prussia (risamoll), keyrt um Chestnut Hill (hverfið sem ég vinn í), farið á ströndina og skoðað borgina vel.

Í dag fórum við í Wissahickon Creek í smá gönguferð í hitanum og svo kíktum við aðeins í vinnuna til mín.

Svo hefur verið voða kósí að hafa Þorra hjá okkur en hér eru Erna og Þorri að lesa fyrir háttinn.

Kveðja í bili

Hlynur og Erna Sif og litla fjölskyldan

Loksins smá blogg

2008-07-11T22:44:00.002-04:00

Hæ Ísland!

Þá kemur loksins smá blogg hérna frá okkur. Það er búið að vera mikið að gera síðustu viku eða svo.
Það var mikil upplifun í indverska brúðkaupinu sem við vorum í um síðustu helgi.
Við flugum til Columbus í Ohio á fimmtudaginn og fórum beint á glæsilegasta hótel staðarins, The Renaissance. Erna fór beint í svaka gleði með Rainu og fleiri stelpum þar sem var verið að mála Henna á brúðina og fleiri sem vildu, Erna fékk sér smá, voðaflott:) Ég rölti svo um bæinn og sá skrúðgöngu í tilefni 4.júlí þó það væri bara 3.júlí. Það var mikið um dýrðir í þessari skrúðgöngu eins og t.d. Félag pípara í Columbus og svo fræg Idol stjarna, Renaldo Lapuz (athugið Youtube) en mest gaman var að sjá tvær risastórar lúðrasveitir sem spiluðu poppaða útgáfu af þjóðsöngnum. Svo komu nokkrar orustuþotur í lágflugi yfir mannfjöldann sem var mjög gaman að sjá. Kvöldið endaði svo með flugeldasýningu sem við fórum saman á sem var alveg mögnuð, 25 mínútur og held ég bara betri en sumar íslensku sýningarnar vegna þess að það var meira í gangi á hverjum tíma. Frekar fyndið að einhver var með útvarp og þjóðsöngurinn var spilaður við mikil viðbrögð og svo chantaði hópurinn U S A heillengi. Sé ekki Íslendingana fyrir mér í þessum ham...

Á föstudaginn fór Erna svo í sitt fyrsta Bridal Shower og ég rölti með nokkrum brúðkaupsgestum í German Village þar sem við fengum okkur frábæran brunch. Um kvöldið var svo haldið á hótel rétt fyrir utan borgina í indverska Garba dansveislu. Þar var boðið upp á indverskan mat, missterkan og svo var dansað í þrjá klukkutíma í hringi og með prik undir dynjandi indverskri tónlist. Það var mikið um litríkan klæðnað (sarí) og allir tóku þátt í dansinum, ungir sem aldnir og Erna og Hlynur líka. Stóðum alveg út úr í hópnum en náðum bara að dansa ansi mikið.

Á laugardaginn bauð fjölskylda brúðarinnar í veislu á Buca di Beppo sem er ítalskur staður og eftir það fórum við í partý sem Darshan hélt fyrir vini sína.

Giftingin var svo á sunnudeginum í sveitaklúbbi utan við borgina. Hún byrjaði með klukkutíma af dansi og brúðguminn kom á hvítum hesti til að hitta foreldra brúðarinnar sem á að vera hefðbundið í Indlandi nema þar er fíll notaður. Þetta var allt saman mjög hefðbundið og svo var komið að athöfninni sem fór fram á sanskrít en var að mestu leiti þýdd á ensku. Athöfnin var mjög falleg og mikið af siðunum var öðruvísi fyrir okkur.
Eftir athöfnina var lunch og svo höfðum við smá tíma til að slappa af áður en veislan hófst en hún var haldin á hótelinu okkar. Veislan var mjög skemmtileg, góður matur og mikið dansað. Erum orðnir sérfræðingar í indverskum dansi eftir þetta!

Já mikil upplifun og frábært að fá að vera partur af þessu.

Annars hætti stuðið ekkert hjá okkur því Una Björk, Þröstur og Þorri komu á þriðjudaginn sem er frábært og svo gaman að hafa þau í heimsókn.

Stutt vinnuvika og gleði framundan

2008-07-02T19:28:00.002-04:00

Jæja þá er stutt vinnuvika búin og á morgun fljúgum við til Columbus, Ohio í fjögurra daga brúðkaup hjá Darshan og Rainu. Þetta verður ábyggilega mikil upplifun og við vitum eiginlega ekkert við hverju við eigum að búast. Það sem við vitum er að það verður hvítur hestur fyrir brúðgumann, Henna málning, indverskur dans og svo er væntanlega nóg af indverskum mat.

Svo getum við varla beðið eftir Unu Björk, Þresti og Þorra sem koma hingað næsta þriðjudag. Það verður kátt í litlu Ikea íbúðinni okkar næstu vikurnar.

Annars er lítið að frétta svo sem. Vinnan gengur sinn vanagang nema að við höfum varla undan að vökva í þurrkinum hérna. Það er varla búið að rigna hérna nema smá skúrir öðru hverju í nokkrar vikur og svo er hitastigið frekar stöðugt um 30°C. Sumir garðarnir eru með sjálfvirkri vökvun en við erum með mikið af kerjum með sumarblómum í og það þarf að vökva þau mikið.

Það verður áhugavert að upplifa 4.júlí hérna í Bandaríkjunum. Auðvitað verðum við ekki hérna í Philly þar sem þetta allt byrjaði hérna seytjánhundruðogsúrkál en við sjáum væntanlega einhvern gleðskap og flugelda í Columbus.

Biðjum svo að heilsa Úlfi Ægi sem verður tveggja ára þann 4 júlí.
Til hamingju með afmælið Úlfur:)

Kveðja

Hlynski og Ernski

2008-06-29T17:32:00.004-04:00

Þá koma smá fréttir frá okkur hérna í Philly.
Tíminn líður ansi hratt hérna þessa dagana. Í gær fórum við til Cape May í strandargleði. Þetta er kósí lítill bær og ströndin er mun rólegri en í Wildwood þar sem við fórum síðast. Það er skemmtileg tilbreyting að fara á ströndina og gott að komast frá hitanum í borginni.

Í dag skelltum við okkur í Manayunk sem er úthverfi hérna í Philly. Við ætluðum bara að skoða hverfið og fá okkur brunch en svo var bara risastór markaður í tengslum við einhverja listahátíð í hverfinu. Við keyptum okkur ansi skemmtilega boli og skoðuðum endalausa bása með alls konar listmunum. Þessi markaður var mjög skemmtilegur og gaman að ramba svona á þetta. Hér er ég að smakka grillað svínakjöt eða eins og herferðin heitir: The other white meat.

Nú er bara stutt vinnuvika framundan, á fimmtudaginn fljúgum við til Columbus, Ohio í brúðkaup vina okkar hérna, Darshan og Rainu. Það verður mikið fjör, enda fjögurra daga veisluhöld að indverskum hætti.
Svo er náttúrulega 4. júlí framundan og það verður áhugavert að sjá hvernig kaninn heldur upp á það.

Er að setja nokkrar myndir úr vinnunni inn á flickrið, tjékkið á þessum villum!

Íslandsför:)

2008-06-24T09:24:00.003-04:00

Halló snúllurnar mínar

Vildi deila með ykkur gleðinni en minns er að koma heim í smá vinnuferð og heimsókn 1-10.ágúst:)

Hlakka ekkert smá til að koma aðeins heim og knúsa ykkur öllsömul...

Erna

Helgin í Philly

2008-06-22T21:16:00.005-04:00

Þá er vinnuvikan framundan eftir skemmtilega helgi.
Eftir frekar tíðindalitla vinnuviku þá skelltum við okkur aðeins á djammið með Rainu og Darshan á föstudagskvöldið. Fórum á Dj kvöld þar sem var spiluð bangra tónlist ásamt öðru. Komumst að því að heyrnin okkar þoldi þetta ekkert svo vel, hávaðinn var þvílíkur ... Ætli maður sé bara ekki gamall?

Í gær keyrðum við norður fyrir borgina á Phillycarshare bílnum okkar. Það er nýbúið að bæta við bílum í nágrenninu og það er kominn einn Prius við húsið okkar sem er mikil gleði.

Við fórum í göngu sem heitir The Pinnacle. Við ákváðum fyrir helgina að reyna að fara í eina göngu enn meðan ekki væri orðið of heitt. Hitinn var þó um 30°C og svoldið heitt en þegar við komum upp á toppinn á "fjallinu" (frekar hóll að okkar mati) þá var aðeins kaldara. Útsýnið var frábært en við erum enn að venjast því að sjá bara útsýni yfir ræktað land og sveitir en byggðin hérna á austurströndinni er ansi þétt.
Hér er ein mynd úr göngunni.

Eftir gönguna skelltum við okkur í Cabelas búð sem var þarna rétt hjá. Veit að Svanur mágur og Kári svili öfunda okkur af því þegar þeir lesa þetta. En þvílík búð! Þetta er víst stærsta Cabelas búðin með 23.000m2 af gólfplássi. Komumst að því að þetta var ansi mikil redneck búð en það var magnað að sjá þetta. Heilu dýrahjarðirnar uppstoppaðar, allt frá fílum til ísbjarna (einu ísbirnirnir sem við fáum að sjá) og svona 5000 veiðistangir, byssur allt frá skammbyssum til hríðskotariffla (ágætis sjokk að sjá slíkt bara hríðskotariffla í búðarborðinu) og fleiri ótrúlegir hlutir http://en.wikipedia.org/wiki/Cabelas
Reyni að setja myndir af þessu fljótlega.

Í dag ákváðum við að hafa það notalegt og kíkja aðeins í bæinn. Það endaði með allsherjar verslunarferð! Byrjuðum að fara í Macy´s sem er algjör snilldarbúð með allt mögulegt til sölu. Fengum okkur svo Crepe á Reading Terminal Market. Svo gengum við Walnut Street til baka en það er helsta verslunargatan hérna. Þar voru H&M og Zara og fleiri búðir teknar í gegn. Ég var nú hálfgert burðardýr en fékk nú að versla mér smá...

Nú er maður bara að fylgjast með EM, var að horfa á Spán - Ítalíu. Þvílík snilld að sjá Spán fara áfram. Hef aldrei haldið með Ítalíu í fórbolta og gott að vera laus við þá úr keppninni.

Við erum farin að hlakka ansi mikið til að fá Unu Björk, Þröst og Þorra í heimsókn en það styttist í það, gaman, gaman...

Kveðja

Hlynur og Erna Sif

Gleðilega þjóðhátíð!

2008-06-17T21:05:00.003-04:00

Til hamingju með daginn kæru landar.
Við gerðum nú ekkert sérstakt í tilefni dagsins en við sungum Hæ,hó jibbí jei áðan til að koma okkur aðeins í gírinn!

Hér er vinnuvikan komin á fullt. Hitastigið er búið að vera fullkomið fyrir vinnuna hjá mér, 25°C og ótrúlegt hvað dagarnir líða hratt. Það er svosem ekkert sérstakt í gangi í vinnunni, mánudagar og þriðjudagar eru skemmtilegastir. Þá förum við yfir í Main Line þar sem við erum í hverri viku. Það tekur rúman hálftíma að keyra þetta (já það er aðeins lengra að keyra milli hverfa hér en heima) og svo erum við bara að sjá um þennan glæsilega garð í rólegheitunum. Það er alveg magnað að sumir kúnnarnir okkar hafi tvo garðyrkjufræðinga í vinnu tvo daga vikunnar ellefu mánuði á ári! En garðurinn er eiginlega listigarður og nóg að gera. Eplatrén sem ég eyddi þremur dögum í að klippa til í vor eru glæsileg núna og mikið af eplum að þroskast. Eitt af því sem er frábært við að vinna þarna er að maður er alveg kominn eiginlega út í náttúruna, allt er skógi vaxið og mikið af fuglum og dýralífi.
Hér er mynd af mér við eitt tréð í garðinum, Umbrella Magnolia en laufblöðin geta orðið ansi stór eins og þið sjáið.

Við keyptum nýja Coldplay diskinn í dag og erum núna að hlusta, lofar góðu. Erum semsagt að undirbúa tónleikana með þeim sem verða seinnipart júlí hérna í Philly.

Vona að þið hafið átt góðan dag, virðist hafa verið gott veður aldrei þessu vant á þann seytjánda...

Kveðja

Hlynur

Strandargleði

2008-06-14T21:50:00.002-04:00

Þá er erfið vinnuvika að baki. Ég fékk að kynnast því hvernig þetta verður í sumar, frekar heitt og mollulegt. En ég komst í gegnum þetta og ætti því að lifa sumarið af...

Ég er farinn að sjá alveg um erfiðasta kúnna fyrirtækisins (og einn stærsta) eftir að vinnufélagi minn lenti eitthvað upp á kant við hana. Það er frekar stressandi en ég hef náð að láta allt ganga upp hingað til. Joe, eigandi fyrirtækisins, virðist vera ansi ánægður með Íslendinginn sinn og ég er sá eini sem hann kallar buddy!
Annars líður hver vinnuvika hratt fyrir sig og áður en maður veit af er komin helgi á ný.

Í dag keyrðum við á ströndina í Jersey, byrjuðum á að fara til Wildwood. Ströndin þar var mjög fín og lágum við eins og skötur þar í nokkra tíma. Gengum svo á boardwalkinu og sáum alveg nýja hlið á strandlífi. Það er ótrúlega mikið gert úr skemmtun og afþreyingu og stundum gengur þetta of langt. Þarna var semsagt allt frá mini golfi upp í þrjá skemmtigarða með tívolítækjum og einn vatnsrennibrautagarður. Þetta var allt frekar gamaldags eins og hápunktur staðarins væri liðinn. Eftir að hafa upplifað þetta þá keyrðum við til Cape May sem er syðst í Jersey og fórum aðeins á ströndina þar. Svo gengum við um bæinn sem er mjög kósí og gamaldags. Bærinn er frægur fyrir Viktorískan byggingarstíl og það var gaman að sjá öll litlu B&Bin sem eru þarna.
Okkur líkaði miklu betur við þennan stað en Wildwood og ekki spurning hvert við förum næst á ströndina.

Bless í bili

Hlynur og Erna Sif

Kindablogg

2008-06-10T20:14:00.003-04:00

Halló snúllurnar mínar

Víst löngu komin tími til að kindin láti heyra í sér hérna...

Allt gott að frétta af okkur í bráðnandi hitanum. Fannst þetta nú aðeins of mikill hiti þegar er komið í líkamshita og slatta raki með. En það er að kólna núna og hinu fullkoma hitastigi 30°C spáð á morgun.

Var með rannsókn um helgina, rannsóknirnar mínar eru loksins að komast almennilega í gang hérna og ég notaði helgina í að kenna nýju starfsfólki svo þetta rúlli vel í sumar. Er svo langt komin með tvær greinar til birtingar, eina úr mastersnáminu og aðra yfirlitsgrein um kæfisvefn svo ég er bara ansi sátt með vinnuna þessa dagana:)

Minns var svo að kaupa sér miða á Madonnutónleika í nóvember:) Hlynur harðneitaði að fara á svona stelputónleika svo ég og Raina ætlum að skella okkur saman. Er þvílíkt spennt þar sem ég hef verið Madonnu aðdáandi frá því að ég var lítil. Átti nota bene allar plöturnar hennar og spólurnar og var bara með Madonnuplaköt upp á vegg. Öfundaði alltaf eldri systir einnar vinkonu minnar sem átti Madonnu rúmföt! Veit svosem ekkert hvernig nýji geisladiskurinn hennar er en held að það sé alltaf gott show að fara á tónleika með henni.

Mæli með Sex and the City myndinni, fór á hana á sunnudaginn með Rainu (annar hlutur sem Hlynur var ekki spenntur fyrir enda algjör stelpumynd). Algjör snilldarmynd, ná alveg að gera alvöru plot en ekki bara einn langan þátt eins og ég var pínku hrædd um áður. Svo já bara brilliant stelpumynd!

Annars bíðum við bara spennt eftir strandarferð næstu helgi!!!

Knús
Erna

Ps. Árni við misstum því miður af Eurovision, það hefði verið gaman að sjá Ísland komast upp úr undanúrslitunum loksins og fá að vera með í alvöru keppninni...

Hvað er annars í gangi heima, jarðskjálftar, ísbirnir og bensínverð á leiðinni í 200kallinn????

Hitabylgja í Philly

2008-06-07T18:22:00.002-04:00

Það er vel heitt í dag hjá okkur, fór yfir 35°C og frekar mikill raki. Erna er með rannsókn í gangi alla helgina (sleep deprivation)og þurfti að mæta snemma en ég leigði mér Prius og skrapp í Tinicum að skoða fugla. Ég sá nokkra warblera, Orchard Oriole og fullt af öðrum fuglum. Þegar var komið að hádegi þá var farið að hlýna ískyggilega en ég ákvað að kíkja í Bartram´s Garden http://en.wikipedia.org/wiki/Bartram%27s_Garden
sem er einn elsti grasagarður Bandaríkjanna. Þetta var mjög lítill og kósí garður sem var skemmtilegt að skoða.

Hitinn var hins vegar að ná hámarki og ég fór og náði í Ernu upp á spítala og við keyrðum upp í Main Line og höfðum það notarlegt á kaffihúsi, skruppum í nokkrar búðir og fengum okkur heimagerðan ís á Ardmore´s Farmers Market.

Enduðum svo á að fara í Target og kaupa strandargræjur fyrir sumarið. Keyptum m.a. strandarstóla, risahandklæði ofl. Í þessum hita þá er ekkert annað en ströndin sem virkar!

Veðurspáin næstu daga er frekar svakaleg en það á að verða heitara en í dag og við skulum sjá hvernig gengur að vinna í svona hita á mánudaginn. Maður byrgir sig upp af vatni og makar á sig sólarvörn, settur derhúfuna á hausinn og reynir svo að finna skuggsæla staði hjá Mclains til þess að vinna.

Bið að heilsa í bili

Kveðja

Hlynur

Fjör með Jan, Susanne og Otto

2008-06-03T22:05:00.006-04:00

Hæ!

Þá eru Jan, Susanne og Otto farin heim. Eins og alltaf þegar við fáum gesti þá líður tíminn mjög hratt og fannst okkur eiginlega tíminn of fljótur að líða í þetta skiptið.
Þau voru mjög dugleg að skoða borgina í síðustu viku en um helgina leigðum við bíl og keyrðum í Chanticleer garðinn sem er alveg frábær garður fyrir alla aldurshópa. Fengum mikla rigningu og þrumur á okkur en það var allt í lagi því við fengum okkur bara sæti á veröndinni hjá aðalhúsinu þar sem voru fín húsgöng og skjól frá rigningunni. Þar borðuðum við hádegissnarl og heyrðist í konu sem sat rétt hjá: Those Europeans are so smart, bringing lunch! Eftir smá snarl og rólegheit þá hætti rigningin og við náðum að skoða garðinn betur.

Eftir þetta var haldið í risamollið, King of Prussia en Jan og Susanne vildu endilega reyna að versla sér eitthvað enda evran þeirra ansi sterk gagnvart dollar. Meðan þau fóru að versla þá vorum við Erna með Otto í skemmtilegum búðum eins og Disney Store og bangsabúðum en eftir rúman klukkutíma var hann búinn að fá nóg og vildi fá mömmu sína.

Á sunnudaginn var svo komið að strandardegi. Við höfðum ekki enn farið á ströndina í Jersey þannig að við vissum ekkert við hverju var að búast og við urðum ekki fyrir vonbrigðum. Ocean City var reyndar full af fólki en ströndin var mjög fín og brjáluð sól og hiti. Otto var alveg í essinu sínu og lék sér mikið en við hin gátum aðeins slakað á í sólinni.

Á mánudaginn fór svo Erna með þeim til New York í dagsferð sem heppnaðist mjög vel. Þau fóru á toppinn á Rockefeller Center, gengu um Soho, picnic í Central Park, fengu flott útsýni úr Staten Island ferjunni svo eitthvað sé nefnt. Jan og Susanne voru bæði agndofa yfir borginni og voru strax farin að plana næstu ferð í borgina.

En já núna er bara tómt í kotinu og við bíðum spennt eftir næstu gestum í júlí þegar Una Björk, Þröstur og Þorri koma í heimsókn.

Kveðja

Hlynur og Erna Sif

Virginia og Shenandoah

2008-05-28T17:39:00.005-04:00

Hæ allir saman!

Hér er nóg að gerast, Jan, Susanne og Otto komu í gær og það er mikið fjör á bænum.

Helgin var alveg frábær hjá okkur. Við fórum með Darshan og Rainu til Virginia yfir helgina. Fengum að gista hjá systir Rainu í Arlington sem er rétt hjá DC. Á föstudaginn lentum við í svaka grillveislu með systrum hennar Rainu og mökum. Fórum í Whole Foods (geggjuð búð) og keyptum stærstu hamborgara sem ég hef séð og svo þvílíkar pulsur, kjúlla ofl. Mikið fjör og gaman.
Á laugardaginn fórum við í garð rétt fyrir norðan borgina sem heitir Great Falls. Þar rennur Potomac áin í gljúfri með nokkrum fossum og flúðum. Fórum í göngu meðfram ánni og settum tóninn fyrir mikla gönguhelgi.

Eftir þetta fórum við í annan garð sem heitir Lake Attonich held ég og gengum þar skemmtilega göngu í kringum vatnið.

Enduðum svo á að fá okkur Chipotle sem er víst aðal mexíkanski staðurinn hérna en við höfðum aldrei farið á. Minnti ansi mikið á Culiacan í Skeifunni...

Enduðum svo daginn á að kíkja á mannlífið í Georgetown Waterfront. Frábært hverfi og það var bullandi stemmning við ánna, mikið af bátum og fólk að spila á gítar og syngja.

Á sunnudaginn keyrðum við svo í Shenandoah National Park og fórum í erfiðustu gönguna í garðinum, Old Rag Mountain.
http://en.wikipedia.org/wiki/Old_Rag

Þessi 7 mílna ganga var ekki svo erfið fyrst en svo fórum við að príla á sleipum steinum og klifra upp klettaveggi með reipi alles en á endanum komumst við upp og þvílíkt útsýni!

Frábær en erfið ganga!

Stoppuðum svo á ansi sérstökum stað á leiðinni heim, Crackle Barrel
http://en.wikipedia.org/wiki/Cracker_Barrel
og fengum okkur alvöru amerískan sveitamat. Maturinn var fínn og upplifun út af fyrir sig. Okkur hefði aldrei dottið í hug að fara inn á þennan stað en Darshan vildi endilega sýna okkur staðinn en sagði svo eftir á að hann hefði eiginlega notað okkur sem afsökun fyrir að komast sjálfur þangað. Hann fór víst oft þegar hann var lítill.
Svo var aðalmálið eftir matinn að setjast í ruggustólana sem eru til sölu fyrir utan búðina!

Á mánudaginn vorum við svo í Arlington, fengum okkur brunch og gengum um hverfið og niður að ánni. Arlington kom okkur mikið á óvart. Mjög skemmtilegt og vinarlegt hverfi sem við skoðuðum lítið þegar við komum til Washington síðast en fengum að sjá mikið af núna.

Vorum svo mjög heppin á leiðinni heim eftir þessa miklu ferðahelgi, það var lítil umferð og keyrslan tók bara tæpa þrjá tíma.

Já skemmtileg helgi í Virginíufylki að baki og nú er fjör í kotinu með Jan og fjölskyldu. Otto er ekkert feiminn við okkur og byrjði strax að tala við okkur og var m.a. að æfa sig að telja upp á tíu á íslensku með "Tante Erna"!

Biðjum að heilsa í bili

Kveðja

Hlynur, Erna Sif, Jan, Susanne og Otto

Matjurtagarðurinn ofl

2008-05-20T20:52:00.004-04:00

Mig langaði bara að segja ykkur frá matjurtagarðinum sem ég var að planta hjá Mclains.
Ég plantaði cold season grænmeti fyrir tveimur mánuðum og það er búin að vera blússandi uppskera af grænmeti.
Núna var ég að planta tómatplöntum, eggaldin, gúrkum, papriku, chilli, melónum, súkkíní og ég veit ekki hvað. Þvílík snilld að geta ræktað allt þetta undir berum himni!
Best að koma bara með loftslagið með sér heim...

Það er búið að vera drama með einn kúnnann okkar sem hefur haft allt á hornum sér síðustu tvö skipti sem við komum til hennar. Í bæði skiptin þá rak hún okkur af staðnum því hún var óánægð með samskipti við Joe, yfirmanninn okkar. Svo lenti hún eitthvað upp á kant við Rob sem ég vinn með þannig að í dag var ég sendur á staðinn og allt gekk eins og í sögu.

Við erum á leiðinni til Arlington í Virginia með Rainu og Darshan. Systir Rainu á heima þar og við fáum að gista þar. Við ætlum að fara í létta göngu og bátaferð á laugardaginn og svo fara í langa göngu á Appalachian Trail á sunnudaginn. Þetta er löng helgi, frí á mánudaginn, Memorial Day og spáin er mjög góð.

Á þriðjudaginn fáum við svo gesti frá Þýskalandi, Jan bróðir Ernu og fjölskylduna hans.
Það verður fjör í litlu íbúðinni okkar með Otto litla hlaupandi um og við hlökkum mikið til.

Kveðja

Hlynur og Erna Sif

Fréttir frá Philly

2008-05-18T18:33:00.005-04:00

Liggjum hérna í leti aldrei þessu vant á sunnudegi.
Vikan leið hjá vandræðalaust eins og venjulega. Það er smá rigningartíð hérna um þessar mundir en flesta daga er gott veður. Á föstudaginn rigndi frekar mikið og ég dró Rob í vinnuna. Fór bara í regngallann og unnum í rigningunni.
Á laugardaginn vorum við með Phillycarshare Prius á leigu og keyrðum í Lancaster sýslu til að fara í göngu. Keyrðum í gegnum mjög skemmtilegt sveitahérað með Amish og Mennóníta sveitabæjum um allt. Við þurftum m.a. að keyra mjög varlega vegna mikillar umferðar hestvagna og svo var gaman að sjá vinnusemina á bæjunum þar sem allir, ungir sem aldnir voru við vinnu, krakkar að hreinsa innkeyrsluna, fólk að vinna á örkum og aðrir að slá með nýtísku vélorfum sem benti til þess að það væru mennónítar sem eru aðeins frjálslegri í að nota nútímatækni.
Keyrðum framhjá pínulitlum banka í eitt skiptið sem var með lúgu og sáum Amish mann á hestvagni í lúgunni í viðskiptum sitjandi á hestvagninum.
Þetta virtist vera frekar fáfarinn vegur því flestir veifuðu okkur þegar við keyrðum framhjá.

Fórum svo í göngu í Holtwood Recreation Area, frábær staður þar sem við gengum í gegnum skóg með mikið af Rhododendron og skemmtilegt gil með læk. Sáum slatta af fuglum, m.a. Indigo Bunting og Blue Grosbeak.

Eftir þessa göngu keyrðum við að útsýnisstað yfir Susquehanna ánna þar sem við sáum tugi Turkey Vulture á sveimi ansi nálægt. Sáum því miður ekki Bald Eagle en hann á víst að sjást þarna af og til. Nýji sjónaukinn kom að góðum notum en hann var hluti af afmælisgjöf frá Ernu.

Enduðum svo daginn í verslunarleiðangri í Philadelphia Outlets þar sem sumir keyptu slatta af fötum, nefnum engin nöfn...

Í dag fórum við með Rob, vinnufélaga mínum í Winterthur Gardens í Delaware fylki. Þessi garður var í eigu Du-point fjölskyldunnar og er mjög fallegur, mun náttúrulegri en Longwood Gardens sem við fórum í um daginn.Því miður byrjaði að rigna frekar mikið og við komum bara snemma heim.

Annars er allt gott að frétta. Næsta helgi verður löng helgi fyrir okkur því á mánudaginn verður Memorial Day. Erum að plana eitthvað skemmtilegt fyrir þá helgi.

Kveðja

Hlynur og Erna Sif

Vinnan í Chestnut Hill

2008-05-14T21:39:00.002-04:00

Hæ allir saman!

Lífið í Philly er í sínum venjulegu skorðum þessa dagana. Ég var reyndar í fríi á föstudag og mánudag vegna rigninga, þessir ræflar hérna í Ameríkunni vinna helst ekki úti í rigningu... Reyndar var ansi mikil rigning báða dagana þannig að ég var nú bara feginn. Í dag fórum við í fyrsta skipti til nýrra kúnna og ég hélt að ég hefði séð það allt saman. En nei, þessi eign er svakaleg. Húsið er örugglega með 30 herbergi og svo er tennisvöllur, körfuboltavöllur, sundlaug og bílskúr fyrir sex bíla!
Já það er ekkert slor. Fólkið er nú ansi vinalegt miðað við suma aðra kúnna og það var bara skemmtilegt að fara á nýjan stað.
Rob sagði mér síðan að þegar forkosningarnar voru hérna um daginn þá kom Obama í heimsókn til þessa fólks því þau eru víst mikilvæg í pólitíkinni hérna.
Já það er skemmtilegt að sjá hvernig fólk býr hérna í Beverly Hills austursins.

Nóg í bili

Kveðja

Hlynur

Göngugarpar!

2008-05-11T17:49:00.004-04:00

Jæja þá er mikilli gönguhelgi lokið. Við leigðum okkur bíl með Phillycarshare í gær, Mini Cooper! Þvílíkur töffarabíll, hann næstum því slagar upp í Litla Burra...

Keyrðum í Tyler Arboretum og fórum í 15 km göngu í skógi sem var fullur af lífi. Sáum marga chipmunks og svo var mikið af fuglum en frekar erfitt að sjá þá alla.
Eftir gönguna skelltum við okkur svo á Cheesecake Factory og fengum okkur alvöru ostakökur (hver er að slefa núna...). Erna fékk sér Fresh Strawberry Cheesecake en ég fékk mér Chocolate Oreo Mudslice Cheesecake!!! Algjör snilld.
Um kvöldið hittum við svo Rainu og Darshan og fengum okkur frábæran burger á stað niðrí bæ.

Í dag ákváðum við svo að skella okkur með lestinni til Chestnut Hill og fórum þar í skemmtilega göngu í Wissahickon Creek.
Á föstudaginn var ansi mikil rigning og chill dagur hjá mér. Þegar er mikil rigning þá er helst ekki unnið í vinnunni minni, hvernig myndi það virka á Íslandi...
Annars hefur veðrið verið yndislegt hérna síðustu vikur, ekki of heitt og bara sól og fínerí.

Moskítóflugurnar eru aðeins að fara á stjá, við höfum fengið nokkur bit það sem af er vorinu og vonum að þau verði ekki mikið fleiri.

Á föstudaginn bættist þvílík græja í eldhúsið, George Foreman Grill! Við söknuðum grillsins okkar svo mikið að við ákváðum að fá eitthvað í staðinn.
Fyrstu prófanir hafa gengið vel og bara fínt að elda á þessu.
Ég bjó meira að segja til egg og beikon í morgunmat í gær!

Biðjum að heilsa öllum mömmunum sem við þekkjum í tilefni mæðradagsins.

Kveðja

Hlynur og Erna Sif

Garðyrkjumeistarinn!

2008-05-06T17:58:00.003-04:00

Lífið gengur sinn vanagang eftir skemmtilega heimsókn mömmu og pabba.
Við fórum í göngu um helgina í John Heinz Wildlife Refuge sem er hérna rétt fyrir sunnan borgina. Við gengum þar eitthvað um 16 km og sáum mikið af fuglum og líka woodchuck eða Groundhog sem er frekar stórt nagdýr (semsagt risarotta). Fínn dagur og gott að fara í göngu.
Á sunnudaginn var svo íbúðin tekin í gegn og svo fórum við í risaverslunarferð. Tókum bara leigara heim með allt draslið sem kostaði nú ekki mikið.
Það er allt á fullu í blóma ennþá, nú eru azaleur og dogwood tré í miklum skrúða. Og svo er mikið af farfuglum að koma að sunnan þannig að maður sér nýja fugla á hverjum degi. Í gær sá ég Baltimore Oriole
http://en.wikipedia.org/wiki/Baltimore_oriole
sem er appelsínugulur á litinn og í dag sá ég svo
Rose-breasted Grosbeak, bæði karlfuglinn og kvenfuglinn.
http://en.wikipedia.org/wiki/Rose-breasted_Grosbeak
Það er ótrúlegt hvað dagarnir líða hratt í vinnunni, ætli það þýði ekki að maður hafi það gott.

Bið að heilsa í bili

Kveðja

Garðyrkjumeistarinn í Bandaríkjunum

Þá er kallinn orðinn þrítugur!

2008-05-02T19:52:00.002-04:00

Já kallinn varð þrítugur í gær og er bara þokkalegur með það!
Afmælisdagurinn var nú ekki með hefðbundnu sniði. Við Erna tókum okkur frí (já það er ekkert frí hér á 1.maí) og fórum með mömmu og pabba í Longwood Gardens. Þar eyddum við eiginlega bara öllum deginum. Þvílíkur garður, við höfum bara ekki farið í flottari garð held ég. Garðurinn er mjög fjölbreyttur og er m.a. með mikið af gosbrunnum, garð með trjám klipptum eins og dýr, risagróðurhús með alls konar mismundandi plöntum og svo skógarstíga þar sem pabbi var í essinu sínu að skoða fugla.
Um kvöldið héldum við upp á afmælið með því að fara á brasilískt steikhús, Fogo de Chao sem var frábær upplifun. Þessi veitingastaður virkar þannig að maður fer fyrst á salatbar sem er sá flottasti sem maður hefur séð og svo getur maður fengið "all you can eat" það sem eftir er kvölds. Þjónarnir ganga þá um salinn með mismunandi kjötsneiðar (Filet Mignon, Sirloin, Top Sirloin ofl.) á stórum teinum og skera fyrir þig sneiðar þegar þú vilt. Ég hef ekki smakkað jafn góðar steikur!

Afmælisdagurinn var nú skrítinn því að síðustu 30 árin hefur maður verið samtvinnaður við Lilju þennan dag, haldið upp á afmælið saman alltaf en ekki í þetta sinn. Ég saknaði hennar nú svoldið...

Já svo kom víst ansi fyndin grein um okkur í Dv. Þröstur sendi mér eintak af henni á netinu áðan og var það í fyrsta sinn sem ég sá hvað stóð þarna, alveg óborganlega fyndið.

Já dvölin hjá mömmu og pabba er á enda. Þau lögðu af stað til Boston í morgun og komu þangað seinnipartinn. Það er búið að vera frábært að hafa þau í heimsókn og þau eru búin að sjá ansi mikið af svæðinu.

Nú bíðum við bara eftir næstu gestum!

Já nokkrar tilkynningar í lokin.

Raggi átti afmæli 30. apríl og Stjáni mágur á afmæli í dag.
Til hamingju með það drengir.

Kveðja

Hlynur og Erna Sif

Stórmerkilegur atburður

2008-04-30T15:16:00.000-04:00

Halló elskurnar okkar

Hér í Philly gerist stórmerkilegur atburður á morgun sem ekkert getur stoppað. Atburðurinn þykir svo merkilegur að hið virðulega og glæsilega dagblað DV ætlar að fjalla um atburðinn, mæli með að þið náið ykkur í sjóðandi heitt eintak. Einnig fær allur landinn á Íslandi frí í tilefni þessa merka atburðar, mér tókst ekki í tíma að fá frí fyrir alla vinnusjúka Ameríkana líka en kannski næst....

Til að gefa ykkur smá vísbendingu um hvað er í vændum þá mun svipaður atburður eiga sér stað í sumarbústað á Suðurlandi hjá einni íslenskri ljóshærðri snót....

En já semsagt eiginmaðurinn er að verða hálfsextugur eða 30 ára!!!!!

Unglambið sjálft sem flestir Ameríkanar halda að sé 19 ára og ég barnaræningi að giftast þessum unglingi (og ég sem er heilum 1217 dögum yngri eða unglambið í raun:)

Innilega til hamingju með afmælið elsku Hlynur og Lilja!

Knús Erna Sif

Niagara Falls og Toronto

2008-04-28T21:24:00.003-04:00

Jæja þá er miklu ferðalagi lokið og við komin til Philly aftur. Eftir mikla keyrslu á föstudaginn þá komum við til Niagara Falls á fínt hótel sem var pantað á Howire (hvað annað...). Fórum strax að skoða fossana og urðum ekki fyrir vonbrigðum. Þvílíkir fossar og krafturinn í þeim er alveg ótrúlegur. Skoðuðum svo borgina og vorum mjög hissa að sjá öll ljósaskiltin og ferðamannaiðnaðinn í kringum fossana. Vorum semsagt bara á góðum tíma til þess að skoða þetta náttúruundur en það voru ekki svo margir ferðamenn á staðnum.
Á laugardaginn byrjuðum við svo á að skoða fossana aftur í annarri birtu og fórum svo til Toronto. Þar hittum við gamla vinkonu mömmu, Heather Ragnheiði, sem tók á móti okkur með veisluborði og gestrisni. Þessi kona er níræð og er ættuð frá Íslandi. Maren langamma var pennavinkona hennar í mörg ár og þegar hún hætti að geta skrifað þá skrifaði mamma bréfin eftir það og er búin að vera í sambandi við hana í um 15 ár.
Þessi heimsókn var alveg frábær og vel keyrslunnar virði.
Eftir það fórum við niðrí miðbæ Toronto og skoðuðum borgina. Fórum í siglingu, gengum um höfnina og fórum svo upp í CN Tower sem var þangað til í september á síðasta ári hæsta frístandandi bygging í heimi!
Gistum aftur í Niagara Falls um kvöldið og héldum svo af stað heim á leið í gær. Fórum scenic leiðina og gistum á leiðinni í The Endless Mountains.
Ætluðum svo að fara í göngu í dag en rigning setti strik í reikninginn. Fórum í staðinn í smá verslunarleiðangur og komum svo heim undir kvöld.

Frábær ferð í alla staði!

Kveðja

Hlynur, Erna Sif, mamma og pabbi

Kanada og Niagara Falls framundan!

2008-04-24T18:42:00.002-04:00

Þá erum við Erna komin í smá frí og ætlum með mömmu og pabba í roadtrip á morgun.
Stefnan er tekin á Niagara Falls, sem eru fossar á landamærum USA og Kanada. Svo ætlum við að skreppa til Toronto þar sem mamma ætlar að heilsa upp á gamla vinkonu og svo skoðum við borgina eitthvað. Á sunnudag og mánudag ætlum við svo að skoða eitthvað á leiðinni heim.
Veðrið hefur verið frábært síðustu daga, of heitt ef eitthvað er fyrir mömmu og pabba en þau hafa nú alveg spjarað sig.
Mamma og pabbi hafa verið dugleg að skoða sig um meðan við Erna höfum verið að vinna. Í gær skoðuðu þau Valley Forge og Lancaster County þar sem Amish og Mennonítar búa og
svo hafa þau verið dugleg í fugla- og náttúruskoðun líka.

Já meðan ég man: Gleðilegt sumar!...hvað er eiginlega hitastigið heima...
Skoðiði endilega veðurpixíana hjá okkur (Árni og Lilja öfunda okkur ekki neitt af þessu en það er spurning með ykkur hin...)

Bless í bili

Kveðja

Hlynur og Erna Sif

Mamma og pabbi í heimsókn

2008-04-21T20:49:00.002-04:00

Hæ allir saman

Jæja þá eru mamma og pabbi komin í heimsókn. Þau komu seinnipartinn á laugardaginn eftir að hafa verið í Boston í tvo daga.
Við fórum í rölt um campus svæðið á laugardagskvöldinu og svo var sunnudagurinn tekinn með trompi og túristast allan daginn. Við byrjuðum á að fara í frábæran garð sem heitir Chanticleer. Þetta er eiginlega bara yndisgarður þar sem mikið er lagt upp úr upplifun og andrúmslofti. Frábær garður og skemmtileg upplifun, náðum m.a. að sjá crabapples, gula magnólíu og einhver hengikirsi í blóma.
Eftir þetta fórum við til Chestnut Hill og fengum okkur brunch. Kíktum svo á Lauren Hill Gardens plöntusöluna og fórum svo í Morris Arboretum. Það er trjásafn University of Pennsylvania en þar sáum við kirsuberjatré í blóma og nokkrar nýjar tegundir af fuglum.
Í dag komu mamma og pabbi við í vinnunni hjá mér í The Main Line. Það er algjör paradísargarður þar sem við vinnum yfirleitt tvo daga í viku, ég og Rob. Mrs McLaen var himinlifandi að fá gesti í garðinn sinn og við eyddum alveg klukkutíma í að skoða garðinn og fuglana í kring. Sáum m.a. spætur ofl skemmtilegt.
Eftir það fór Rob vinnufélaginn minn með okkur í Fort Washington Park þar sem við sáum margar nýjar tegundir m.a. Bluebird sem er rosalega fallegur fugl.
Á morgun förum við svo til Cape May í New Jersey í fuglaskoðun.

Þannig að allt er í fullu fjöri hér og mjög gaman að hafa foreldrana í heimsókn.

Kveðja í bili

Hlynur

Farið að hitna í kolunum

2008-04-17T22:10:00.002-04:00

Hæ allir saman.

Þá er farið að hitna aðeins í kolunum hjá okkur hérna. Hitinn í dag fór í 25°C og á að vera enn heitar á morgun.
Mér finnst svolítið erfitt að vinna í þessum hita en vinnufélagarnir segja: Bíddu bara.
Á sumrin er nefnilega oft 30+ og mikill raki, þannig að ég bíð bara spenntur eftir því.

Hér er lítið að frétta svosem. Vinnuvikan gengur bara sinn vanagang. Ég er orðinn einn af commuterum borgarinnar. Hitti sama fólkið á hverjum morgni í lestarkerfinu og allir eru farnir að chatta aðeins. Stundum þegar ég er á leiðinni heim með neðanjarðarlestinni þá hugsa ég með mér að ég gæti aldrei lifað svona í mörg ár. Það er eitthvað við að vera neðanjarðar, lyktin, hávaði í lestunum, ekki mjög hreinlegar stöðvar ofl. En ég er mjög heppinn að geta verið í náttúrunni allan liðlangan daginn sem vegur upp á móti borgarlífinu.

Mamma og pabbi eru komin til Boston, verða þar á morgun og keyra svo til okkar á laugardaginn. Það verður frábært að hafa þau í heimsókn. Svo það verður fjör í Philly næstu vikurnar við ýmsa náttúru- og fuglaskoðun og fleira skemmtilegt á dagskránni.
Svo vorum við að fá nýjar fréttir af gestakomu en Una Björk, Þröstur og Þorri eru að koma til okkar í júlí. Erum rosaglöð að fá þau í heimsókn:) Allt í gangi í Philly semsagt og ekki hægt að segja annað en að fjölskyldan sé að standa sig í heimsóknunum!

Washington DC

2008-04-13T22:14:00.002-04:00

Jæja þá erum við komin aftur heim eftir frábæra helgi í The Nation's Capital. Við tókum lest niður eftir og byrjuðum að ganga niður að safna og monument svæðinu. Þetta er ansi magnað svæði og ótrúlegur fjöldi safna. Svo var gaman að sjá Capitol, Hvíta Húsið, Washington Monument og Lincoln Monument.
Við gengum marga, marga kílómetra og fórum á Natural History Museum og American Indian Museum. Um kvöldið fórum við svo í aðeins líflegra hverfi sem heitir Georgetown. Þar var allt bullandi af lífi, fullt af veitingastöðum og búðum. Fengum okkur ekta indverskan mat og röltum um.
Í dag tókum við svo metro til Arlington Cemetary og sáum gröf John F. Kennedy og gröf óþekkta hermannsins. Þar sáum við athöfn þar sem var verið að skipta um krans á leiðinu. Mikill fjöldi manns var viðstaddur og eftir að búið var að skipta um krans þá spilaði Buglerinn (hornleikarinn) lag sem er alltaf spilað í bandarískum hermannaútförum (man ekki hvað það heitir). Fólk var með hendur í hjartastað og nokkrir táruðust. Þetta var ansi áhrifamikið og magnað að upplifa þetta.
Gengum svo yfir Potomac ánna og sáum Lincoln í sætinu sínu í Lincoln Memorial. Endurspeglunarlaugin var ansi flott og gaman að sjá Washington Memorial speglast þar.
Því miður voru flest kirsuberjatrén búin í blóma en við sáum Crabapples, Dogwoods og fleira í blóma í staðinn. Verðum bara að skreppa út að á hérna í Philly í vikunni og sjá Yoshino Kirsuberjatrén en það munar víst um viku á blómguninni hérna og í Washington.
Við enduðum svo daginn á Air and Space museum. Okkur fannst áhugaverðast að sjá allt geimbröltið þeirra og hvað þeir voru pirraðir á sínum tíma yfir því hvað Rússarnir voru á undan þeim í bransanum.
Helgin var frábær í alla staði, við gengum örugglega tugi kílómetra sáum óteljandi minnismerki og sáum margar hliðar á borginni sem kom okkur skemmtilega á óvart.
Setjum inn myndir fljótlega.

Kveðja

Hlynur og Erna

Cherry Blossoms

2008-04-09T18:15:00.002-04:00

Þá er farið að hlýna aðeins og gróðurinn er að fara af stað. Við fórum í göngutúr meðfram Schuylkill ánni á mánudaginn en þar er mikið af Yoshino Cherry trjám en það eru sömu trén og eru í Washington DC.
Annars finnst mér magnólíutrén flottari ef eitthvað er heldur en kirsuberjatrén. Það er geggjað að sjá þessi stóru tré algjörlega þakin blómum sem líta út eins og túlípanar. Þegar þessi blómgun er búin þá tekur Dogwoods við (hyrnar) og svo eru það Crabapples (villiepli) og svo lyngrósir og endalaust fleira. Já það er gaman að vera garðyrkjunörd að vori...

Því miður varð ekkert af fyrirhugaðri heimsókn Jan, Susanne og Otto en Jan komst að því daginn áður en að þau ætluðu í flugið að hann var búinn að týna vegabréfinu sínu. Sem betur fer var hægt að breyta flugmiðunum enda er hann á einhverjum sér díl með miða vegna vinnu sinnar hjá Airbus. Þau ætla að reyna að koma einhvern tíma seinna í staðinn.
Við ákváðum að skreppa bara til Washington í staðinn um næstu helgi. Tökum lest eldsnemma á laugardagsmorgun og komum aftur seint á sunnudagskvöld. Ég pantaði eðalhótel á snilldarsíðunni Hotwire.com en þar getur maður fengið ódýra gistingu á flottum hótelum. Maður fær ekki að vita hótelið fyrr en maður er búinn að bóka gistinguna og það kom í ljós að við verðum á 4* hóteli tvær blokkur frá Hvíta húsinu.
Svo er bara að vona að við náum í endann á Cherry Blossoms þarna niðurfrá en okkur hlakkar mikið til að sjá öll Smithsonian söfnin og garðana.

Vinnan hjá mér er frábær, góður vinnufélagi, skemmtileg vinna og mikil fjölbreytni.
Erna er að koma hinni rannsókninni af stað (þvílík hetja að vera með tvær stórar rannsóknir í einu!) en þar verða kæfisvefnssjúklingar rannsakaðir. Ég á fullt í fangi með að fylgjast með þessu öllu og skilja það í þokkabót en ég reyni eftir bestu getu.

Jazz og skyr með rjóma!

2008-04-06T10:41:00.003-04:00

Við fórum á jazz tónleika á föstudagskvöldið. Þar var mikil saxófónhetja á ferð, Joe Lovano. Þetta voru brilliant tónleikar, tveir trommarar fóru á kostum þar á meðal Fransisco Mela, kúbanskur trommari sem við sáum á Blue Note jazzklúbbnum í New York um daginn. Lovano var flottur á saxann og tók svo fram nýjan saxófón sem kallast The Aulochrome. Þetta eru tveir sópransaxófónar fastir saman! Jazzistar þurfa alltaf að vera að prófa eitthvað nýtt... Tjékkið á þessu myndbandi hérna:

Í gær fórum við í innflutningspartý hjá Rainu og Darshan. Þau voru að flytja í flott high rise í miðborginni. Þau eru með rooftop pool á 30 hæð, það verður stuð þar í sumar!

Eftir mikinn skort á íslenskum mat þá fórum við í Whole Foods í gær og keyptum okkur skyr! Íslenskt skyr.is og þvílík snilld, var búinn að gleyma því hvað skyr er gott. Keyptum líka ostinn Höfðingja og sáum fleiri íslenskar vörur eins og íslenskan þorsk og bleikju.
Í gær var veðrið mjög gott og við röltum um borgina. Fórum m.a. á Italian Market sem selur alls konar matvöru. Það var mikil stemming á þessum markaði en okkur leist ekkert sérlega vel á hreinlætisaðstöðuna þar, Reading Terminal Market er skemmtilegri að okkar mati.
Við erum búin að vera löt í dag. Ætluðum í göngu en það er frekar kalt í veðri og rigningarlegt.
Við erum ennþá að bíða eftir ekta vorveðri en samt sér maður blómstrandi tré út um allt.
Næst á dagskrá er svo heimsókn frá Þýskalandi, Jan, Susan og Otto. Þá er bara að dusta rykið af þýskunni og æfa sig aðeins...

Kveðja

Hlynur og Erna

Svefnsvipting!

2008-04-01T20:45:00.003-04:00

Hér er fátt að frétta nema að það er mikið að gera!

Loksins kom að því að rannsóknirnar mínar fóru í gang hérna:) Þvílík gleði og léttir að þetta sé byrjað!

Fyrstu þátttakendurnir í svefnsviptingarrannsókninni (Sleep deprivation) minni voru semsé um helgina. Þeir sváfu tvær nætur fyrst, var haldið vakandi í 38 tíma og fengu svo aftur að sofa heila nótt. Við tókum blóð frá þeim á 4 tíma fresti allan tímann og testuðum hversu syfjaðir þeir voru á 2 tíma fresti alltaf þegar þeir voru vakandi svo þetta var ansi massívt protocol. Þegar þeim er haldið vakandi í 38 tímana þarf líka alltaf að vera starfsmaður viðstaddur til að passa að þeir sofni ekki...

Ég var orðin ansi leið á endalausri pappírsvinnu (skriffinnska.is) og veseni að koma þessu af stað en allt hérna er mun stærra í vöfum en meistaraverkefnið mitt heima. Ég gerði semsé flestallt protocolið sjálf heima en hér er hrúga af fólki sem hjálpar til sem er auðvitað frábært en þýðir líka að ég þarf að kenna hjúkkum, næringarfræðingi, study coordinator og öðru starfsfólki protocolið. Minns var því vaknaður klukkan sex alla morgna frá því á föstudaginn þar til í morgun til að kenna starfsfólkinu sem var að koma á vaktina. Sem betur fer tók annar sem vinnur með mér að sér kennslu kvöldstarfsfólkins því annars væri ég ansi lúin núna.

Svo byrjar næsta protocol með kæfisvefnssjúklingum í næstu viku svo allt er í gangi:)

Minns er svo líka að fara að verða alvöru sameindalíffræðingur loksins og er að fara að læra alls konar blóðúrvinnslu, mælingar á próteinum og öðrum sameindum og svona svo það er spurning hversu flink ég verð!

Annars er vorið loksins komið til að vera. Var rosagott veður í eftirmiðdaginn og við Hlynur sátum bara úti á bolnum í sólinni og borðuðum kvöldmatinn:)
Held að kallinn minn verði ansi svartur á næstu vikum!

Svo erum við að plana hiking á einhverju fuglasvæði hérna nálægt um helgina sem ætti að vera fjör og svo kemur bróðir minn og hans fjölskylda næsta mánudag í vikuheimsókn:)

Semsé stuð og fjör að venju í Philly!

Knús
Erna

Jazztónleikar í stórborginni!

2008-03-29T15:38:00.003-04:00

Þá er enn ein vinnuvikan búin og komin helgi. Sólin skín en það er ekkert sérlega hlýtt. Magnólíutrén eru alveg að fara að springa út og Forsythia og Dogwoods eru í blóma. Kirsuberjatrén ættu að fara að opna sig alveg í næstu viku.
Á fimmtudaginn plantaði ég stjúpum allan daginn í garðinn hjá The Godshals.
Á föstudaginn gerðum við vorhreingerningu á stórri lóð, skárum kanta á beðum og fylltum þau af kurli (mulch).
Svo komst ég að því að einn kúnni sem við þjónustum er leikari sem flestir kannast við en er ekkert mikið frægur kannski. Hann heitir David Morse http://www.imdb.com/name/nm0001556/bio
og hefur leikið í myndum eins og The Green Mile og lék eitthvað í House líka. Maður er bara að vinna fyrir ríka og fræga fólkið hérna!

Í gær fór ég á frábæra tónleika með Wayne Shorter, án efa frægasti núlifandi saxófónleikarinn. Þetta var mikil upplifun. Kappinn er 75 ára og hefur spilað með helstu jazzlegendum allra tíma eins og Miles Davis, Art Blakey and the Jazz Messengers, Horace Silver, Herbie Hancock, Maynard Ferguson ofl en hann tók við af John Coltrane í Miles Davis Quartet (það gætu ekki verið erfiðari fótspor að feta í). Svo var hann í jazzfunkrockpopheavymetalfusion hljómsveitinni Weather Report sem var hvað heitust á áttunda og níunda áratugnum (eru einhverjir farnir að geispa...).
Tónleikarnir voru frekar súrir á köflum. Upphitunarbandið var með frekar standard setup, lögin byrjuðu og enduðu og hver var með sitt sóló og svona en þegar legendið steig á svið með ungum köppum, Danilo Perez á píanó, John Patitucci á bassa og Brian Blade á trommur, þá byrjuðu þeir að spila og svo var bara mússíserað næsta einn og hálfan klukkutímann. Ég verð nú að segja það að þó þetta hafi verið brill að sjá Shorterinn þá þurfti alla athygli til að fylgjast með tónlistinni, á köflum var þetta orðið einum of súrrealískt. Enda var eitthvað af fólki sem þoldi ekki við allan tímann og fór að tínast út eftir klukkutíma. Þegar herlegheitin voru búin þá var mikið uppklapp og aukalagið sem þeir tóku var mjög flott og þá lét kallinn loksins almennilega í sér heyra. Maður getur ekki annað en dáðst að honum að vera þetta lengi á sviðinu en maður sá það líka að hann var frekar þreyttur eftir þetta.

Í dag er svo afslöppun fyrir mig en Erna tók sexuna í morgun og var mætt upp á spítala til að fylgjast með framkvæmdinni á rannsókninni hennar sem fór af stað í gær. Hún er aðallega að sjá til þess að allt sé framkvæmt rétt af hjúkrunarfræðingunum enda mikilvægt að allt sé rétt gert.

Jæja þá er að skella sér í skattframtalið góða.

Njótið helgarinnar og fáið ykkur íslenska pulsu fyrir mig...

Kveðja

Hlynur

Tómlegt í kotinu

2008-03-25T17:49:00.002-04:00

Þá er fjörið búið í bili, en Ásdís og co fóru í morgun. Það var hálf einmanalegt að koma heim í tóma íbúð. Það er búið að vera mikið fjör og gaman að hafa þau í heimsókn. Ég og Erna tókum okkur frí á föstudaginn og við fórum öll í Vatnadýrasafnið (Aquarium) í Camden. Safnið var mjög flott og mikið að sjá. Ólöf Svala klappaði hákarli (pínulitlum) og svo sáum við allar mögulegar gerðir af vatnadýrum frá kolkröbbum upp í flóðhesta. Sunna Kristín og Ólöf Svala fengu að koma með mér og Ernu í neðanjarðarlest sem var mikið sport. Á sunnudaginn fórum við á listasafnið sem var sæmilegt. Það voru nokkrar flottar Monet myndir og ein eða tvær Van Gogh en svo var ein ansi flott eftir Dali sem er eins súrrealísk og hægt er að ímynda sér. Kíkjið á hana.
http://en.wikipedia.org/wiki/Soft_Construction_with_Boiled_Beans_(Premonition_of_Civil_War)

Yngri helmingur hópsins hafði nú ekki mikla þolinmæði í safnaskoðun en safnið er svo stórt að maður þarf nokkrar ferðir til að skoða það.

Á sunnudaginn vorum við boðin í páskamat til vinkonu hennar Ásdísar í New Jersey. Ég og Erna fórum í blæjusportbílnum okkar Mazda miata (Phillycarshare) og við keyrðum út í sveit og fengum góðar móttökur, kalkún, fyllingu, pie og allt tilheyrandi. Þetta var reyndar Thanksgiving matur en hún vildi bara leyfa okkur að upplifa alvöru Thanksgiving dinner þó að það væru páskar. Maturinn var mjög góður og gaman að koma inn á alvöru amerískt heimili.
Við söknuðum nú páskaveisluhalda heima en við fengum þó páskaegg frá Ásdísi og co sem var gleðilegt.

Þegar ég pantaði Phillycarshare bíl fyrir þessa ferð þá var bara einn bíll á lausu og það var þessi Mazda sem við rétt komumst fyrir í. Það var mjög fyndið að sjá okkur í honum.
Reyni að setja myndir inn fljótlega.

Í gær fékk ég svo óvænta snemmbúna afmælisveislu! Stjáni eldaði flott pasta með pestó og kalkúni og svo var afmælissöngurinn sunginn hástöfum. Það er ekki ónýtt að fá amælisveislu rúmum mánuði fyrir sjálf afmælið.

Annars gengur lífið bara sinn vanagang hérna. Vorið lætur aðeins bíða eftir sér en kirsuberjatrén eru að byrja að blómgast og laukar eru komnir upp.
Ég er búinn að vera að vinna í mjög stórum garði í The Main Line sem er mjög fínt úthverfi. Í tvo daga er ég búinn að handklippa stór eplatré til þannig að það blómstri sem mest og gefi ávöxt. Þannig að það má eiginlega segja að ég hafi verið að vinna í aldingarði síðustu daga.
Annars er frábært að vinna þarna, maður kemst alveg frá borgarniðinum og það er kannski helst að maður sé að ærast af fuglasöng.
Bara í dag sá ég nokkrar nýjar tegundir sem ég hef ekki séð áður, Junco, Red bellied Woodpecker, Osprey, Song Sparrow, House Finch, Mockingbird og White Breasted Nuthatch. Síðasti fuglinn er mjög merkilegur en hann getur klifrað upp og niður tré hvort sem hann snýr upp eða niður en það eru fáir fuglar sem geta það (þetta er að verða smá nörralegt hérna en það er bara gaman að því...)

Bless í bili

Kveðja

Hlynur

Vorið alveg að koma!

2008-03-20T17:58:00.002-04:00

Já vorið er við þröskuldinn hjá okkur. Samt hefur verið frekar kalt í dag. Vinnan gengur bara glimrandi hjá mér og það er ansi mikið að gera hjá Ernu. En við ætlum að taka okkur frí á morgun og eiga þriggja daga helgi með gestunum okkar.
Við erum svo ánægð með að fá heimsókn og gaman að sjá Ólöfu Svölu og Sunnu Kristínu vera spenntar yfir öllum nýju hlutunum hérna. Fyrsta daginn þá fórum við í göngutúr og stelpurnar vildu endilega sjá íkorna. Það var ekki nema smá rölt hérna út á götu og þá sáum við fyrsta íkornann. Við stóðum þarna sex íslendingar og vorum að dást að kvikindinu og fólkið sem gekk fram hjá horfði á okkur eins og við værum búin að tapa glórunni! Íkornar eru nefnilega ekkert merkilegir finnst fólkinu hérna og flestum finnst þetta vera óværa enda kalla þeir íkorna rottur með loðið skott.
Ásdís og co fóru til Washington í gær og eru á leiðinni aftur núna. Á morgun erum við Erna í fríi og ætlum að skemmta okkur á langri helgi með gestunum okkar. Nota bene það er ekkert frí hérna í kringum páskana. Þannig að við þurftum bæði að biðja um frí í vinnunni.
Ásdís kom með páskaegg frá Íslandinu góða þannig að við fáum páskaegg á Páskadag.
Svo erum við líklega boðin í mjög síðbúna Thanksgiving máltíð í New Jersey á laugardaginn en þar býr kona sem Ásdís þekkir.
Gaman gaman í Ameríkunni.

Bestu kveðjur til allra

Hlynur og Erna Sif

Lake Tahoe og góðir gestir

2008-03-16T22:24:00.003-04:00

Halló elskurnar mínar

Allt gott að frétta héðan frá Philly, erum með frábæra gesti í heimsókn og alveg yndislegt að fá alltaf knús góða nótt frá tveimur litlum snúllum á kvöldin:) Erum búin að sýna þeim aðeins af háskólasvæðinu og borginni og svo eru þau með pakkaða dagskrá alla vikuna og ætla að sjá dýragarðinn, fara í risamollið að versla, skreppa til Washington eina nótt og svo ætlum við öll saman í sædýrasafnið á föstudaginn, þar eru víst flóðhestar, risaskjaldbökur og fleira skemmtilegt:)

Ameríkanarnir eru samt frekar leiðinlegir og hafa ekkert frí yfir páskana en ég og Hlynur ætlum að taka okkur frí amk á föstudaginn til að leika meira við gestina...

Annars var ég víst búin að lofa smá skrifum frá Lake Tahoe. Ég fór semsé á svefnráðstefnu 2 dögum eftir að við komum heim frá Skotlandi, flaug yfir á vesturströndina og flugið var nota bene lengra en að fljúga til Íslands! Svona til að fólk geri sér grein fyrir stærðunum hérna. Var orðin hálfsteikt á öllum tímamismuninum verð ég að segja.

Ég var fyrst voðaspennt því ég hélt að ég væri að fara í sól og strönd í Californiu en annað kom á daginn því Lake Tahoe er eitt aðalskíðasvæði Bandaríkjamanna (Ólymíuleikarnir hafa t.d. verið haldnir þarna) í 2000 metra hæð.
En mín skellti sér í skíðakennslu, náði svo að renna mér nokkrum sinnum niður byrjendabrekkuna á símeiri hraða (ekki mjög hraðskreið samt) og fannst þetta mikið fjör. Fyrsta skiptið sem fór á skíði í 10 ár til mikillar undrunar hinna ráðstefnugesta sem héldu að allir Íslendingar séu miklir skíðamenn og allt á kafi heima í snjó. Mæli með hópskíðaferðum í Alpana næstu árin, þetta er snilld!

Ráðstefnan var skemmtilega skipulögð því þó prógrammið væri frá 8 á morgnanna til 9-10 á kvöldin þá var hlé í eftirmiðdaginn og tvisvar fengum við frí frá 11-5. Semsé skíðatími:) Skellti mér svo á gönguskíði einn daginn í klukkutíma á milli fyrirlestra sem var líka ansi gaman, fór bara ein án nokkurrar kennslu og gekk bara vonum framar. Síðasta daginn var svo farið í göngu á "snow shoes", svona snjóþrúgur sem er strappað á fótinn (íslenskan upp á sitt besta) og rölt með göngustafi. Held að þetta væri mjög hentugt í íslenskar vetrargöngur og tölt upp á jökla því maður sekkur ekki jafnmikið ofan í snjóinn!

En já þetta var mikið fjör, gaman að fara upp í fjöllin, allt á kafi í snjó þarna upp og þar sem sást í jörð var bara eyðimerkursandur. Svo voru risagrenitré, furur og cidrustré upp um öll fjöll. Tók einhverjar myndir og smelli þeim inn í vikunni.

Knús og kossar frá Philly
Erna Sif

Takk fyrir bætinguna í commentum, miklu skemmtilegra að skrifa þegar maður fær feedback eins og að þið séuð orðin leið á gömlum færslum:)

2008-03-13T15:55:00.002-04:00

Hæ!

Jæja þá er Erna komin aftur heim mér til mikillar gleði. Var að veslast upp á því að borða bara ruslfæði í svona marga daga...hahahahaha (hljómar eins og ég kunni ekki einu sinni að sjóða pulsur!).
Vinnan gengur bara mjög vel. Síðustu daga höfum við verið að vinna á óðali í hverfi sem kallast The Main Line. Það eru svakalegar hallir þarna, ég hef aldrei séð neitt þessu líkt. Garðurinn sem við erum að vinna í er mjög stór með sundlaug, tveimur tjörnum og mikið af beðum. Þetta er eiginlega lítill grasagarður, mikið af plöntunum eru merktar sem er fínt fyrir mig því ég er að reyna að læra allar þessar tegundir. Það er góð tilbreyting að vinna út fyrir borgina, það er næstum því eins og maður sé út í skógi stundum og það er fullt af fuglum. Ég er m.a. búin að sjá Pileated Woodpecker, (Villa Spætu) og fleiri skemmtilega fugla.
Á sunnudaginn fór ég með Rainu og Darshan á tónleika með U2...ekki live en við fórum á 3D sýningu í Franklin Institute. Ég vissi ekkert hvernig þetta yðri áður en ég fór en þetta var rosa gaman. Ég er búinn að hvíla U2 hæfilega mikið síðustu árin og ég fílaði þetta alveg í botn. Tónleikarnir voru teknir upp í Buenos Aires og voru tugir þúsunda að horfa á. Stemmingin var mögnuð og 3D showið var bara flott og maður fékk alveg á tilfinninguna að maður væri á tónleikunum sjálfum!
Og loksins þegar maður hélt að öll frábæru lögin væru komin þá var alltaf eitt enn sem maður hafði gleymt, þvílík ógrynni af lögum sem þeir hafa gert vinsæl. Mér finnst þó alltaf eldri lögin skemmtilegust.
Það var líka athyglisvert að sjá Bono með sín pólitísku skilaboð. En maðurinn er bara algjör töffari það er bara ekki hægt að segja annað.
Við bíðum spennt eftir að fá Ásdísi og co í heimsókn á morgun, þá verður kátt í litlu íbúðinni:)

Ciao í bili

Kv.
Hlynur

P.s. Erna skrifar örugglega ferðasögu frá Lake Tahoe bráðlega.

Afslöppun

2008-03-08T10:45:00.002-05:00

Þá er kallinn byrjaður að vinna aftur. Mætti í vinnuna á miðvikudaginn og byrjaði á að vinna í sölunni að gera klárt fyrir tímabilið. Seldi nokkrar stjúpur og prímúlur, tók niður jólaseríur og hreinsaði til. Salan er á Germantown Ave sem er vinarleg gata og skemmtilegt andrúmsloft. Á fimmtudag og föstudag var ég að vinna í görðum, hreinsa til eftir veturinn, klippa til runna og taka niður jólaskreytingar í pottum. Mér líst bara vel á fólkið sem ég vinn með og lestarferðin gekk bara betur og fljótar fyrir sig en ég þorði að vona.
Erna fór til Lake Tahoe í California á ráðstefnu í gær og kemur aftur á miðvikudaginn. Held að hún ætli meira að segja að fara á skíði enda er hún í skíðaparadís!
Ég er bara í afslöppun, er að horfa á enska boltann núna, áfram Liverpool! Það er mikil rigning úti núna en vona að það stytti upp á morgun.
Það var nú vorilmur í loftinu á fimmtudaginn, þá vorum við staddir í garði með skóg í bakgarðinum og fuglarnir sungu hástöfum og sólin skein. En mars mánuður er víst frekar ófyrirsjáanlegur hvað veður varðar.
Við getum varla beðið eftir heimsókn frá Íslandi um næstu helgi og ég hef heyrt að það sé spenningur í gangi hjá sumum sem eru á leiðinni.

Til hamingju með afmælið Kristín síðasta miðvikudag.

Bless í bili

Kveðja

Hlynur

Komin til Philly

2008-03-04T18:55:00.003-05:00

Hæ elskurnar okkar!
Þá erum við komin aftur heim eftir frábæra ferð til Edinborgar. Ferðin gekk ágætlega fyrir sig en veðrið á föstudeginum var svosem ekki upp á marga fiska og við frekar lúin eftir nótt í flugvél. Á laugardaginn vorum við ansi dugleg að skoða borgina sem er ótrúlega falleg. Edinborgarkastali er upplifun út af fyrir sig, dominerar algjörlega yfir borginni og upplýstur á kvöldin. Borgin sjálf er svo með mjög sérstakt andrúmsloft, bara gömul flott steinhús, kastalar, hallir og kirkjur, allt upp á hæðum og auðvelt að ganga út um allt.
Alveg magnað:)

Svo kom að brúðkaupinu á sunnudeginum. Við fórum í Dundas kastala sem er rétt fyrir utan borgina og þar var sekkjapípuleikari sem tók á móti gestunum. Mjög gaman og gæti ekki verið meira skoskt. Svo var smá chatt við gestina áður en haldið var í gamlan hluta kastalans þar sem við gengum upp þröngan hringstiga upp þrjár hæðir þangað til við komum í pínulitla steinkapellu á efstu hæðinni. Gestirnir rétt komust fyrir en allir voru mjög nálægt og inn í athöfninni. Presturinn var mjög hress og skemmtilegur og sagðu nokkra brandara á mörkunum en það var mikið hlegið. Presturinn byrjaði meira að segja á því að segja nokkrar setningar á íslensku! Svo hafði hann líka kynnt sér forna giftingarsiði Íslendinga sem voru í skrítnari kantinum. En athöfnin var mjög falleg og skemmtileg, Begga var algjör prinsessa í rosaflottum kjól og Chris, báðir pabbarnir og tveir best men og fullt af karlkyns gestum voru glæsilegir í skotapilsum:) Veislan sjálf var svo mjög skemmtileg, maturinn góður, nóg af víni, ekki of mikið af ræðum og hljómsveit sem spilaði fram á nótt, getur maður beðið um eitthvað meira???

Svo á mánudeginum eftir að sofa til hádegis eftir fjör dagsins á undan þá fórum við aftur á röltið í borginni, fengum okkur kaffi á Elephant House þar sem J.K. Rowling skrifaði fyrstu Harry Potter bækurnar, skoðuðum Edinborgar háskólasvæðið og garða í kringum háskólann og kastalann, fullt komið í blóma strax sem var mjög gaman. Fórum líka í kirkjugarð sem er frægur fyrir hund sem heimsótti gröf eiganda sinns hvorki meira né minna en á hverjum degi í 10 ár og er stytta af hundinum aðalattractionið. Meira segja á gröf eigandans var kominn legsteinn þar sem eigandans er aðallega minnst fyrir hundkvikindið og við hliðina á er "vinur" hundsins. Ansi magnað að vera minnst bara í tengslum við hund...

Allavegna sorry fyrir allar sletturnar, íslenskuskrif ernunnar fara snarversnandi með dvölinni hérna, enskuskrifin verða betri á kostnað íslenskunnar sýnist mér...

Reynum að skella inn einhverjum myndum í dag eða á morgun.
Svo væri voðagaman að sjá hverjir eru að lesa þetta svo við værum mjög glöð að fá fleiri comment á skrifin:) Allar athugasemdir semsé vel þegnar!

Knús Erna Sif og Hlynur

Ps. Var ansi skrýtið að fljúga bara framhjá Íslandi en fara ekki heim, minns fékk smá heimþrá við að sjá klakann á flugkortinu...

Skotland!

2008-02-27T11:54:00.002-05:00

Ekki varð nú mikið úr snjókomunni sem kom á föstudaginn, nú er allur snjór farinn og maður sér vonandi fram á vorið á næstunni.
Ég fór á skíði á laugardaginn, Erna var ekki upplögð í heilan dag á skíðum þannig að ég skellti mér bara. Færið var mun betra en um daginn vegna snjókomunnar og við fengum líka gott veður. Ég var að skíða með fjórum öðrum strákum sem voru flestir mjög góðir og það tók virkilega á að halda í við þá niður brekkurnar. En það tókst og ég var orðinn ansi góður í lok dagsins. Daginn eftir var ég ansi stífur í fótunum, sérstaklega kálfunum! En þetta var mjög góður dagur.
Á sunnudaginn skelltum við okkur til Chestnut Hill og skoðuðum hverfið sem ég er að fara að vinna í. Þetta er mjög notarlegt hverfi og ég hlakka til að byrja.
Golfkennslunni er lokið í bili en við reynum að æfa okkur öðru hverju í golfherminum. Þetta voru bara fimm skipti og maður er rétt búinn að fá nasaþef af sveiflunni hvað þá öllum öðrum þáttum íþróttarinnar en vonandi getum við spilað golf hérna í kring í vor og sumar.
Á morgun förum við svo til Skotlands og þegar við komum aftur heim í næstu viku þá styttist í heimsókn frá Ásdísi og familí! Gaman gaman...

Kíkjið á þetta í tilefni golfkennslunnar og Skotlandsfarar:

Kveðja

Hlynur

Snjór!

2008-02-22T16:40:00.004-05:00

Í morgun vöknuðum við og sáum snjó út um gluggann. Þetta var bara ágætt magn af snjó svona kannski 5 cm eða svo.
Ég sá svo fréttirnar í sjónvarpinu áðan og það var mikið rætt um óveðrið sem væri í gangi. Ég leit út um gluggan og sá bara fínasta veður og nú þegar klukkan er að verða fimm þá er snjórinn að mestu leiti farinn aftur vegna rigningar. En ég held að það hafi allt farið í steik á hraðbrautunum og skólarnir sendu krakka heim á hádegi og fundur sem Erna ætlaði á í hádeginu á háskólasvæðinu var frestað vegna veðurs! Í staðinn þá röltum við saman í hádegismat í fínu veðri og fengum okkur frábæra crépe.

Nú er ég bara að bíða eftir að vinnan byrji en það styttist óðum í það.
Er búinn að liggja yfir bókum að kynna mér plöntunotkun hérna og það kom mér á óvart að mikið af sumarblómunum og fjölæringunum eru líka notaðir heima, þannig að ég er ekki alveg út að aka. Svo eru trén og runnarnir öllu fjölbreyttari en það verður bara gaman að læra eitthvað nýtt.

Hvað er málið með fréttirnar af þessum blessuðu bönkum okkar?
Maður er nú orðinn frekar þreyttur á þessu, skuldatryggingablabla, maður veit ekki einu sinni hvað þetta þýðir!
Spurning um að setja bara sparnaðinn undir koddann?

Annars held ég að þetta sé allt saman spurning um hvað fólk trúir og heldur og það er verið að mata fólk á einhverri tortryggni gagnvart bönkunum...

Ég vona allavega að þeir fari ekki að detta á höfuðið blessaðir!

Nóg af bulli í bili.

Kveðja

Hlynur

Mexíkönsk gleði

2008-02-21T11:15:00.004-05:00

Hæ allir

Einhildur systir mömmu lét mig fá uppskriftina sem hún og Ása gerðu fyrir brúðkaupið hjá mér og Hlyni. Þið sem voruð í brúðkaupinu ættuð að muna hversu gómsætur þessi réttur var:) Algjört nammigott ef þið viljið prófa að gera svona heima....

Mexíkanskur kjúklingur a la Eina

Hráefni:
ca 4 bringur (fer eftir því hvað eru margir í mat)
ostasósa (mexikönsk)
salsa sósa
rifinn ostur
1 poki doritos snakk osta
Krydd (mexikansk)

1. Kjúklingabringurnar skornar í bita, steiktar á pönnu og kryddaðar eftir smekk.
2. Doritos snakkið mulið í botninn á eldföstu móti.
3. Salsasósan sett yfir og ostasósan þar ofan á.
4. Kjúklingnum er svo dreift yfir ostasósuna.
5. Síðan er ostinum dreift yfir allt saman.
6. Bakað í ofni í ca 20-30 mín á 200°C hita.
7. Gott að hafa sýrðan rjóma, Quacomole ,ostasósu, salat og hrísgrjón með.

Verði ykkur að góðu :)

Knús Erna

Kominn með vinnu

2008-02-19T10:15:00.002-05:00

Jæja þá er kallinn kominn með vinnu.
Það er búið að rigna yfir mig atvinnutilboðunum síðustu daga. Í gær hringdi síminn og ég mundi ekki einu sinni eftir að hafa sótt um á þeim stað. En ég er búinn að vega og meta þetta allt saman og ákvað að taka vinnunni í Laurel Hill Gardens. Þetta er fyrirtæki í Chestnut Hill sem er bæði með plöntusölu og skrúðgarðyrkju. Ég held að ég eigi að vera ca tvo daga í viku í sölu og svo hina dagana verð ég í skrúðgarðyrkjunni. Ég er mjög ánægður með þetta, held að það verði mikil reynsla að sjá hvernig þeir gera þetta hérna í Ameríkunni. Ég verð reyndar að vakna snemma og taka lest þangað og verð líklega ca 40 mínútur með öllu að koma mér þangað en ég held að það gæti verið verra.
Þessi vinna var reyndar næst okkur af öllum vinnunum sem ég gat valið um.
Ég byrja ekki fyrr en í byrjun mars þannig að nú er bara að njóta lífsins þangað til!!!

Við fórum á djammið um síðustu helgi með mjög amerísku fólki. Fórum á írskan pöbb og það var mikið fjör. Vinsælasti drykkurinn var Jägerbomba. Ekki fyrir viðkvæma!!!
Þetta er semsagt Red bull með skoti af Jagermeister. Maður setur glasið með jagernum ofaní red bull glasið og drekkur svo. Mæli nú ekkert sérstaklega með þessu enda var hausinn ekki upp á sitt besta daginn eftir...

Framundan er skíðaferð á laugardaginn og svo er farið að styttast í Skotlandsferð!
Erum að fara til Edinborgar í brúðkaup hjá Beggu og Chris sem verður haldið í skoskum kastala! Hlökkum mikið til...

Veðrið er búið að vera skrítið. Í gær fór hitinn upp í 20°C en í dag er hann nálægt frostmarki. Enginn snjór hefur enn sést og yfirleitt er bara sæmilegt veður.

Ég les mbl á hverjum degi til að fylgjast aðeins með heima og ég fékk vægt sjokk þegar ég sá hvað bensínið er farið að kosta.
Hérna kostar gallon (3.78 lítrar) um $3 og þykir frekar dýrt!
Annars fór ég á bílasýningu hérna í síðustu viku og það kom mér á óvart hvað er mikið til af hybrid bílum hérna.
Ætla að setja inn nokkrar myndir frá sýningunni núna.

En nóg í bili

Kveðja

Hlynur

Helgin

2008-02-16T11:40:00.002-05:00

Hæ allir saman.

Nú er komin helgi og veðrið er bara gott og erum við að vona að veturinn sé bara að verða búinn hérna (ef vetur skyldi kalla).
Ég er búinn að fá þrjú atvinnutilboð og er að vega og meta hvert og eitt. Ákveð líklega eftir helgi hverju ég tek. Annars byrja vinnurnar flestar ekki fyrr en í byrjun mars þannig að ég þarf að bíða í smá stund enn eftir því að fara að vinna. Maður er bara búinn að fitna á þessu letilífi, hahahaha...
Við erum búin að hafa nóg að gera, erum í golfkennslu á mánudögum og förum svo í salsakennslu tvisvar í viku. Golfkennslan fer fram í íþróttahúsinu á campus en þar er golfhermir þar sem að maður getur spilað á frægustu völlum heim! Ekki margir sem geta státað sig af því að hafa spilað St. Andrews!
Við vorum svo að kaupa okkur Bose dokku fyrir ipodinn þannig að núna hljómar músík um íbúðina.
Erum á leið í partý í kvöld en annars er ekki mikið í gangi um helgina.

Bæ í bili

Kveðja

Hlynur og Erna Sif

Eimskipasjóðskind

2008-02-14T09:49:00.000-05:00

Veiveivei!
Minns er semsé kominn með styrk til að vinna doktorsnámið...
Vildi bara deila með ykkur gleðinni:)

Háskólasjóður Eimskipafélags Íslands - Úthlutun 2008

Berglind Eva Benediktsdóttir
Bergrún Arna Óladóttir
Björn Oddsson
Erna Sif Arnardóttir
Gabriel Malenfant
Helga Dögg Flosadóttir
Jón Á. Kalmansson
Kolbrún Þorbjörg Pálsdóttir
Kristín Björnsdóttir
Kristján Mímisson
Margrét Bessadóttir
Ragnhildur Guðmundsdóttir
Tobias Zingg
Þorgerður H. Þorvaldsdóttir

Knús Erna

When in New York!

2008-02-11T11:48:00.001-05:00

Þá er frábær og skemmtileg helgi í New York að baki.
Það var gaman að hitta Þröst, Guðbjörtu og Árna og njóta stórborgarinnar. Við komum með lest frá Philly á föstudagskvöldið og hittum íslendingana ásamt Ragnheiði vinkonu Guðbjartar á Bobby Vans Steakhouse.
Þetta var svo geggjað steikhús og maturinn var svo góður að maður er bara enn í skýjunum. Mig hefur alltaf langað til að prófa alvöru New York steikhús og draumurinn rættist þarna. Ég fékk mér 32 oz steik! Heil 900g og torgaði henni sem er náttúrulega fáránlegt! Hinir voru öllu rólegri og fengu sér flestir 16 oz steikur. Svo drukkum við frábært Pinot Noir með sem Þröstur valdi af vínlistanum eins og hann væri þaulvanur sommelier.
Eftir steikina fórum við upp í Rockafeller Center og nutum útsýnis yfir borgina.
Á laugardeginum skoðuðum við hverfið sem hótelið okkar var en það er kallað Flatiron district. Þar er helst að nefna Flatiron Building sem er ansi sérkennileg eins og straujárn í laginu og mjög mjó á köflum. Svo hittum við Þröst, Guðbjörtu og Árna á Time Square í kaffi. Fórum eftir það niðrí Soho að skoða í búðir og rölta um það skemmtilega hverfi. Gengum svo niður að Ground Zero og sáum að lítið gengur með framkvæmdir þar. Svo var komið að stærstu búð í heiminum, Macy´s! Það er algjört brjálæði að vera þarna inni. Búðin er á 9 eða 10 hæðum með óteljandi rúllustigum og lyftum. En það var upplifun að fara þarna inn og gott að vita það að maður þarf líklega aldrei að fara þarna inn aftur! HAHAHAHAHAHA...
Svo fórum við niðrí Greenwich Village og fengum okkur ekta pizzu á pínulitlum stað.
Eftir það fórum ég og Erna á Blue Note jazz klúbbinn og hlustuðum á kúbanskan trommara, Francisco Mela með nokkrum vinum sínum spila. Það var magnað að fara á þennan fræga stað þar sem margir af frægustu jazzistum sögunnar hafa tekið upp plötur live. Tónleikarnir voru ágætir, en tónlistin hljóp frá því að vera súrrealísk yfir í standard jazz og yfir í kúban/afrískt sound sem var mjög flott. Ég verð þó að segja að saxófónleikarinn Mark Turner var frekar slappur. En upplifunin var skemmtileg og klúbburinn pínulítill, troðfullur og fólkið sem við sátum á borði með var mjög skemmtilegt. Annað markvert sem gerðist á þessum klúbbi var að ég prófaði New York bjór í fyrsta skipti, Brooklyn Lager, og ég ætla aldrei að smakka þann viðbjóð aftur. Eftir það drakk ég bara Singha sem er mjög góður.
Á sunnudaginn hittum við Þröst á Olive Garden í smá lunch og kvöddum hann, fórum svo í M&M world sem er smá klikkun og enduðum helgina á þremur klukkutímum í MOMA, Museum of Modern Art. Þetta safn var frábært og höfum við aldrei séð jafn mikið af frægum myndum á einu safni.
Þannig að helgin var mjög skemmtileg, hressandi og gaman að hitta Þröst og co!

Nóg í bili

Kveðja

Hlynur

Atvinnuviðtöl

2008-02-07T11:19:00.000-05:00

Góðan daginn gott fólk!

Takk fyrir skemmtilega umræðu í kommentunum undanfarið. Alltaf gaman að fá komment...

Jæja hér hefur allt verið að gerast í vikunni. Ég fór í atvinnuviðtal á þriðjudaginn í eitt úthverfi borgarinnar, Chestnut Hill. Þar búa allir bubbarnir í fínu villunum sínum og allt er mjög vinarlegt og kósí. Mér leist mjög vel á fyrirtækið sem er bæði með garðplöntusölu og skrúðgarðyrkjuþjónustu. Þetta er lítið fyrirtæki og andrúmsloftið var mjög vinarlegt. Ég fékk mjög góða tilfinningu fyrir fólkinu og staðnum og nú er ég bara að bíða eftir símtali hvað verður úr þessu. Hér er heimasíðan hjá þessu fyrirtæki:
http://www.laurelhillgardens.com/

Svo fór ég í annað atvinnuviðtal í gær. Þetta fyrirtæki sérhæfir sig í kerjum og körfum sem eru alls staðar í miðborginni. Vinnan myndi felast í því að ég væri á stórum Ford pickup að vökva, bera áburð og klippa til plönturnar í kerjunum. Mér leist nú ekki eins vel á þetta starf eins og hitt en hef það kannski í bakhöndinni. Ég fór í prufukeyrslu niðrí bæ þar sem ég keyrði stóran pickup, held að hann heiti eitthvað Ford 250 heavy duty eða super duty. En alla veganna þá tókst mér að keyra þröngar götur og leggja í lítil bílastæði og fékk comment frá eigandanum eins og superb driving ofl.
http://www.finegardencreations.com/

Svo eru fleiri garðar heitir og hef ég heyrt að einn sé alveg magnaður. Ég hef verið í email sambandi við yfirmann en á að eiga símafund á næstunni.
http://www.chanticleergarden.org/

Svo sendi ég cv til Morris Arboretum en það er trjásafn sem University of Pennsylvania er með í hæðunum rétt fyrir utan borgina. Samgöngurnar þangað eru ekki sérlega hagstæðar en ég ákvað að senda umsókn þangað líka og ég fékk fín viðbrög að vísu voru engin störf í boði akkúrat núna en kannski þegar nær dregur vori. En directorinn vildi endilega fá mig sem fyrst uppeftir að hitta starfsfólkið og vill að ég haldi fyrirlestur í garðinum.
Það er mjög spennandi!

Á morgun förum við svo til Stóra Eplisins (New York), hittum Þröst, Guðbjörtu systur hans og Árna manninn hennar ásamt einhverjum fleiri íslendingum, það verður geggjað!

Veðrið er búið að vera skrítið hérna. Í gær fór hitinn upp í 20°C en það er aðeins búið að kólna í dag.
Biðjum að heilsa heim í snjóinn og veturinn, hehehe

Kveðja

Hlynur og Erna Sif

Superbowl

2008-02-04T21:01:00.000-05:00

Jæja þá er enn ein helgin liðin.
Við gerðum margt skemmtilegt. Á laugardaginn fórum við í King of Prussia mall að reyna að kaupa gallabuxur handa mér en það gekk illa. Hef ekki fundið neins staðar gallabuxur sem eru nógu síðar fyrir mig. Talandi um að allt sé til í Bandaríkjunum...
Fengum okkur lunch á Cheesecake Factory sem er svona alvöru amerískur veitingastaður í fínni kantinum. Ég fékk mér íslenskan þorks, fish and chips og Erna fékk sér risa samloku. Fiskurinn var mjög góður og ég spurði hann (fiskinn...) hvort hann væri ekki alveg örugglega frá Íslandi en fékk lítið um svör. Skammtarnir voru risastórir og náðum við ekki að klára matinn og það sem verst var að við vorum of södd til að fá okkur ostaköku. Það verður bara að bíða þangað til næst. Kíkjið á matseðilinn, hann er huge!
http://www.thecheesecakefactory.com/
Svo var komið að matarboði hjá Allan yfirmanni hennar Ernu um kvöldið. Það var margt um manninn og góður matur m.a. nýsjálenskt lambakjöt og innbakað nautakjöt. Það var mjög gaman að fara í heimsókn til Allans og Fran og sjá alvöru úthverfi. Við fengum far með vinnufélaga hennar Ernu og eftir ca. 40 mín akstur þá vorum við komin í úthverfi með engum blokkum og við sáum meira að segja stjörnur í fyrsta skipti í langan tíma.
Í gær vorum við svo boðin í superbowl gleði hjá Darshan og Rainu. Þar fengum við pizzu, buffalo wings (geggjaðir!) og mikið af snakki og bjór. Við fylgdumst með leiknum og fengum skýringar í leiðinni frá Darshan hvað væri í gangi. Leikurinn var svaka fjörugur undir lokin og var þetta bara besta skemmtun.
Við fengum líka að vita að við værum boðin í brúðkaup hjá þeim í sumar. Þau eru bæði af inverskum uppruna og verður brúðkaupið að indverskum sið, eitthvað um 300 manns er boðið og hlökkum við mikið til. Brúðkaupið er í Colombus Ohio, sem er 8 tíma keyrsla svo við tökum líklega bara innanlandsflug í þetta.
Ég er að fara í atvinnuviðtal á morgun. Þetta fyrirtæki er með litla garden center í sætu úthverfi og svo eru þeir líka með skrúðgarðyrkjuþjónustu.
Vona að það komi eitthvað skemmtilegt út úr því.

Jæja nóg í bili

Kveðja

Hlynur og Erna Sif

Salsa

2008-02-01T09:56:00.000-05:00

Hæ
Fórum í salsatíma í gær, advanced, nota bene!
Það gekk bara mjög vel en var erfitt á köflum. Kennarinn er strákur frá Líbanon sem við hittum í skíðaferðinni um síðustu helgi og hann var mjög góður að sýna okkur sporin og sérstaklega aðrar heyfingar sem íslendingarnir eru ansi stirðir í.
Fórum svo og fengum okkur geggjaðan kvöldmat á
http://www.newdecktavern.com/
þeir sem eru að koma í heimsókn geta byrjað að slefa yfir matseðlinum. Samlokurnar eru gómsætar!!!
Atvinnuleitin tók óvæntan kipp í gær. Ég var orðinn ansi þreyttur á því að sækja um á aðal atvinnusíðunum hérna á netinu því það kom lítið út úr því. Þannig að ég tók mig til og fann góða síðu:
http://www.greaterphiladelphiagardens.org/index.asp
Ég leitaði að görðum sem voru í samgöngufæri og dældi bara út emailum þó að það stæði á síðunum að það væru engin störf í boði.
Og svörunum fór að rigna yfir mig strax sama dag. Ég fer á mánudaginn að skoða einn stað og svo eru nokkrir aðrir búnir að sýna mér áhuga.
Þannig að nú kemur bara í ljós hvort ég fæ vinnu fljótlega...
Spennandi!
Við keyptum okkur loksins eitthvað til þess að hengja upp á vegg hérna og ef einhver getur hverjir eru listamennirnir þá er óvæntur glaðningur í boði...

Það er rigning núna aldrei þessu vant. Veðrið er búið að vera bara fínt. Enginn snjór, hiti um eða yfir frostmark og bjart allan daginn.
Það er svo gott að vakna í birtu þegar er vetur, það er eitt af því sem ég sakna ekki frá Íslandi.
Biðjum að heilsa öllum í vetrarríkinu heima.

Bæjó

Hlynur

Gleði gleði gleði

2008-01-29T17:41:00.000-05:00

Gleði alla tíð...
Gleðisöngur MH-inga á vel við núna því að kameldýrið tók óvæntan sprett þegar Agga tók til sinna mála. Ég fékk semsagt atvinnuleyfið í póstinum í dag og þá get ég farið að sækja um social security number og þá loksins ætti maður að verða orðinn fullgildur meðlimur í amerísku samfélagi.
Nú er bara að halda áfram í atvinnuleit.

Kveðja Hlynur

Ernukindin er svo loksins hætt í vinnubrjálæðinu sínu. Ég var að vinna að risaverkefni sem á að fara fram hér við Penn og á Íslandi næstu 5 árin ef við fáum styrkinn, þar á meðal vinna og laun fyrir mína.
En góðan daginn, hvað þetta var mikil vinna, var eiginlega bara flutt niður á sleep center síðustu dagana, var að vinna á fimmtudeginum frá 9 um morguninn til 2 um nóttina (orðin ansi steikt) og fór svo aftur næsta morgun svefnlaus og ennþá steiktari...
Núna get ég semsé farið að einbeita mér að nærtækari verkefnum og farið að vinna eðlilegan vinnutíma aftur. Erum loksins komin með öll leyfi til að byrja á rannsóknunum tveimur sem ég ætla að gera hérna. Svo vonandi byrjar þetta bara á næstu vikum á fullu, er að fara yfir allt núna og vera viss um að við séum að gera allt rétt og svona...

Ég og Hlynur erum orðin örlítið meiri félagsverur en á liðnu ári hér í Philly og skelltum okkur á snjóbretti síðustu helgi (með tilheyrandi verkjum eftir að vera á hausnum allan tímann, fannst þetta ansi djarft af varkárri minni), fórum svo í golfkennslu í gær sem var mjög gaman. Ég hef aldrei snert golfkylfu áður og náði bara að hitta boltann í fyrstu tilraununum svo ég tel þetta bara góðan árangur. Og mun áhættuminni íþrótt en blessaða snjóbrettið. Held að ég sé gömul sál, vil helst áhættulitlar íþróttir eins og göngur, sund, dans og nú golf....

Annars er félagsdagskrá Ernu og Hlyns bara að fara að líkjast hefðbundinni Íslandsdagskrá (semsé busy!) því við erum að fara á salsanámskeið á fimmtudaginn, matarboð til yfirmanns míns á laugardaginn, hitta fólk yfir Superbowl og bjór á sunnudaginn, stefnum á að hitta Þröst, Guðbjörtu og Árna helgina eftir það í New York (og aðra New York búa sem við þekkjum ef þeir eru á svæðinu, Thelma???). Svo er golf og salsa tvisvar í viku næstu vikurnar, skíðaferð seinni part febrúar þar sem mín ætlar í öllu hættuminni skíðakennslu og ég veit ekki hvað og hvað.

Því næst tekur við ansi fjörugur marsmánuður: Fyrst skellum við okkur til Edinborgar í brúðkaup Berglindar og Chris, svo fer mín eiginlega beint til Californiu á mjög spennandi ráðstefnu, er á einhverju voðafínu skíðasvæði sem heitir Lake Tahoe, svo ekki beint klassísk sólar California. Spurning hvort Hlynsinn fái að skella sér með og skíða bara alla daga á meðan minns situr inni á ráðstefnunni, sjáum til eftir vinnumálum hjá honum. Svo bara nokkrum dögum seinna koma Ásdís og fjölskylda í heimsókn og eru út mánuðinn!!!

Fleiri spennandi heimsóknir eru svo foreldrar Hlyns í apríl og Arndís systir mín í maí....

Semsé allt í gangi hjá Phillybúunum.
En nóg blaður í bili

Knús Erna

Snjóbretti og önnur gleði

2008-01-27T14:46:00.000-05:00

Hæ
Í gær fórum við í skíðaferð með íþróttamiðstöðinni okkar. Vorum 13 sem fórum í ferðina með farar/bílstjóra og aðstoðarmanni. Við vorum mætt fyrir sjö í gærmorgun og svo var lagt af stað í Blue Mountain en það er skíðasvæði ca 1 1/2 tíma akstur norður af borginni. Hópurinn var nánast eingöngu erlendir námsmenn þannig að það var mikið spjallað. Aðildarlönd að þessari ferð voru m.a. Spánn, Líbanon, Þýskaland, Danmörk, Frakkland og auðvitað ÍSLAND og nokkrir USA búar fengu að fljóta með.
Á leiðinni uppeftir þá vorum við alltaf að bíða eftir þessum svokölluðu fjöllum og sáum þau aldrei. Við sáum heldur engan eða mjög lítinn snjó en allt í einu vorum við komin upp á ágætishæð og það reyndist vera fjallið!
www.skibluemt.com
Reyndar var ansi djúpur dalur hinu megin við þar sem skíðað var niður og var þetta bara ansi flott. Allt í einu sáum við snjó en hann var greinilega að einhverju leiti búinn til en það voru snjógerðarvélar út um allt.
Við byrjuðum á að fara í snjóbrettakennslu og vorum bara nokkuð sperrt. En svo fór að síga á ógæfuhliðina. Við fórum í algjöra byrjendabrekku með varla nokkurn halla og við flugum á hausinn hvað eftir annað. Vorum í kennslunni í einn og hálfan tíma og á endanum gáfumst við upp...
Mig hefur alltaf langað að prófa bretti en ég komst að því í gær að skíðin eru svo miklu skemmtilegri. Kannski er það líka vegna þess að ég kann á skíði en það er bara virkilega flókið að læra á snjóbretti.
Við settumst niður og fengum okkur lunch í blíðunni og ákváðum að skipta yfir á skíði.
Það voru bara tveir tímar eftir þangað til að við áttum að leggja af stað heim þannig að ég náði að fara nokkrar ferðir og Erna hvíldi sig á meðan.
Og þvílík snilld! Ég renndi mér niður flestar brekkurnar eins og ekkert væri, þó eru sjö ár síðan ég fór á skíði síðast út á Ítalíu. Ég held að ég verði að reyna að fara oftar á skíði, það er svo skemmtilegt!
Vonandi komumst við í næstu ferð sem fer á sama stað í lok febrúar. Þá þarf Erna bara að fara í skíðakennslu hjá kappanum.
Þetta var ansi góður dagur og við vorum ansi þreytt þegar við komum heim. En okkur var boðið að hitta fólk úr skíðaferðinni niðrí bæ um kvöldið og við skelltum okkur út á lífið.
Byrjuðum að fá okkur bjór á flottum stað og svo fórum við á Cuba Libre sem er salsa staður. Þar var svo dansað salsa fram á nótt og komumst við m.a. að því að einn gaurinn úr skíðaferðinni sem var með okkur þarna um kvöldið er kennari á salsanámskeiði sem við erum búin að skrá okkur á.
Á morgun förum við svo í golfkennslu í golfherminum í íþróttamiðstöðinni, gaman gaman.
Framundan er svo hugsanleg New York ferð 8-10 febrúar. Höfum heyrt af hugsanlegu ættarmóti þar (Þröstur, Guðbjört og Árni).
Annars er allt í góðum málum nema það að atvinnuleyfið mitt er á leiðinni frá Alaska með kameldýri, Síberíuleiðina...

Kveðja

Hlynur og Erna Sif

Martin Luther King Jr. Dagurinn

2008-01-23T10:12:00.001-05:00

Ég gerði góðverk á mánudaginn!
Fyrirtækið sem Raina vinkona okkar vinnur hjá tók þátt í góðgerðarsamkomu hérna í Philly á mánudaginn til heiðurs MLK. Ég fór með en Erna var því miður að vinna.
Við mættum í eitt úthverfi um hálf níu um morguninn eftir skemmtilega leigubílaferð þar sem ég leiðbeindi leigubílnum hvert hann ætti að fara. En við komumst á endanum á réttan stað.
Svo skráðum við okkur til leiks og verkefni dagsins hjá okkur var að baka 'Old-Fashioned Sweet Potato Pie'.
Þetta var ansi skondið, við höfðum ekki hugmynd um hvernig ætti að gera þetta og engin af okkur hafði gert böku áður. En við vorum sett í 10 manna lið þar sem einn var team leader en hún vinnur hjá matvælafyrirtæki og vissi hvað átti að gera. Hófst svo baksturinn og heppnaðist bara ágætlega.
Við fengum aðeins að smakka en svo þegar bökurnar voru tilbúnar þá settum við þær í litla kassa og þær voru svo sendar til fólks sem þarf á aðstoð að halda.
Eftir allt þetta erfiði, þá fengum við svo að borða, lunchbox með samloku, epli, kexi og snakkpoka!
Mér fannst það nú hálf skrítið, við vorum búin að vera þarna í kannski þrjá klukkutíma að búa til mat fyrir heimilislaust og þurfandi fólk og svo fengum við að gúffa í okkur líka! En ég held að maturinn hafi nú allur verið gefinn einhvers staðar frá en ég hugsaði með mér, af hverju ekki að gefa allan þennan mat líka!
Allt fólkið sem kom þarna hafði örugglega efni á að kaupa sér smá í svanginn.
Það var ansi mikið af fólki mætt á svæðið m.a. nýji borgarstjórinn, Nutter (já það er nafnið hans...) og við vorum bara í einu prógrammi af mörgum. Sumir voru að flokka bækur og leikföng sem fengust gefin. Aðrir flokkuðu föt og sumir máluðu myndir á veggina í skólanum.
En þetta var bara ágætisdagur og bara fínt að gera smá sjálfboðavinnu.
Hér kemur uppskriftin að bökunni ef einhver hefur áhuga:

Old-Fashioned Sweet Potato Pie

Pie Crust Ingredients:
100g ósaltað smjör, ágætt að hafa mjúkt (ekki brætt)
1 1/4 bolli hveiti
1/2 teskeið salt
1 teskeið hvítur sykur
1/4 bolli KALT vatn (ice water)

Sweet Potato Filling Ingredients:
700g Sætar Kartöflur
100g ósaltað smjör, brætt
1/4 bolli + tvær matskeiðar ljós púðurskykur (skítin mæling en stendur í uppskriftinni)
2 matskeiðar Hlynsýróp (að sjálfsögðu HLYN sýróp!)
1 teskeið vanilla extract (veit ekki, kannski vanillusykur)
1/8 teskeið kanill
1/8 teskeið múskat
örlítið salt (pinch)
1 egg
1 egg bara eggjahvítan

Leiðbeiningar-Pie Dough
*Myljið smjörið í litla bita og blandið saman við hveiti, salt og sykur þangað til bitarnir eru á stærð við litlar baunir.
*Dreifið köldu vatni yfir hveitiblönduna hristið skálina til að dreifa vatninu jafnt.
*Hnoðið deigið þangað til að það myndar kúlu og fletjið það út í flata 'pönnuköku'
*Setjið í plast og kælið í 30 mínútur.

Leiðbeiningar-Sweet Potato Filling
*Bakið sætar kartöflur í 175°C ofni í ca. 30 mínútur (eða þangað til þær eru mjúkar)
*Skerið í helmingar og skafið innan úr hýðinu í skál.
*Bætið restinni af innihaldsefnunum og blandið.

Leiðbeiningar-Bökun
*Smyrjið formið (þeir kalla þetta pie tin, sérstaklega æltað undir bökur)
*Setjið smá hveiti á borðið og fletjið deigið í 14" þvermál
*Setjið deigið í 9" bökuform (álform eða eitthvað annað) og brúnir efst á formin (erfitt að þýða þetta...)
*Notið gaffal til þess að lofta deigið
*Setjið annað form (má vera bökunarpappír) ofan á deigið og setjið einhvers konar þurrar baunir ofan í það.
*Bakið í 20-25 mínútur í forhituðum ofni á 200°C, þar til gullinbrúnt.
*Lækkið hitann í 175°C og fjarlægið baunirnar og formið ofan af. Látið í ofninn aftur í 5 mínútur í viðbót.
*Látið deigið kólna.
*Hellið fyllingunni ofan á deigið og bakið í 175°C þangað til fyllingin er tilbúin ca. 30 mínútur.

Vá, þetta er ekkert smá!
Þið fyrirgefið ef þetta er ekki nógu skýrt, ég þýddi þessa uppskrift og notaði svo metric converter á netinu til þess að breyta pundum í grömm o.s.frv.

Tekið skal fram að engin ábyrgð er tekin á þessari uppskrift, þannig að ef þetta er hræðilegt þá gerið þið ekki farið í mál við mig!

Ef einhver er svo hugrakkur að prófa þetta látið mig þá vita...

Kveðja

Hlynur 'Sweet Potatoe' Ómarsson

Trúboð og annað skemmtilegt

2008-01-19T11:00:00.000-05:00

Ég var á göngu í mesta sakleysi hér á campus í vikunni og vegna þess að ég leit svo sakleysislega út þá var ég stoppaður af fólki sem var í trúboði. Ég hélt fyrst að þetta væri einhver könnun eða eitthvað svoleiðis og sagði bara já þegar þau spurðu mig hvort ég vildi svara nokkrum spurningum. Svo fór að reyna á kallinn. Ég fékk blað í hendurnar og átti að svara nokkrum spurningum. Þá sá ég að þetta var trúarlegs eðlis og var hætt að lítast á blikuna. Ég fór að líta í kringum mig og sjá hvort að það væri einhver undankomuleið frá þessu en þar sem ég var króaður af í litlu húsasundi þá átti ég engra kosta völ en að svara þessu. Ef ég man rétt þá gengur þessi trú út á að Guð sé kona held ég. Ég átti að svara því hvort mætti skilja ákveðnar setningar úr biblíunni þannig að guð gæti verið kona. Svo átti ég að segja frá minni trú og á endanum kom að því að kvitta undir og var mikil pressa sett á mig að setja netfangið mitt með svo ég gæti nú fengið meiri upplýsingar um þessa trú. Ég skrifaði náttúrulega undir sem Jón Jónsson fá Ísafirði og flýtti mér svo í burtu. Nota Bene ég skrifaði ekkert um heimilisfang eða netfang. En annars þau voru nú voða ljúf greyin sem voru í þessu trúboði en maður er alltaf að læra eitthvað nýtt hérna...
Vikan hefur verið tíðindalítil svosem. Erna er að vinna mikið þessa dagana að styrkumsókn og er að vinna alla helgina. Ég er duglegur í atvinnuleit og bíð enn eftir atvinnuleyfinu mínu, en það ætti að vera löngu komið!
Ég fór á stóra Job Fair á miðvikudaginn en það kom lítið út úr því. Þar voru aðallega stór fyrirtæki að ráða fólk til langs tíma. En ég sótti um á einum stað. Og til marks um sérhæfinguna hérna sem virðist oft vera alger þá sérhæfði þetta fyrirtæki sig í grasflötum og engu öðru! Ég er búinn að sækja um Tree Climber líka og fékk svar frá því fyrirtæki. Þau voru ánægð með starfsreynslu mína úr græna geiranum en vildu vita hvort ég hefði alvöru reynslu í klifri eins og t.d. rock climbing. Ég gat bara sagt nei við því þannig að það datt upp fyrir.
Á mánudaginn er Martin Luther King Jr. dagurinn en það er frídagur hjá flestum hérna í Ameríkunni. Erna verður þó að vinna vegna þess að styrkumsóknin á að afhendast á þriðjudaginn.
En ég er búinn að skrá mig í sjálfboðastarf með vinum okkar, Rainu og Darshan. Fyrirtækið sem Raina vinnur hjá stendur fyrir sjálfboðaliðastarfi þennan dag en það virðist vera mjög algengt hjá fólki að vinna þennan dag í þágu samfélagsins.
Ég, Raina og Darshan eigum semsagt að elda Creole food einhversstaðar í úthverfi borgarinnar. Þetta verður örugglega mjög áhugavert, íslendingur og ameríkanar með indverskan uppruna að elda Creolamat!
Veðrið er ennþá bara fínt hérna en það er orðið svoldið kalt en enginn snjór sjáanlegur.
Við erum á leiðinni í skíðaferð um næstu helgi með útivistarklúbbnum í gymminu okkar, það verður áhugavert að sjá hvernig brekkurnar eru hérna í Pennsylvaniu.

Kveðja

Hlynur og Erna Sif

Haukdís í heimsókn

2008-01-14T21:38:00.000-05:00

Hæ allir saman!

Þá er ansi skemmtileg helgi að baki. Haukur og Bryndís komu í heimsókn á föstudaginn og fóru í gær. Við túristuðumst mikið og það var rosa gaman að fá þau í heimsókn.
Á laugardaginn fórum við á staði í borginni sem við höfðum ekki farið á sjálf. Penns landing er svæði við Delaware ána þar sem maður sér New Jersey hinu megin við ána. Þar eru herskip við bryggju og maður sér stórar brýr eins og Benjamin Franklin brúna.
Svo gengum við um old city, skoðuðum liberty bell ofl og enduðum svo á að fá okkur sveittan mat á Reading Terminal Market.
Fórum svo á comedy club á laugardagskvöldið og hlógum mikið. Það voru þrír uppistandarar og hver öðrum grófari og fyndnari. Aðalgæinn kemur oft í þáttinn hjá Conan O'brian og var bara þrusugóður. Brandararnir voru oft alveg á mörkunum en það er víst trendið hjá þessum gæjum. Við komumst inn í grínið hjá þeim þegar þeir spurðu hvort einhverjir útlendingar væru í salnum og Bryndís hrópaði ICELAND...
Það fyrsta sem uppistandaranum datt í hug að segja var: Erum ekki allir fallegir á Íslandi? Það sannaðist náttúrulega með okkur þessu gullfallega fólki, fulltrúum lands og þjóðar!
Svo kom annað grín seinna um ísland og k....yndir og er ekki hafandi eftir hér vegna ungra lesenda...
Á sunnudaginn röltum við að listasafninu og skoðuðum Rocky styttuna sem er þar fyrir utan. Myndirnar um Rocky gerðust semsagt í Philly og þeir eru mjög stoltir af því. Tröppurnar fyrir utan listasafnið eru svo tröppurnar sem Rocky hljóp til þess að æfa sig og eru mikið notaðar til þess í dag. Við tókum öll sprettinn upp og vorum m.a. mynduð af einhverjum dúdda sem var að taka myndir fyrir einhverja heimasíðu!
Eftir þetta gengum við um Fairmount Park og sáum róðrarliðin æfa sig á Schuylkill ánni. Fórum svo í dýragarðinn sem er hérna rétt hjá. Hann var bara ágætur en mikið af dýrunum voru í vetrarfríi! Sáum þó birni, marga stóra ketti, alls konar apa, eðlur, slöngur, skjaldbökur og froska. Mér fannst nú Red Panda vera flottasta dýrið.
Svo var nú hálf sorglegt að sjá sum dýrin þarna, hvernig þau ráfuðu hring eftir hring frekar eirðarlaus. En það er nú þannig að maður fer alltaf öðru hverju í dýragarða og sér alltaf að einhver dýrin eru ekki með nógu góða aðstöðu eða hafa ekki félagsskap við vini sína og það er alltaf leiðinlegt.
Vorum svo bara í chilli, fengum okkur bestu pizzu í heimi á Pizza Rustica hérna rétt hjá og horfðum svo á nýja þáttaröð um Terminator sem var að byrja í sjónvarpinu.
Annars var verið að uppfæra kerfið hérna í byggingunni og við erum komin með fáránlega mikið af stöðvum... Í gær vorum við eitthvað að fikta í þessu og fundum út að stöð 1 á sjónvarpinu er on demand stöð þar sem við getum valið úr fullt af fríu dóti og m.a. séð þætti sem við höfum misst af! Mjög kúl.
Ætli þetta sé ekki nóg blaður í bili. Ég er á fullu að sækja um vinnur og fer á Job Fair á morgun. Hef nú því miður fengið fá svör en vonandi fer það að lagast. Er ekki enn kominn með atvinnuleyfið í hendurnar, vona að pósturinn fari að standa sig í því!
Ætla að setja nokkrar myndir inn á flickrið frá helginni.
Þið getið líka séð myndir frá Hauki og Bryndísa á
http://www.flickr.com/photos/10639074@N03/
Bæjó í bili

Hlynur og Erna Sif

Körfuboltagleði

2008-01-10T21:49:00.000-05:00

Við skelltum okkur á körfuboltaleik í gær. Fórum með Dursham og Rainu og fleirum. Byrjuðum á að taka lestina að íþróttacomplexunum en við höfum ekki farið þangað áður.
Í lestinni var mikið af fólki á leiðinni á leikinn og við áttuðum okkur ekki alveg á því hvað færu margir á leik í háskóladeildinni. Við eltum bara nokkra stráka upp úr lestinni og þeir voru ansi hressir. Vorum meðal annars að bíða á gangbrautarljósi og þeir fengu alla til að leggja af stað áður en það var komið grænt og hugsunin var eins og þeir orðuðu það svo snilldarlega: If we all go they have to stop.
Komum svo á völlinn og þetta var alveg risaleikvangur. Komum okkur fyrir upp við þakskeggið og rétt náðum að sjá niður á völlinn.
Rétt fyrir leikinn var þjóðsöngurinn sunginn af litlum blindum strák sem söng alveg eins og engill. Þegar hann fór upp á hæstu tónana í...land of the free...þá ætlaði höllin að tryllast. Þetta var svo amerískt að maður trúir því varla ennþá. Klappstýrurna komu svo hressar með atriði og lúðrasveitin var alveg geggjuð.
Leikurinn var með daufara móti en átti sína spretti inn á milli. En það var stuð að fara og sjá allt þetta.
Allir leikvangar borgarinnar eru staðsettir á sama svæðinu eins hafnarboltavöllur, fótboltavöllur (nfl) og svo þetta risahús þar sem er bæði spilað íshökkí og körfubolti.
Veðrið er aðeins að kólna aftur eftir góða daga síðan við komum aftur. Ég er búinn að sækja um fullt af vinnum og nú er bara að sjá hvað gerist.

Setti inn nokkrar myndir frá leiknum á flickrið

Kveðja

Hlynur og Erna

Komin "Heim"...

2008-01-08T09:51:00.000-05:00

Þá erum við komin heim í frábært veður. Við héldum að það ætti að vera vetur hérna en það er bara 10-15°C og sól. Það var líka ótrúlega gott að vakna í björtu! Ferðin í gær gekk bara vel fyrir sig en það tekur ansi langan tíma að fara með lestinni alla leið frá JFK og til Philly.

Íbúðin var bara í fínu lagi og pósthólfið var ekki yfirfullt en nú er ég að klára að
fara yfir póstinn og borga það sem þarf að borga.

Ég er ekki kominn með atvinnuleyfið í hendurnar ennþá en nú er bara málið að fara að leita sér að vinnu á netinu og sjá hvað er í boði.

Jólafríið á Íslandi var alveg frábært og gaman að hitta alla, fá góðan íslenskan mat og njóta veðurblíðunnar! Því miður náðum við ekki að hitta alla sem við vildum en það er bara eins og það er...

Svo verður gaman að fá Bryndísi og Hauk í heimsókn um næstu helgi.

En nóg í bili

Ciao

Hlynur og Erna Sif

Atvinnuleyfi í höfn!

2007-12-18T13:24:00.000-05:00

Góðir hálsar og aðrir líkamspartar!

Við erum semsagt komin til landsins eins og flestir vita.
Ferðin gekk áfallalaust fyrir sig og við sluppum við alla hlekki á JFK annað en
sumir íslendingar.
En aðalgleðifréttirnar eru þær að ég var að fá email um að atvinnuleyfið mitt væri samþykkt!
Þetta er mikill áfangi í hinu mikla skrifræði sem ríkir þarna úti.
Nú er bara að leita að vinnu...

Erum í jólafíling og mikið að gera enda ætlunin að reyna að hitta ykkur öll á næstu dögum.
Erum með íslensku símanúmerin og gistum uppi í Mosó hjá Krissu mömmu/tengdó!

Sjáumst

Kveðja

Hlynur og Erna Sif

Óveður

2007-12-14T10:37:00.000-05:00

Hæ
Við sem vorum komin í fluggírinn í morgun þegar við vöknuðum...en nú virðist vera búið að fresta fluginu okkar heim. Vitum ekkert ennþá en það eiga að koma upplýsingar fljótlega.
Erna fór í vinnuna með ferðatöskuna og alles í morgun og ég er að ganga frá hérna í íbúðinni.
Ætluðum svo að taka lest til New York um eitt en vitum ekki ennþá hvort við eigum að fara strax eða bíða hérna.
Látum vita af okkur og vonandi komumst við heim sem fyrst.

Kveðja

Hlynur og Erna Sif

Á heimleið

2007-12-13T10:44:00.000-05:00

Hæ allir saman.

Nú styttist í að við komum heim. Töskurnar eru komnar á rúmið og pökkun hafin.
Vonandi er nóg fyrir okkur að taka bara sitthvora töskuna en lestarferðalagið á morgun til JFK flugvallar verður án efa mjög skemmtilegt... Lendum svo snemma á laugardagsmorgun á Íslandinu góða.

Hér er búið að vera fínasta veður en í dag er rigning og kuldi, held ég bara kaldara en á Ísland, svei mér þá!
Það kom jólasnjór hérna í tvo daga eða svo og svo hefur ekki sést meira af honum. Það verður áhugavert að sjá hversu mikill veturinn verður þegar við komum til baka í janúar.
Það er nú ekki mikið búið að vera í gangi hjá okkur nema jólastúss. Síðustu helgi fórum við í risamallið og náðum ekki einu sinni að klára að skoða það og á sunnudeginum fórum við hérna niðrí bæ og versluðum eitthvað. Hittum svo Rainu og Dursjan í brunch. Þetta er semsagt fólk sem við erum búin að kynnast í gegnum Bo, vinkonu hennar Jóhönnu, sem býr í NY.

Okkur finnst jólastemningin hérna ekkert vera svo mikil, en á ákveðnum stöðum er skreytt mikið en við höfum því miður ekki haft tækifæri að fara í úthverfin og skoða skreytingarnar þar. Jólahúsið í Ártúnsholti verður bara að vera nóg fyrir okkur þegar við komum heim.
Í vikunni skráðum við okkur í samtök sem heita Phillycarshare, www.phillycarshare.org. Þetta gerir okkur kleift að leigja bíla á vægu verði þegar við þurfum á því að halda hér í borginni. Þeir eru m.a. með blæjubjöllu sem er uppáhaldsbíllinn hennar Ernu!

Það sem er framundan eru svo jól á Íslandi, veiveivei og svo komum við aftur hérna 7.jan. Þá ætti ég að vera kominn með atvinnuleyfi og þá tekur við leit að vinnu og annað sem við kemur því eins og að sækja um social security number!
Erum svo búin að kaupa miða á amerískan fótboltaleik á risaleikvangi borgarinnar 9.jan og svo koma Bryndís og Haukur í heimsókn helgina 12.jan held ég. Þeim hlotnast sá heiður að heimsækja okkur fyrst allra!!!

En það verður gaman að hitta ykkur öll mjög fljótlega...

Kveðja

Hlynur og Erna Sif

Smá kindakvörtunarblogg

2007-12-10T15:43:00.000-05:00

Jæja löngu kominn tími á blogg frá kindinni...

Erum notabene að koma heim eftir örfáa daga, bara 5 dagar í okkur Erum voðaspennt að koma heim og hitta ykkur öllsömul...

Vildi segja ykkur frá síðustu vikum hérna í lífi frú Ernu:

Við hjónin fórum semsé til New York um Thanksgiving helgina, sem var alveg frábær ferð eins og Hlynur var búinn að skrifa um. Því miður endaði helgin samt á því að minns var kominn með flensu.
Var semsé heima í mikilli gleði mánudag og þriðjudag með hausinn fullan af hor og tilheyrandi skemmtilegumheitum. En á miðvikudaginn var friðurinn úti, var svosem orðin aðeins betri en kannski ekki beint til í að eyða 15 tímum í flug og tilheyrandi til að fara á ráðstefnu í Þýskalandi...

Fór snemma út á völl til að fá almennilegt sæti í vélinni, þ.e. við neyðarútgang svo maður geti aðeins teygt úr fótunum, ekki best í heimi að vera hávaxinn þegar maður þarf að fljúga! Allavegna, gaurinn sem var að tékka mig inn var voða ljúfur og sagðist láta mig fá neyðarútgang. Svo þegar ég kem inn í flugvélina þá er ég bara alls ekki með neinn neyðarútgang heldur sit við ganginn í því allra minnsta plássi sem ég hef setið í flugvél. Með hnéin boruð inn í sætið fyrir framan.
EKKI BÓKA LUFTHANSA!!!

Svo minns er nett pirraður (vægast sagt) og til að bæta ofan á þetta þá sit ég við hliðina á úkraínskum sjómanni í mikilli yfirvigt. Hallaði semsagt út á ganginn svo flugfreyjurnar voru í því að rekast í mig því úkraínski sjómaðurinn ekki bara tók allan sameiginlega arminn okkar heldur líka svona hálft sætið mitt. Svo talaði greyið maðurinn óskiljanlega ensku og var samt alltaf að reyna að halda uppi samræðum við hinu veiku, nett pirruðu mig.

Svona til að halda áfram með hryllingssöguna (já þig megið vorkenna mér takk:) þá var þetta flug 8 tímar og var til ca 2 um nóttina á US tíma. Svo átti að vera 2 tíma bið eftir klst innanlandsflugi innan Þýskalands sem var auðvitað seint. Semsé 3 tíma bið og 1klst flug. Loksins klst lestarferð til að komast á hótelið. Minns lagði semsé af stað að heiman um kl 2 um daginn og var komin á hótelið um 7 næsta morgun algjörlega svefnlaus.
Og þið sem þekkið mig vel vitið hvað svefn er mér mikilvægur...

Allavegna, gerði mér ekki grein fyrir því hvað ameríku-evrópuflug geta verið skemmtileg fyrir þessa mjög svo hressandi reynslu. Passaði mjög vel að ég og Hlynur finndum beint flug til Edinborgar í mars þegar förum í brúðkaup Beggu og Chris. Ætla ekki að lenda í þessarri gleði aftur...

Annars búið að vera nett brjálað að gera í vinnunni, mikið fjör og allt í gangi en svoldið stressandi á sama tíma. Svo voru allar jólagjafirnar keyptar um helgina í maraþon sessioni í King of Prussia. Eyddum 6 tímum í mollinu en náðum samt bara að rölta um circa helming. Mollið er tvískipt og ég hef aldrei farið í hinn helminginn, reyni að byrja þar næst!!!

En við sjáumst mjög svo bráðlega
Knús og kossar
Erna Sif (og Hlynur auðvitað)

Veturinn er kominn

2007-12-06T15:32:00.000-05:00

Jæja þá er veturinn kominn í Philly.
Það snjóaði hérna í fyrsta skipti í gær og svo kom aðeins meira í morgun. Þetta er nú bara smá föl og veðrið er búið að vera það gott í dag að snjórinn hefur að mestu bráðnað aftur.
Ég endurheimti Ernuna mína aftur eftir Þýskalandsdvöl í byrjun vikunnar og var það mikið gott. Ef hún hefði verið eitthvað mikið lengur þá hefði ég örugglega orðið veikur á öllum þessum skyndibita... Það er svo hrikalega ódýrt að fá sér nart hérna miðað við heima að það er varla fyndið!
Nú styttist í heimferð hjá okkur og erum við að verða ansi spennt. Þetta verður nú ansi strangt ferðalag því við fljúgum frá NY og þurfum fyrst að koma okkur þangað en hvað gerir maður ekki fyrir íslensk jól.
Komum heim 15.des og verðum alveg til 7.jan! Jibbý!!!
Ásdís systir sendi mér ansi skemmtilegan link og er þetta eitt besta jóladagatal sem ég hef séð. Bíð alltaf spenntur eftir nýjum degi eins og krakkar að opna súkkulaðidagatal. Mæli með þessu:

http://jonolafur.is/dagatal.html

Var að setja inn myndir frá svæðinu hérna í kring og svo nýju íbúðinni, loksins. Endilega að kíkja á það.

Bless í bili

Hlynski Karamba

Home alone!

2007-11-29T11:12:00.000-05:00

Hæ
Það er nú ekki mikið að frétta héðan í augnablikinu. Erna fór til Þýskalands í gær á ráðstefnu og ég fór með henni út á flugvöll. Lestarstöðin er rétt hjá okkur og svo var bara 15 mín ferð á flugvöllinn. Ég er alveg á því að Íslendingar ættu að gera hraðlest milli Keflavíkur og Reykjavíkur og hafa alla flugstarfsemi þar...
Við erum bæði búin að vera með leiðindakvef alla vikuna og vonandi fer maður að lagast af því. Fórum í apótek í gær og það var heil hillusamstæða full af lyfjum og dóti fyrir cold og flu. Það var bara of erfitt að velja en fengum á endanum einhverja lozenge sem eiga að vera góðir fyrir hálsinn. Annars er svakalegt hvað lyf eru auglýst mikið hérna.
Svo er læknaþjónusta líka mikið auglýst og barist um að fá sjúklinga til sín. Þetta finnst íslendingnum skrítið og vonandi fer Gulli ekki að gera einhverja vitleysu..... WOOOO bara orðið pólitískt.....best að hætta því eins og skot!

Ég er bara í chillinu hérna, ætla að fara í dag og kíkja á risakringlu sem er hérna fyrir utan borgina. Kannski ég kaupi einhverjar jólagjafir...

Bæjó

Hlynur

Back to Philly

2007-11-25T22:34:00.000-05:00

Hæ
Þá erum við komin aftur til Philly eftir frábæra ferð til stórborgarinnar New York.
Það gekk bara fínt að komast á milli en það var ansi mikið af fólki að ferðast yfir þessa helgi.

Fengum að gista í frábærri íbúð hjá Thelmu og útsýnið var ekki af verri endanum, Frelsisstyttan blasti við út um gluggann!
Svo eyddum við dögunum í að baða okkur í stórborgarbrjálæði og sáum margt og mikið en samt ekki nærri því allt sem við vildum. Gengum yfir Brooklyn Bridge, fórum í Central Park, fórum í rútuferð um Harlem, fórum í brjálæðið á Times Squire, sáum útsýnið frá Empire State, röltum um Soho, hittum Snorra líffræðing í kaffi, sáum FM Belfast á tónleikum, djömmuðum með Thelmu, borðuðum Sushi, hammara, new york pulsu (vond!), hittum Bo í brunch, gengum um Battery Park, borðuðum í Chinatown, versluðum í brjálæðinu á Black Friday......og endalaust meira!

Komumst því miður ekki á Broadway sýningu vegna verkfalls handritshöfunda en New York fær örugglega að sjá okkur aftur meðan við dveljum hérna og þá vonandi komumst við á Lion King sýninguna á Broadway.

Erna fer til Deautchland á miðvikudaginn á ráðstefnu og ég verð í stuðinu hérna í Philly á meðan.

Kveðja

Hlynur og Erna Sif

Nýtt heimilisfang

2007-11-21T11:37:00.000-05:00

Vildi bara setja inn nýja heimilisfangið okkar!

3500 Powelton Ave
Apt # C409
Philadelphia PA 19104
USA

Fáum svo heimasíma á þriðjudaginn, veiveivei.
Set inn númerið eftir helgi.
Svo allir kaupa sér atlasfrelsi eða heimsfrelsi ef þið viljið bjalla í okkur!!!
Getið þá talað við okkur í heilar 310 mín (atlas) eða 270 mín (heims) fyrir auman 1000kall...

Knús
Erna og Hlynur

Stoltir Íslendingar!!!

2007-11-20T22:29:00.000-05:00

Komumst að því fyrir tilviljun að það ætti að sýna "Heima" heimildar/tónlistarmynd með Sigurrós hérna í International House sem er rétt hjá okkur. Vorum að koma heim af sýningunni og erum alveg dolfallin! Þetta var algjörlega frábær mynd. Við ætluðum að vera ansi tímanlega í því og mættum 20 mín í sýningu og vissum ekkert hvernig salur þetta væri. Svo þegar á hólminn var komið var allt gjörsamlega pakkað í ansi stórum bíósal. Við náðum að redda okkur sætum í sitthvoru lagi meðan salurinn fylltist algjörlega. Fólk sat út um allt m.a. á gólfinu fyrir framan tjaldið. Áður en myndin byrjaði þá sagði sýningarstjórinn að hann hefði aldrei séð svona marga inní þessum sal. Ef ég ætti að giska þá voru 300-400 manns þarna.
Svo byrjaði myndin og maður var eitthvað svo stoltur af því að vera frá skerinu. Hef bara aldrei áttað mig almennilega á því hvað Sigurrós er orðin þekkt hljómsveit um allan heim.

Já það var gaman að reyna að setja sig í spor fólksins sem var í kringum mann og reyna að skilja þetta land, þessa tónlist, litlu þorpin, lopapeysurnar, jöklana, skrítnu enskuna sem hljómsveitin talar og marg fleira....
En á endanum var maður bara hálf dáleiddur af því hvað landið okkar er sérstakt!

Þegar myndin var búin þá var mikið klappað og ég hlustaði eftir því hvað fólk var að segja í kringum mig. Heyrði t.d. eina stelpu segja eitthvað á þessa leið: I never say this about movies but this movies was soooo beautiful!

Held að þessi mynd hafi farið vel í alla sem á horfðu og hafi líka verið eins góð landkynning eins og hægt er að hugsa sér.

Svo var frábært að sjá aðeins í pabba í Kvæðamannakórnum og svo Beggu og Hlyn á tónleikunum í Minni borg!

Á morgun förum við svo til New York. Vonandi komumst við í öllum ferðamannastraumnum sem er yfir Thanksgiving helgina.

Bestu kveðjur til eldgömlu ísafoldar

Hlynur og Erna Sif

Nýja íbúðin!

2007-11-18T19:38:00.000-05:00

Jæja þá erum við komin í nýju íbúðina.

Flutningurinn gekk bara vel en tók þó meirihlutann af deginum. Sem betur fer þá fluttum við milli hæða í sömu byggingunni og ég þurfti að fara ansi oft með lyftunni upp og niður. Ætlaði svo að bíða með stóru hlutina þangað til Erna kæmi heim úr vinnunni en fékk á endanum hann Tasso vin okkar til að hjálpa mér að bera stóru hlutina upp Ernu til mikillar gleði. Tasso er semsagt grískur strákur sem býr hérna í byggingunni og hann var bara ánægður að hjálpa "fellow european"!

Nýja íbúðin er bara frábær. Hún er miklu bjartari og er á fjórðu hæð með fínu útsýni. Svo er fínt aukaherbergi og svefnherbergið er rosa stórt.

Erum búin að vera róleg um helgina. Fórum á risasafn í dag sem var eiginlega svona alhliðafræðslu og vísindasafn. Gengum í gegnum risahjarta, fórum í IMAX bíó og sáum mynd um forsöguleg sjávardýr, fórum í Planetarium og lærðum aðeins meira um stjörnuhimininn. Held að við verðum að fara aftur með þær systur Ólöfu Svölu og Sunnu Kristínu þegar þær koma í heimsókn! Algjör krakkaparadís...

Svo er það bara New York næstu helgi og svo skilur Erna mig aleinan eftir hérna helgina eftir það þegar hún skreppur á ráðstefnu í Þýskalandi...

Bestu kveðjur

Hlynur og Erna

Flutningsdagurinn mikli

2007-11-15T10:23:00.000-05:00

Hæ allir

Flutningsdagur í dag:) Fórum í morgun og kíktum á íbúðina og hún er ótrúlegt en satt bara stærri en okkur minnti! Fínt að byrja á stúdíóinu og vinna sig upp, þá er maður alltaf voðaglaður þar sem maður er...

Allavegna vildi bara segja ykkur að Hlynur setti inn "Best of Japan" myndir í gær ef þið viljið kíkja... Ásdís var nú svo glögg að taka eftir þessu strax!

Knús Erna og Hlynur

Kindablogg

2007-11-13T22:06:00.000-05:00

Smá blogg frá kindinni loksins!

Höfum það mjög gott hérna í Philly, tókum því rólega um helgina til tilbreytingar.
Vorum voðamenningarleg og heilsuhraust á föstudaginn þegar við röltum í listasafnið (30 mín ganga) og hlustuðum á jazztónleika og skoðuðum aðeins safnið. Þurfum samt að fara aftur því safnið er risastórt og við náðum bara að skoða smá brot áður en lokaði. En tónleikarnir voru skemmtilegir...

Svo hætti ég mér til bandarískrar hárgreiðslukonu á laugardaginn, var skíthrædd um að koma út appelsínugulhærð eftir slæma reynslu af áströlskum klippurum en circa 4 tímum seinna var ég bara nokkuð sátt. Ok svoldið lengi að þessu en gerði þetta bara nokkuð vel. Jafnast auðvitað ekkert á við Ísland og frú Ágústu sem hefur klippt hárið mitt í 10 ár eða svo en allavegna...

Svo fórum við í búðarrölt á sunnudeginum og versluðum vetrarjakka og húfu á Hlyn því það er orðið ansi kalt hérna, sérstaklega á morgnana. Hefur ekki farið niður fyrir frostmark ennþá en á víst að vera kaldara um helgina. Veðrið hérna er nú samt furðu þægilegt. Þó það sé kalt þá vantar yndislegu úrkomuna (það er rigning, slydda, snjór, él etc) og hið sískemmtilega rok sem einkennir klakann góða. Því er bara fínt að klæða sig vel og arka af stað.

Er annars orðinn algjör ameríkani. Arka í vinnuna á hverjum degi og stoppa alltaf við á kaffistaðnum "okkar" og fæ mér take-away kaffi sem ég drekk í vinnunni. Stelpan sem afgreiðir á morgnanna er orðin ansi vinaleg við bæði mig og Hlyn sem er svo góður að rölta stundum með mér á morgnana.
Svo er Starbucks hérna algjör snilld, ekki bara kaffið heldur Strawberry and Cream Frappucino, segi ekki meir en að þetta er himnesk uppfinning.
Ef þið komið í heimsókn, skal ég splæsa svona á ykkur...

Svo er flutningadagur á fimmtudaginn, Hlynur fær semsé að eyða deginum í að flytja allt draslið okkar upp um 2 hæðir (það er lyfta sem betur fer) og ég hjálpa honum eftir vinnu.
Verður gott að vera komin í íbúðina sem við verðum í út árið hérna, meira skápapláss, fleiri gluggar, með einu svefnherbergi (ekki studíó eins og núna) og svo aðaltouchið lítið aukaherbergi sem gestir geta gist í!
Önnur gleði við að flytja verður að þá getum við loksins fengið okkur heimasíma. Prófuðum skype headset og hringdum þannig heim en minns vill bara alvöru síma sem hægt er að hringja í og úr án skruðs! Setjum heimasímann á síðuna þegar hann er kominn inn!

Erum svo mjög spennt fyrir Thanksgiving helginni sem er eftir eina og hálfa viku. Þá er 4 daga frí í vinnunni og við ætlum upp til New York:)
Ætlum að heilsa upp á Thelmu vinkonu sem býr þar og svo auðvitað öll major attractionin; Frelsisstytta, Empire State Building, Times Square, Soho etc og svo auðvitað versla.... Föstudagurinn eftir Thanksgiving Day er kallaður Black Friday hérna og þýðir basically að allar búðir hafa crazy afslætti og allir verða bilaðir. Veit ekki hvort maður endi bara á að standa og horfa á geðveikina eða hendi sér út í þetta, kemur í ljós...

En nóg í bili, takk fyrir öll kommentin, gaman að vita að þið eruð að fylgjast með:)

Tíminn flýgur...

2007-11-09T10:32:00.000-05:00

Hi yous all!

Vikan líður ótrúlega hratt hérna.
Skrítið þegar maður er bara í chillinu...
Við erum loksins komin með PennID og erum búin að skrá okkur í líkamsrækt hérna rétt hjá sem er bara fyrir háskólann. Þetta er risastórt hús á 4 hæðum með 50m innilaug og öllum pakkanum. Nú er bara að massa sig upp...

Ætlum að vera heima um helgina, ótúlegt en satt. Það er margt hægt að gera hérna í borginni og vorum að pæla í listasafni eða einhverju svoleiðis.

Setti inn nokkrar myndir á flickr ef þið hafið ekki séð þær ennþá.

Er svo búinn að setja upp Skype þannig að við getum hringt heim. Keypti headset í gær og hringdi aðeins heim en eftir 5 mín af samtali við Þorra og Unu Björk þá alltí einu hætti hljóðneminn að virka... Fer á eftir og reyni að skipta þessu drasli.

Endilega allir að fá sér Skype og láta okkur vita hverjir eru með notendanöfn. Okkar er hlynurogerna.

nóg í bili

Ciao

Hlynur

Ferðalangarnir

2007-11-05T16:36:00.000-05:00

Hæ
Komum úr road trip í gær. Í Hershey fórum við í súkkulaðiverksmiðjuna og urðum alveg eins og krakkar á ný. Mikið gert úr þessu og var eiginlega bara stórt show með syngjandi beljum, færiböndum með Hershey kossum og alls konar öðru súkkulaði. Smökkuðum náttúrulega súkkulaðið og það er bara ekki eins gott og íslenska súkkulaðið. Ég tapaði mér nú samt og keypti fullan poka af nammi en Ernu fannst þetta bara ekki einusinni gott og þá er nú eitthvað skrítið í gangi...
Hittum svo Þórarinn um kvöldið og smökkuðum svoldið á bjórnum. Við erum komin með local tegund sem okkur finnst mjög góð, Yuengling lager, tjékkaðu á þessum Árni...

Hershey er pínulítill bær og allt snýst í kringum verksmiðjuna. Göturnar heita Chocolate Avenue og Cocoa Avenue og þegar maður gengur um þá er súkkulaðiilmur um allt. Annars hefur fyrirtækið byggt upp þennan bæ og gefið ótrúlega af sér. Nánast allt sem er þarna hvort sem er hótel, veitingastaðir, golfvellir, skemmtigarðar, grasagarðar ofl. fyrirtækið á þetta allt saman. Svo áttu þeir víst of mikið af peningum í einhverjum góðgerðarsjóði þannig að þeir byggðu bara eitt stykki háskólasjúkrahús en Erna var á ráðstefnu þar á föstudaginn.

Veðrið var mjög gott en svoldið svalt. Ég fór í golf og skemmti mér bara konunglega. Fór hringinn á ansi mörgum yfir pari en náði að setja þrjár holur á pari og það hefur aldrei gerst áður.

Á laugardaginn fórum við svo til Hawk Mountain og gengum þar í nokkra klukkutíma. Sáum spætu í skóginum en það var ótrúlega gaman að stoppa og hlusta á hljóðið þegar hún goggar í tréð.
Komum að lokum á aðalfuglaskoðunarstaðinn og vorum þar ásamt tugum annarra að góna upp í loftið og bíða eftir því að sjá ránfugla. Enduðum á því að sjá um 10-15 fugla aðallega Turkey Vulture. Sáum svo Red Tailed Hawk og Uglu eftir á en það voru dýr sem eru særð og hafa það bara gott þarna í Hawk Mountain. Held að pabbi myndi fíla sig vel þarna að skoða fuglana en væri örugglega betra að fara á virkum degi svo maður sæi eitthvað annað en fólk.
Við sáum líka tvo mjög stóra fugla en þeir komu fljúgandi yfir okkur með miklum látum og hræddu alla hina fuglana í burtu. Ég er að tala um tvær orustuflugvélar sem flugu mjög nálægt okkur. Þarf að setja inn myndir frá því á morgun.

Í gær var ég svo kominn með kvef þannig að við héldum heim á leið með smá rúnti um austurhluta fylkisins. Við erum orðin ansi vön því að keyra hérna um og í kringum borgina en svo ef maður horfir á kortið þá erum við aðeins búin að sjá kannski einn þriðja af fylkinu.

Næst langar okkur svoldið að fara annað hvort til New York eða Washington DC. Spurning hvenær við komumst í það...

Ciao í bili

Kveðja

Hlynur og Erna

Já alveg rétt
Heimilisfangið okkar er
Apt. C212 3500 Powelton Ave
Philadelphia PA 19104
USA

bara ef þið viljið kíkja í heimsókn

Svo eru símarnir
Hlynur: 267-694-9867
Erna: 267-393-0729
Erna Vinna: 215-746-4817

Fáum svo vonandi heimasíma fljótlega þannig að við getum heyrt aðeins í ykkur

Hershey Súkkulaði! Here we come!!!

2007-10-31T11:08:00.000-04:00

Hæ allir saman
Í gær var mikið í gangi hérna í nágrenni við okkur. Demókratar voru með rökræður í Drexel Háskóla sem er lítill háskóli hérna rétt hjá okkur. Allan daginn voru þyrlur í loftinu og þvílík öryggisgæsla út um allt. Sáum m.a. nokkra secret service gutta hjá Sheraton hótelinu sem við göngum framhjá á leiðinni heim frá campus.

Reyndum svo að horfa aðeins á rökræðurnar í sjónvarpinu og koma okkur inn í þetta og var bara áhugavert. Þarna voru 7 demókratar m.a. Hillary, Obama og Edwards en þau eiga víst að vera líklegust að fara í forsetaframboð.
Annars sáum við ansi skemmtilega búð hérna á campus sem er með "Hate Bush" section. Þar voru allskonar límmiðar, borðar, bækur, spil og margt fleira með misfallegum skilaboðum til Bush. Er greinilega ekki mjög vinsæll hérna...

Á morgun förum við í smá ferðalag. Erna er að fara á ráðstefnu í Hershey (já SÚKKULAÐI)á föstudaginn og eftir það ætlum við að fara í Hawk Mountain Sanctuary og vera þar um helgina. Þar ætlum við í göngur og vonandi sjáum við eitthvað af ránfuglum.
Kíkjið á www.hawkmountain.org (aðallega fyrir pabba...)
Haustið á að vera komið hérna og við erum búin að kveikja á hitaranum. Á morgnana er svoldið kalt um 5°C en yfir daginn hefur sólin skinið og hitinn verið fínn.

Um síðustu helgi fórum við í mjög fallegan trjágarð, Morris Arboretum, sem er svoldið fyrir utan borgina. Veðrið var gott og mjög fallegur garður.

Á föstudagskvöldið fórum við út að borða og á djammið með skemmtilegu fólki. Fórum á asni flottan stað og fengum okkur túnfisksteik og nautasteik og þetta kostaði örugglega helminginn af því sem það hefði kostað heima....
Eftir mat fórum við á djammið sem var svo sem ekki mikið öðruvísi en annars staðar en það var fyndið að sjá fólk í allskonar grímubúningum vegna hrekkjavöku.

Á morgun er það bara heimsókn í súkkulaðiverksmiðju Hershey...
Spurning hvort hún standist Nóa&Siríus...

Bæ í bili

Hlynur og Erna Sif

Daglegt líf í Powelton Village

2007-10-26T14:28:00.000-04:00

Hæ!
Jæja nú er aðeins farið að kólna hérna í Philly. Það er víst búið að vera hitamet hérna í október og við höfum notað loftkælinguna svoldið síðan við komum hingað. Hitinn hefur verið um 20-30°C síðan við komum en í gær var hitinn held ég um 12°C sem var svipað og heima. Það er líka búið að rigna svoldið en ekkert mál að ganga um með regnhlíf hérna annað en heima í rokinu.

Við erum rosa ánægð með staðinn sem við búum á. Kerfið sem hitar/kælir íbúðina virðist líka vera mjög gott en það á eftir að reyna á það þegar fer að kólna hérna.

Svo er fínn líkamsræktarsalur niðri sem við notum, veit nú ekki hvort maður verði einhver Magnús Ver en maður heldur sér allaveganna í formi.

Ég er búinn að lenda í því nokkrum sinnum hérna að fólk heldur að ég sé 19 ára!!!
Okay ég veit að það er betra að vera unglegur heldur en hrukkóttur en 19....
Ég vissi ekki að ég væri svona mikið babyface!
Yfirleitt hefur fólk annað hvort séð giftingarhringinn minn og spurt mig hvað ég sé gamall eða að ég hef verið að segja þeim frá Ernu, konunni minni og þá taka allir andköf, :You are married!!!!

En hvað um það bara gaman að geta logið því að maður sé 19!!!

Hef nú ekki lent í því enn að vera spurður um skilríki þegar ég kaupi áfengi hérna en vorum á local pöbbnum síðustu helgi og þá var einni konu ekki hleypt inn út af því að vörðurinn treysti ekki skilríkinu hennar. Þeir eru semsagt frekar strangir á 21 árs aldurstakmarkinu.

Svo er eitt skrítið hérna í Pennsylvania fylki. Hér verður maður að fara í ríkisreknar áfengisbúðir til þess að kaupa léttvín og sterkt áfengi og þær eru ekki mjög margar. Fór og keypti eina Yellow tail (auðvitað South Australia) um daginn og það skrítna við þessa búð var að hún var pínulítil og bara hægt að kaupa léttvín, líkjöra og sterkt vín en engan bjór. Ég spurði svo vörðinn hérna niðri um hvar ég gæti eiginlega fengið bjór hérna og svarið var að labba 20 m neðar í götuna og kaupa á veitingastað yfir borðið. Á eftir að skoða það betur...

Annars líst mér vel á að geta keypt Euroshopper bjór eða krónubjór þegar við komum heim aftur og kannski rauðvín frá Penfolds í Bónus (er nú ekki búinn að fylgjast mikið með en er þetta farið í gegn eða ekki?).

Í kvöld erum við að fara út að borða með fólki sem við erum að komast í kynni við hérna í gegnum vinkonu hennar Jóhönnu. Verður gott að eignast smá félagslíf hérna og fara og kíkja á næturlífið.

Setti í gær inn nokkrar myndir frá Egyptalandi, endilega að kíkja á þær.
Svo koma á næstunni myndir frá Ástralíu og Japan. Svo reynum við að vera dugleg að setja myndir héðan.

Takk fyrir að fylgjast svona vel með og commenta

Skrifumst...

Kveðja

Hlynur og Erna Sif

Flatskjárinn!!!

2007-10-23T20:27:00.000-04:00

Hæ
Auðvitað keyptum við flatskjá!!! 32" á klink!!!
Svo kom cable guy og var frekar sorry yfir því að við værum í gömlu húsi þannig að við fengjum bara basic cable. Ég komst svo að því að það væru aðeins 63 stöðvar en eftir áramót verður tengingunni breytt í digital og þá getum við fengið endalaust af stöðvum!
Held samt bara að basic cable sé nóg fyrir okkur.
Síðasta helgi fór í að klára að koma okkur fyrir hérna. Fórum í matvörubúðina og keyptum allt í matinn og keyptum líka þetta fína sjónvarp.

Á sunnudaginn fórum við í gönguferð með gönguklúbb sem er starfræktur hérna í Philly. Vorum náttúrulega langyngst en þetta var mjög skemmtileg ganga og ótrúlegir haustlitir þar sem við vorum að ganga. Þetta var 18 km ganga og tók allan daginn. Við höfðum ekki undan að segja fólki frá Íslandi og fengum mikið af góðum ráðum um göngur og fleira í nágrenni við borgina. Fólkið var ótrúlega vinarlegt og hresst.
Fórum líka í Valley Forge um helgina en það er staður sem George Washington hershöðingi hafði vetrardvöl með The continental army. Ameríkanarnir eru mjög hrifnir af sögunni sinni og var gaman að sjá eitthvað af henni.

Skiluðum loksins bílnum sem við erum búin að hafa á leigu síðan við komum hingað. Er búið að vera frábært að hafa bíl til þess að skoða íbúðir og versla húsgögn og fleiri nauðsynjar en við vorum alveg að verða vitlaus á að finna bílastæði í kringum nýja staðinn. Og traffíkin hérna getur verið svakaleg. Gerði þau mistök einu sinni að vera á ferðinni á föstudagseftirmiðdegi og var fastur þar í hálftíma.
Fórum líka 2 mílur á hraðbraut um helgina á klukkutíma áður en hnúturinn leystist.

Ætlum að skrá okkur í samtök hérna í Philly þar sem við getum leigt bíla fyrir lítinn pening þegar við þurfum. Ef við myndum kaupa okkur bíl þá yrði það allt of dýrt vegna trygginga og bílastæða. Annars er bensínið hérna grátlega ódýrt, gallonið (3,7 l) kostar tæpa 3 dollara!!!

Annars líður okkur mjög vel hérna í University City. Erna gengur í vinnuna og ég er byrjaður í gymminu. Annars er bara að bíða eftir umsókninni minni og vona það besta.

Setti inn nokkrar myndir frá helginni á flickr síðuna okkar, endilega skoða.

Ciao

Hlynur og Erna Sif

Nokkrar myndir komnar inn

2007-10-19T22:51:00.000-04:00

Sæl öllsömul

Erum búin að vera heilar tvær vikur hérna í Philly núna. Og eins og svo oft áður líður tíminn bæði hratt og hægt. Mér finnst óendanlega langt síðan við vorum heima á Íslandi og hálf öld síðan ég varði þessa blessuðu mastersritgerð. Samt trúi ég varla að við séum búin að vera hérna heilar tveir vikur, finnst við líka bara nýkomin...
En nóg af heimspekilegum vangaveltum frá kindinni

Settum inn nokkrar myndir af nýju, fínu IKEA íbúðinni okkar og umhverfinu hérna í Philly. Ættum að bjóða IKEA að taka myndir hérna og fá fólk í svona real life IKEA tour. Held að eina sem er hérna inni sem er ekki frá IKEA er ristavélin sem keyptum á þvílíkum kostakjörum á 300kr! (Vona að hún virki)

Tökum fleiri myndir á næstu dögum og setjum inn!

Fórum í enn einn verslunarleiðangurinn áðan. Farin að rata blindandi um IKEA eftir allar þessar ferðir! En þetta var nú vonandi síðasta ferðin áðan, held að við séum bara komin með allt sem okkur vantar og vantar ekki...

En það sem olli ferðinni áðan var vöntun okkar á eitt stykki kassa sem mikið er glápt á á flestum heimulum. Annar fjölskyldumeðlimurinn (algjör óþarfi að nefna nein nöfn hérna) fannst það hrein og ber nauðsyn að slíkur gripur yrði af miklum háklassa og neitaði að skoða nokkuð en ný og fín svokölluð flöt sjónvörp. Slíkur gripur færi þá bara með heim eftir árið (þarf víst bara straumbreyti og búið).
Hinn fjölskyldumeðlimurinn reyndi að tala fyrir hönd stærri og fyrirferðameiri eldri sjónvarpa. Kaupa bara eitt stykki notað gamalt sjónvarp á klink og láta duga í ár og selja bara áður en komum heim aftur...
.... enduðum semsé á að kaupa hið glæsilegasta, hvað haldiði flatskjá eða kassa???

Er annars rosagaman í vinnunni, er komin á fullt að vinna í hinum ýmsu verkefnum. Allt mjög spennandi, gott samstarfsfólk (þó auðvitað ekki eins og snillarnir uppi á Landsa) og vel tekið á móti manni!

Svo ætlum við Hlynur að byrja í ræktinni í næstu viku, er loksins að detta inn í kerfið hérna (tekur allt óendanlega langan tíma og svona sjöþúsund form þar sem skrifa sama hlutinn aftur og aftur og aftur). Fæ þá svokallað PennID og getum þá sótt um að byrja í ræktinni sem háskólinn rekur. Risagym á 5 hæðum, fullt af tækjum og tímum og 50 metra innisundlaug. Er í 10 mínútna göngufjarlægð að heiman.
Algjör snilld!

Nota bene, Andrea og Una Björk. Það er donkin donuts út um allt hérna og auglýsingarnar í útvarpinu heyrast á hverjum klukkutíma "America runs on Donkin Donuts". Ég get svarið það að þetta virðist bara nokkuð rétt, allir með kaffi frá þeim alls staðar. Höfum sjálf bara fengið okkur einu sinni DD og eftir að prófa svona sem sykursjokk í morgunmat...
Hef hins vegar ekki séð Krispy Kreme en munum kíkja eftir því!

Mesta snilldin er svo auðvitað að fá að hitta ykkur öll um jólin. Verðum heima alveg frá 14.des til 7.jan svo höfum góðan tíma til að hitta alla og jafnvel vera með í laufabrauðsgerð, trjáskreytingum, smákökugerð og alles:)
Flugin voru orðin nett dýr ef maður ætlaði að stoppa styttra svo ég samdi við yfirmennina mína um að vinna bara frá Landsanum vikuna fyrir og eftir jól, ýmislegt hægt á gervihnattaöld. Enn og aftur algjör snilld:)

Knús og kossar frá Philly
Erna og Hlynur

Mikilvæg tilkynning til Íslands!!!

2007-10-18T21:57:00.000-04:00

Það er nú orðið ljóst og staðfestist hér með að höfundar þessarar bloggsíðu hafa nú rétt í þessu gert mikilvægan samning við stórt fyrirtæki á Íslandi um að kaupa þjónustu frá téðu fyrirtæki sem felst í því að farið er upp í stórt tæki sem er knúið af stórum þotu..................................

OK skal hætta þessu bulli......en það sem ég ætlaði að segja er:

!!!!!!!!!VIÐ KOMUM HEIM UM JÓLIN!!!!!!!!!!!!!!!!!!!!!

Já kæru landar, þið hélduð að þið mynduð losna við okkur svona auðveldlega en neeeeiiiiiiiiiiii!!! HAHAHAHHAHAHAHAHAHA
(Held að IKEA geðveikin sé að segja til sín...)

Já svona frá öðru en þessari mikilvægu tilkynningu þá erum við búin að koma okkur ansi vel hérna fyrir og líður mun betur í þessu hverfi en því sem við vorum í.
Fórum í risabúðarferð áðan og keyptum í matinn þannig að nú fer Hlynsinn að sýna listir sínar í eldhúsinu.
Erum alveg að klára allt pappírsdót og eigum bara eftir að opna bankareikning sem við gerum vonandi á morgun.
Svo ætla ég að fara í sjónvarpsleiðangur á morgun og kaupa vonandi FLATSKJÁ....
Svo er bara að panta cable tv og þá er maður í góðum málum eins og Hómer vinur minn.

Þá er bara að segja góða nótt

Kveðja

Hlynur

Erna biður að sjálfsögðu að heilsa ykkur öllum....

P.S. Vonum að við eigum ekki yfir höfði okkar málsókn vegna ótímabærs jólamatar sem við fengum á Laugabóli og á Hagamel...

Islenskt lyklabord

2007-10-16T16:33:00.001-04:00

HJALP

Veit einhver hvernig eg get sett inn islenskt lyklabord a nyju finu tolvuna mina???

Er ad verda vitlaus a ad copera islenska stafi ur odrum skjolum thegar tharf ad skrifa virduleg islensk bref... Lika audveldara ad skilja finu bloggin og msn samtolin ef minns faer ad skrifa islenska stafi...

Lofa ad skrifa alvoru blogg mjog bradlega. Allt ad gerast, faum hrugu af Ikea doti sent heim i nyju finu studioibudina i kvold. Svo hlynur verdur i thvi ad skrufa saman allan morgundaginn og svo erum vid bara flutt veivei

Erum svo tilbuin i gesti fra 15.nov thegar faum eins svefnherbergja ibudina sem er med litlu aukaherbergi fyrir gesti:) er ekki hurd a thvi en amk betra en ad crasha i stofunni...

IKEA rules!!!

2007-10-13T22:39:00.000-04:00

Jæja þá erum við komin með íbúð sem okkur líst bara vel á. Eftir nokkrar skoðanir á vægast sagt shabby stöðum og svo líka mjög dýrum stöðum þá fundum við góða íbúð og vorum reyndar mjög heppin að fá hana því hún hafði ekki verið auglýst ennþá.

Þetta er semsagt í íbúðarcomplexi með dyravörslu og gymmi (frekar lítill salur...) en besti parturinn er að þetta er mjög nálægt vinnunni hennar Ernu og svo er þetta líka í University City sem er miklu vinalegra hverfi en við erum í núna. Verðum reyndar að fara í litla stúdíóíbúð fyrstu vikurnar vegna þess að íbúðin losnar ekki fyrr en í nóvember en það er ekkert mál.

Fórum í Ikea í dag í annað skipti og versluðum bara allt heila klabbið þarna, ekkert smá skrítið að eyða deginum í Ikea og versla heila búslóð á heilu bretti allt frá ostaskera, rúmi, sófa og upptakara...
Ég er ekki að grínast en við vorum þarna inni í MARGA klukkutíma og á einum tímapunkti sagði ég við Ernu fleyg orð sem ég heyrði einu sinni útí bæ : "Ég held að ég sé að deyja inní mér....."
En eftir smá pittstopp í kaffiteríunni þá hélt leikurinn áfram og við náðum að kaupa allt að ég held.

Í gær fórum við í bíó og fundum engin almennileg, stór bíó í nágrenni við okkur og við erum í miðbænum hérna!!! Fann loksins eitt á netinu sem var með fjórum litlum sölum. Ég er að meina svona Keflavíkurlitla sali.... (sorry Óli hennar Guðrúnar...)
Bíóið hét The RITZ EAST og við sáum mynd með Gogga trúð sem heitir Michael Clayton.
Mjög góð mynd og mæli með henni.
Í þessu bíói er selt popp og kók eins og í öllum venjulegum bíóhúsum og við vorum að maula þetta í notalegheitum og ég tók eftir fínni frú sem sat við hliðina á mér og var alltaf að gjóa augunum á okkur. Svo þegar myndin var búin þá stóð hún upp og skammaði mig fyrir að borða popp, þetta væri sko THE RITZ en ekki eins og hvert annað bíó.....
Mér fannst þetta bara svo fyndið að ég brosti bara að þessu enda verið að selja popp og kók þarna. Þessi kona var semsagt eitthvað upp með sér að horfa á bíómynd at the RITZ! Snobb, hef bara aldrei skilið það...

Á morgun ætlum við að fara í dagsferð í Lancaster County og sjá hvernig Amish og mennónítar hafa það. Erum búin að vera mjög dugleg þessa fyrstu viku og erum komin með ansi góðan púls á borginni og það verður gaman að sjá eitthvað annað en borgarlífið hérna.

Ætli þetta sé ekki nóg blaður í bili...

Hlynur og Erna

Fyrstu dagarnir i Philly

2007-10-10T20:49:00.000-04:00

Hæ allir

Loksins blogg fra Ameríkukindinni. Búin að vinna núna í 3 daga hérna og líst mjög vel á allt saman. Fyrsti dagurinn fór svosem aðallega í pappírsvesen og það mun taka næstu vikurnar að komast inn í kerfið hérna. En ég er komin með voðafína tölvu og aðstöðu og strax búin að fara á nokkra fundi. Þannig að boltinn er farinn að rúlla...

Svo er Hlynur búinn að vera þvílíkt duglegur, ekkert frí hjá honum þó hann sé ekki í formlegri vinnu. Er búinn að vera sveittur að redda okkur gsm símum, senda inn umsókn um vinnuleyfi, skoða íbúðir, húsgögn og endalaust fleira.
Draslsíminn minn virkaði ekki einu sinni hérna, orðinn of gamall greyið. Þannig að ef einhver reyndi að senda mér sms, þá nota bene fékk ég það ekki... Er núna kominn með nýjan fínan rauðan Nokia síma sem kostaði heila 40 dollara eða um 2400 kr!

Hlynur skoðaði eina íbúð áðan sem honum leist vel á, 1 herbergja íbúð staðsett á háskólasvæðinu, er um 1 km í vinnuna mína, bíó og súpermarkaður nálægt, fullt af veitingastöðum, Starbucks, gymmið og bara allt sem þú vilt í göngufæri.
Förum að skoða aftur á morgun saman og vonandi gengur það allt saman upp.

Vorum búin að skoða nokkrar saman og hann fleiri einn og allt var annaðhvort flott og allt of dýrt eða ömurlegt á verði sem sleppur. Svo vorum orðin pínkusvartsýn á þetta en vonandi er þessi íbúð sem hann sá áðan bara málin. Erum líka með fleiri sem eigum eftir að skoða á morgun og um helgina

Fórum svo í Ikea áðan, allt helmingi ódýrara en heima og hugsa að við verslum bara alla búslóðina þar. Amk allt nema rúm, veit ekki alveg með Ikea rúmin, á einhver svoleiðis og getur mælt með ákveðinni týpu???

Þannig að lífið í augnablikinu er svoldil steik, ef ekki að vinna, þá skoða íbúðir og húsgögn eða sofandi. Verður gott þegar erum orðin meira settluð og getum farið að njóta staðarins betur og kynnast skemmtilegu fólki og svona...

Knús frá Philly
Erna Sif og Hlynur

Philly!!!

2007-10-07T11:14:00.002-04:00

Hæ allir saman!
Erum búin að sofa eina nótt í íbúðinni sem við höfum hérna í Philly í einn mánuð. Okkur líst mjög vel á borgina svoldið stórt og mikið allt saman en spennandi og virðist vera mikið líf og mikið að gerast.

Flugið gekk vel erum orðin svo vön að þetta leið mjög hratt. Lentum í mikilli þoku í New York og sáum því miður ekki neitt af borginni. JFK er risastór flugvöllur og vegna þoku var mikil umferð m.a. 30 flugvélar að bíða eftir því að fara á loft. Svo kom að því að fara í gegnum immigration, biðum í röð í ca. hálftíma og þegar kom að okkur gekk allt hratt og ótrúlega vel, engar spurningar og allt voða easy going.
Gistum svo á Comfort Inn rétt hjá flugvellinum. Fengum complimentary donuts frá Dunkin Donuts þegar við komum og pöntuðum svo risapizzu upp á herbergi í kvöldmat. Allt voðalega bandarískt! Ætlum nú ekki að hafa næstu mánuði með svona mataræði, þá kæmum við heim ansi mörgum kílóum þyngri...

Í gær fengum við svo bílaleigubíl og keyrðum til Philly. Ferðin gekk vel og hefðum við ekki getað þetta án hjálpar "Where 2" navigation kerfisins. Keyrðum yfir margar brýr og borguðum marga dollara í vegatolla en komumst heilu og höldnu á gististað. Gengum aðeins um borgina í gær, versluðum í matinn en búðir eru í göngufæri og fengum okkur svo að snæða um kvöldið. Allir staðirnir sem við vildum fara inn á voru greinilega mest hip og kúl staðirnir með klukkutíma bið eftir borði þannig að við fórum á einhvern healty stað þar sem ég klikkaði á matseðlinum og pantaði mér óvart salat! Var svo sem allt í lagi enda höfðum við stoppað á leiðinni til Philly og borðað amerískan skyndibita sem var ekki mjög hollur!!!

Erum semsagt í góðum gír hérna, veðrið ótrúlega gott miðað við árstíma en hitinn er núna um 30°C og sól. Búin að sjá ansi mikið af amerískum stereótýpum og líður svoldið eins og við séum dottin inn í eitt stykki bandaríska bíómynd...

Knús og kossar frá Philly

Hlynur og Erna

Nu er að koma að þvi...

2007-10-04T03:56:00.000-04:00

Hæ allir saman!

Erum búin að vera fyrir norðan síðan á þriðjudag að kveðja litlu fjölskylduna á króknum.
Verðum heima í Nökkvavoginum frá 17 í dag ef þið viljid sjá okkur áður en við förum til Ameríku!
Miðakerfi verður komið upp við innganginn og komast örugglega fleiri að en vilja....
Vonumst til að sjá ykkur...

Ciao
Hlynur og Erna Sif.

2007-09-28T11:16:00.000-04:00

Hæ hæ elskurnar mínar

Minns er bara endalaust glaður, búin með MS vörnina og allt gekk vel:)
Takk allir fyrir góðar kveðjur og stuðninginn í þessu öllu saman...

Erum svo að reyna að hitta ykkur öllsömul sem mest áður en við yfirgefum klakann næsta föstudag!

Vildi bara skella inn einni brillamynd hérna úr ferðinni okkar.
Þessi er tekin af mér og kindunum mínum í köfun í Rauða hafinu...
(Finnst hárið á mér alveg sérstaklega flott á myndinni, svona Tinnahár)

Meistari Erna (á morgun...)

2007-09-25T04:18:00.000-04:00

Hæ allir

Erum komin heim í stutt stopp áður en förum til Philly.
Komin með visa og allt klárt fyrir Bandaríkin:)

Bloggum svo meira þegar erum komin út og opnum þessa blessuðu myndasíðu sem við erum alltaf að lofa....

En bara smá tilkynning. Minns er víst að klára þennan blessaða master á morgun.
Svo ef þið viljið koma og hlusta eruð þið auðvitað velkomin!

Hér er tilkynning Læknadeildar um prófið með stað og stund...

Meistarapróf

Miðvikudaginn 26. september 2007, kl. 15:30 mun Erna Sif Arnardóttir
gangast undir meistarapróf við Læknadeild Háskóla Íslands og halda
fyrirlestur um verkefni sitt:

“Tengsl svitnunar, hitastigsstjórnunar og vanstarfsemi æðaþels hjá
kæfisvefnssjúklingum”.
(Sleep-related sweating, thermoregulation and endothelial function in
sleep apnea patients)

Umsjónarkennarar: Björg Þorleifsdóttir, lektor og Þórarinn Gíslason,
prófessor
Þriðji maður í MS nefnd: Eva Svanborg, prófessor

Prófarar:
Karl Andersen, dósent og Ólafur Baldursson, sérfræðingur

Prófstjóri: Þórarinn Sveinsson, dósent

Prófið verður í Blásölum LSH í Fossvogi og er öllum opið (uppi á 7.hæð fremst í gangi sem heitir E7)

Japonsku alparnir!

2007-09-18T06:12:00.000-04:00

Konbanwa (goda kvoldid)

Erum semsagt komin fra Kyoto og upp i japonsku alpana eins og their eru kalladir. Thetta svaedi er otrulega fallegt. Gistum a litlum stad sem heitir Kamikochi en thar mega bara rutur koma med folka einn akvedinn stad og svo roltir madur ad hotelinu sinu, engir bilar leyfdir. Algjor snilld!

Gistingin herna er frabaer med otrulegu utsyni a tindana i kring. Vid erum i 1500m haed en tindarnir i kring eru a 2500 - 3000m. A morgun er planid ad ganga a 2900m haan tind og sja yfir svaedid. Vedurspain er god og svo er lika gott kerfi herna ad madur kvittar sig inn og ur gongum. Her er ekkert nema nokkur litil hotel og held eg einn veitingastadur og erum vid med morgunmat og kvoldmat innifalinn. Vorum ad koma ur kvoldmat sem var ein stor ovissuferd. Vid maettum bara og tha var buid ad leggja a bord fyrir okkur um 15 retti sem voru hver odrum skritnari. Engar leidbeiningar fylgdu og thjonarnir tala enga ensku. Thannig ad vid logdum bara i hvern rett fyrir sig og meirparturinn var mjog godur. Thad verdur spennandi ad sja hvernig morgunmaturinn verdur...

Hotelin sem vid hofum gist a sidustu vikuna hafa oll verid i japonskum stil. Thad vill segja (sma donskusletta....) ad vid hofum fengid eitt herbergi med litlu bordi og stolum sem eru fotalausir. Ekkert rum er sjaanlegt og bara serstakar tatami mottur a golfum. Thad er stranglega bannad ad stiga a thaer i skom. Thegar madur kemur inn a thessi hotel tha faer madur innisko, japanska innisko yfirleitt numer 37 eda minni og i thessu hofum vid gengid um hotelid. Svo eru klosettin alltaf sameiginleg fram a gangi og thegar madur fer a thau tha tharf madur ad skipta ur venjulegu inniskonum yfir i serstaka klosettinnisko. Svo ma madur alls ekki fara a inniskonum inn a herbergi. Eg gerdi thad naestum thvi adan med hotelmanagerinn a eftir mer og hann tok thilik andkof thegar ad hann sa i hvad stefndi en eg mundi eftir thvi i taeka tid. A kvoldin er svo buid um mann med dynum a golfinu sem eru ekkert serstaklega mjukar en eru kalladar futon a japonsku.

Ryokanid (nafnid a thessum hotelum a japonsku) i Kyoto var mjog litid og saett. Thad er rekid af 150 ara gamalli konu og syni hennar. Thau voru svo vinarleg og sonurinn var held eg eitthvad gaga en eiginlega vandraedalega nice. Gamla konan nadi Ernu rett fyrir ofan mitti og var bara furdugod i ensku. Sonurinn vildi ad eg skrifadi nidur nokkrar setningar nidur fyrir sig a islensku svo hann gaeti laert ad tala vid okkur. Thetta voru svona basic setningar eins og godan daginn, bless, velkomin aftur, sturtan er tilbuin ofl. Thegar vid komum svo heim um kvoldid og pontudum sturtuna (ein sturta a stadnum) tha hringdi hann voda katur og tilkynnti okkur a godri islensku :Sturtan er tilbuin...og sagdi svo thusund sinnum takk a japonsku....

Ja mikid fjor og aevintyri her en erum farin ad sakna ykkar a klakanum.

Sjaumst eftir nokkra daga....

Kv Hlynur og Erna Sif

Helgin i Kyoto

2007-09-16T09:06:00.000-04:00

Hae hae

Hofum att frabaera helgi herna i Kyoto med Kensuke vini minum fra Salamanca og Kyoko konunni hans.

Erum buin ad buna a thau endalausum uppsofnudum spurningum um Japan og sidina her, fara med theim a rosagoda veitingastadi sem hefdum aldrei getad farid a ein thvi allt er a japonsku og stadsetningin thannig ad vid turistarnir hefdum aldrei fattad ad fara thangad. Forum lika ut fyrir borgina med theim a bil upp i fjollin og til staersta vatnsins her i Japan. Kensuke var med miklar ahyggjur ad vid stora folkid possudum ekki i bilinn hans, sendi mer serstakt email thar sem hann spurdi hvad eiginmadurinn minn vaeri har adur en vid hittu thau til ad vera viss ad vid possudum nu i bilinn. Svo var bara nog plass i Toyotunni theirra:)

Forum i gaerkvoldi a klikkadasta sushistad sem hofum nokkurn timann farid a.
Fengum all you can eat sushi og all you can drink bjor og sake og fleiri drykki fyrir heilar 2000kr a mann. Bordudum grilladan al, smokkfisk, paste gert ur igulkerahrognum (hlynur smakkadi), fullt af gedveikum tunfisk og lax i sashami og sushi og endalaust af allskonar millirettum, supum, skrytnu eggjadoti o.s.frv.

Svo i kvold forum vid og fengum "japanska pizzu" sem er algjor steik. Botninn er ur eggjum og kali, thad er enginn ostur ofan a og einhver skrytin raud sosa ofan a botninum. Svo getur madur valid um nudlur, kal, majones, svinakjot og fleira ahugavert ofan a. Var nu alveg gott tho vaeri ekkert likt pizzu.

Svo er meiri Kyoto skodun a morgun, endalaust mikid haegt ad skoda herna af fallegum hofum og gordum og　 aetlum ad reyna ad sja geishur i geishuhverfinu herna.
A thridjudaginn aetlum vid svo i Japonsku alpana og vonandi sjaum vid meira af theim en Mt Fuji. Vedurspain er amk miklu betri nuna fyrir fjollin...

Spurning dagsins: Hvad tharftu ad kunna morg takn i kanji (letrinu sem japanir nota) til ad teljast laes a japonsku???

Knus Erna

Ps: Mastersvornin min verdur midvikudaginn 26.sept i eftirmiddaginn svo ef ykkur bradlangar ad heyra um svitnun, hitastigsstjornun og vanstarfsemi aedathels hja kaefisvefnssjuklingum erud thid velkomin ad maeta og hlusta!!!

Ohaio kosai mas!

2007-09-13T07:54:00.000-04:00

Jaeja hvad segist er bara rigning a klakanum.....
Fengum nu sma skerf af rigningu herna thegar vid reyndum ad sja heilaga fjallid. Mt. Fuji er semsagt notoriosly shy eins og stod i einum baeklingnum. Thegar vid vorum komin ad votnunum fimm eda Fuji go ko sem eru vid raetur Fuji tha var bara allt skyjad og fjallid hvergi sjaanlegt. Vorum svoldid vonsvikin en thad er erfitt ad stjorna vedrinu. Gistum samt a mjog fallegum stad med utsyni yfir vatnid. Akvadum ad breyta ferdaplaninu og drifa okkur til Nara naesta dag. Thetta gekk otrulega vel. Skroltum i thorpsstraeto i tvo tima upp og nidur fjoll og firnindi og komum loks ad litlum bae thar sem superexpress lestin stoppar. Hoppudum um bord og ferdudumst a ca 300 km/klst til Kyoto. Thadan var svo stutt ferd til Nara.
Nara er semsagt gomul hofudborg Japan med mikid af fallegum temples og shrines. Gegnum i 8 tima i dag og saum allt thad helsta i borginni. Her eru dadyr ut um allt i gordunum og mikid af fallegum gordum. Forum i magnadan gard i dag thar sem vid saum i fyrsta sinn i ferdinni alvoru Feng shui gard. Saum lika 15 m haa styttu af Buddha og klikkada japani ad reyna ad troda ser i gegnum holu a einum stolpa i temple til thess ad odlast mikla hamingju.
Vedrid var mjog gott i dag um 30 stig en rakinn er mikill herna sem gerir hitann svoldid erfidari.
Reynum yfirleitt ad borda japanskan mat herna en maturinn herna er otrulega sur. Oft er enginn matsedill a ensku og svo eru rettirnir yfirleitt til synis ut i glugga i plastutgafu. Tha tharf madur ad geta ser til um hvad er oni hverri supu og deigi. Sushi er samt mjog gott herna en ekki i hvert mal... Is med graenu te bragdi er mjog vinsaell, meira ad segja til Haagendazs med thessu bragdi herna! Erna var hugrokk ad smakka en fannst ekki beint gott...
Mjog fair tala ensku herna en allir eru svo vingjarnlegir en oft svo feimnir ad their thora ekki ad tala vid mann eda horfa a mann. Svo rombudum vid inn a litinn bar thar sem vid vorum adalathyglin. Toludum vid barthjoninn og vidskiptavini sem gatu rett svo babblad eitthvad a ensku. Samt hafdi barthonninn buid 3 ar i Californiu!
I dag stoppudu svo nokkrir unglingar okkur sem voru med tha verkefni i skolanum ad tala vid utlendinga og aefa sig i ensku. Fengum blad fra theim um verkefnid og svo voru teknar myndir og allt voda gaman.
A morgun forum vid til Kyoto en thar verdum vid med local guide um helgina en vinur hennar Ernu fra thi i Salamanca byr her og hann og konan hans aetla ad syna okkur thad helsta og fara med okkur a sushi stad ofl. Verdur orugglega frabaert ad fa local view a stadinn.
En nog i bili......
Sjaumst thegar vid naumst
KV H & E

Tokyo yeah baby yeah!

2007-09-10T07:24:00.001-04:00

Hae allir saman
Erum stodd i Tokyo nuna. Alveg hreint otruleg upplifun ad vera herna. Hefur gengid mjog vel og hofum skodad otrulega mikid herna a tveimur dogum.
I gaer skodudum vid helstu hverfin herna med tvi ad taka undergroundid i allar attir. Mesta furda hvad thad gekk vel og thegar vid vorum alveg attavillt tha stoppadi alltaf einhver vinalegur japani og hjalpadi okkur. Forum m.a. til Shibuya thar sem vid saum fjolfornustu gatnamot i heima en um 2 milljonir manna fara thar um a hverjum degi. Fengum okkur sushi thar sem kokkurinn byr til matinn beint fyrir framan thig og forum upp a 52 haed i utsynisturni og skodudum naeturljosin i borginni.
I dag forum vid a fiskmarkad eldsnemma og saum alls konar kvikindi a bodstolum. Japanir vilja eta allt og thad tharf helst ad vera feitt, hratt og skritid...
Vorum ad enda vid ad koma af sumo glimu moti, en erum mjog heppin ad na thvi (byrjadi i gaer). Magnad ad sja thessar bollur allt upp i 200 kg hlussast a hvor adra...
Miklar seremoniur i kringum bardagana og erfitt ad skilja allar eins og thegar their rassskella sig o.fl...
A morgun forum vid svo til Mt. Fuji og planid er ad ganga a fjallid og svaedid i kring naestu daga.
Gemsinn okkar virkar ekki herna, their eru komnir med speisad kerfi og islenski gsm er bara drasl herna.
Ef thad er eitthvad tha er thad bara email eda blogg commentin
Fra Ernu...
Gudrun min, vid erum oll ein stor fjolskylda :)

Kvedja Hlynur og Erna Sif

Erna i Astraliu

2007-09-07T20:29:00.000-04:00

Hae allir

Vildum byrja a ad thakka ollum fyrir skemmtileg comment a bloggid:)
Thad skiptir ollu mali ad vita ad einhver er ad lesa thetta, svo madur haldi afram ad skrifa!

Held ad Hlyns fjolskylda se nu mest dugleg, hvad er thetta min fjolskylda, enginn ad lesa???

Svo vid svorum nu Olofu Svolu, tha er 10 klst timamismunur a milli Cairns i Astraliu og Islands.
Svo nuna thegar klukkan er 10 um morgun hja okkur, tha er hun midnaetti hja ykkur a deginum a undan. Semse astaedan fyrir thvi ad eg missti 10 tima ur afmaelisdeginum!

Svo er Japan 9 klst a undan en vid erum a leidinni thangad a eftir!

Hofum att frabaera viku herna i Astraliu. Alltof stuttur timi audvitad en mikil nostalgia i gangi.
Forum strax i Woolies, uppahalds supermarkadinn okkar herna og keyptum okkur uppahalds morgunmatinn okkar (algjor synd ad se ekki til heima), uppahaldsnammid okkar herna, sura orma og gedveikar karamellur sem kosta heilar 50 kr pokinn.

Vorum i rauninni haestanaegd thegar morgunmaturinn var ekki innifalinn i hotelkostnadinum, attum ad borga 1500 kall a mann fyrir morgunmat a dag og mamma mia timdum thvi engan veginn. Keyptum thvi bara allar graejur i Woolies, mjolk, plastdiska og skeidar og bordudum upp a herbergi bestasta morgunmat i heimi!

Fyrirlesturinn og veggspjaldasyningin hja mer gekk bara vonum framar. Vorum enntha ad vesenast i fyrirlestrinum og breyta thvilikt innihaldinu alveg thar til daginn adur en helt hann.
Algjor steik, fundum eina villu i gognunum nefnilega sem rustadi ollu daeminu.
Allavegna, thetta reddadist og eg er bara fegin ad vera buin ad thessu!

Svo forum vid ad turistast i gaer, rosa gaman. Forum i the Atherton Tablelands sem er svaedi nalaegt Cairns med fullt af regnskogi sem er hluti af World Heritage Area. Var alveg frabaert ad vera uti ad labba i skoginum og litlar pokarottur, bush turkey og fleiri dyr ad tolta i kringum mann. Setjum inn einhverjar myndir enn ekki fyrr en komum heim held eg, sorry.

Allavegna, knus og kossar fra Astraliu!
Hlokkum til ad sja alla eftir 2 vikur heima...

Erna og Hlynur